«Тордым да: «Бу төшме әллә?» – дим. Бик елыйсым килде, янымдагы дустым: «Син молодец, кыю, булдырасың, түзәсең», – дип рухландырып торды. Кул асылынып тора иде, авыртуны сизмәдем дә башта», – дип сөйләде безгә Азнакай егете Морат Мәүлетов.

Казанның М.Н. Садыйков исемендәге 7нче шәһәр клиник хастаханәсенең бала тудыру йортында хәзер яңа мөмкинлекләр – реанимация бүлегендә пилот проект гамәлгә ашырыла. Табиблар документларны кулдан тутырмый, операция һәм пациент турында җиһазларда теркәлеп бара торган белешмәләр реаль вакыт режимында системага керә.

Апас кызы, бүген Казанда яшәүче Лилиянең тормышын 2022 нче ел чәлпәрәмә китерә, бер-бер артлы сынаулар ява. Иренең күзенә генә карап торып яшәгән ун ел вакыт узгач, Лилия кинәт аның читләшүен тоя, югыйсә, күпме еллар бәхет диңгезендә йөздергән бит ул аны. Мондый салкынлык эзсез узмый: Лилия тирән хафа-борчуга төшеп, тәмам авыруга сабыша.

Казанның Марат Садыйков исемендәге 7нче шәһәр хастаханәсенең бала тудыру йортында зур бәйрәм – сигез балалы гаиләне яңа туган бәбиләре белән өйләренә озаттылар.

Аллаһы Тәгалә бирәм дисә – бирә, алам дисә – ала. Мөслимдәге янгын фаҗигасеннән соң ирексездән шушы сүзләр күңелгә килә. Югыйсә, ире, балалары чыгып котылып, Гөлназ үзе дә чыгып өлгерергә тиеш кебек иде дә, тик гомерең бетәсе булса, барыбер өзеләсең икән.

Татарстанның Республика клиник хастаханәсендә зур үзгәртеп кору эшләре бара. Капиталь ремонттан соң стационарның бер өлеше инде әзер. Аның нәтиҗәләрен Татарстан сәламәтлек саклау министры Альмир Абашев бәяләде. Шулай ук, журналистларга да төзекләндерү белән бәйле үзгәрешләрне күрсәттеләр.

Татарстан һәм Башкортстанның халык җырчысы, Россиянең атказанган артисты Идрис Газиевның Казанның Тукай исемендәге Татар дәүләт филармониясендә концерты 30 октябрьдә көтелә. Аны «концерт» дигәнгә караганда, «моң кичәсе» дип әйтү дөресрәк тә булыр төсле. Озын көйләр остасы буларак җырчы үзе дә, моңлы шәкертләре дә кич буе милли аһәңнәрен таратачак.

Казанда РСФСРның атказанган авыл хуҗалыгы хезмәткәре, ТАССРның авыл хуҗалыгы министры (1971-1983) Госман Җиһаншинга ул яшәгән Кече Кызыл урамы,14 адресы буенча йорт диварында мемориаль такта ачылды. «Таләпчән, әмма кешелекле...» – дип искә ала аны балалары, хезмәттәшләре, ул идарә иткән чорда эшләгән хуҗалык җитәкчеләре.

Ватанны яклау хакына гомерләрен куркыныч астына куярга курыкмаган һәм дошман утына эләгеп имгәнгән батырларны күргәч, нинди хис туа? Горурлык, соклану һәм аларга яңадан тормышка кайту һәм сихәтләнү өчен мөмкин булган бөтен ярдәм күрсәтелсен иде дигән хис-теләк туа, чөнки алар моңа лаек.

Аңсыз хәлдә, пычак белән яраланган, авариягә эләгеп, тимер-томыр арасына кысылып калган, температурасы төшми, тыны кысыла... һәм башка шундый куркыныч чакыруларны атнасына ничәмә-ничә тапкыр ишетергә туры килә икән ашыгыч ярдәм хезмәткәрләренә?! Шушы юлларны язганда да тәннәр чемердәп куя...

Татарстанда балалар бакчаларында капиталь ремонт буенча аерым программага ихтыяҗ туып килә. Бу хакта Татарстан Дәүләт Советы Мәгариф, мәдәният, фән һәм милли мәсьәләләр комитеты утырышында сөйләштеләр.

Татарстан Республикасы Фәннәр академиясенә 35 яшь тулды. Юбилейны бүген тантаналы төстә Галиәсгар Камал театрында билгеләп үттеләр.

Яңа мәктәп автобуслары, җылы котлау сүзләре, Уникаль осталык үзәгендә төрле күргәзмәләр, мастер-класслар, концерт программасы – менә шулай тантаналы чараларга бай булды бүген Казанда Укытучылар көне.

Республика Рәисе йөкләмәсе нигезендә ат үрчетүне үстерү буенча 2027–2031 елларга исәпләнгән биш еллык төбәк проекты эшләнгән. Программа рәсми рәвештә 2027 елда башланачак, әмма аның кысаларындагы эшләр быел ук башланган.

«Авыл укытучысы ул – авылны саклап, яклап торучы, аны тәрбияләүче, халкына киңәш бирүче бер илаһи зат» – Татарстан Республикасы мәгариф һәм фән министры Илсур Һадиуллин бүген журналистлар белән аралашу барышында авыл мөгаллимен әнә шулай сыйфатлады.

«Гомерен гаиләсенә, эшкә багышлаган. Чын хезмәт кешесе. Аның гомере Ватанга хезмәт итү үрнәге булып тора», – диде Фәния апа Хәирова турында Татарстан хезмәт, халыкны эш белән тәэмин итү һәм социаль яклау министры Эльмира Зарипова. Ул 90 яшьлек хезмәт ветеранын тәбрикләргә аның өенә барды.