Бүген Мәрҗани мәчетендә җырчы, танылган җәмәгать эшлеклесе Зөфәр Сафинны соңгы юлга озаттылар. «Интертат» хушлашудан репортаж тәкъдим итә.

Бүген «Яңа гасыр» телекомпаниясендә популяр тапшырулар режиссеры Рифат Йосыповны соңгы юлга озаттылар. Мәрхүмне озатуда «Интертат» хәбәрчесе дә катнашты.

Филология фәннәре докторы, әдәбият белгече, ТАССРның һәм РСФСРның атказанган фән эшлеклесе, Казан университеты профессоры Йолдыз Нигъмәтуллина вафат булды. Күренекле галимә белән Казанның 12нче хастаханәсе моргында хушлаштылар.

Россия Герое исеменә лаек булган татар егете Алмаз Сафин белән 23 гыйнвар көнне туган ягы – Башкортстанның Әлшәй районы Раевка авылында хушлаштылар.

Фәнис Юламановка – 34, Олег Осиповка 46 яшь иде.

Хай-дайвинг буенча Россия чемпионы Ләйлә Сәламованың 23 яшендә Карелиядә гомере өзелде. Бу хакта «Спорт-Экспресс»та Анастасия Рацкевич яза.

Бу көннәрдә Башкортстанның мәдәни дөньясы зур югалту кичерә. Нибары 39 яшендә Салават дәүләт башкорт драмтеатрының талантлы актрисасы Нәркәс Юмагузина вафат булган. «Интертат» мәрхүмәнең якыннары һәм сәхнәдәшләре белән сөйләште.

«Интертат» 2022 елда арабыздан киткән билгеле шәхесләрне һәм милләттәшләребезне барлады. Шушы исемлеккә кергән һәм керми калган барча әрвахларның урыннары оҗмахта булсын! Якыннарына сабырлык телибез!

Казанның Самосырово мөселман зиратында җырчы-шагыйрь Илсур Хөснетдинов белән хушлаштылар. Аның белән хушлашырга дип, санаулы кеше генә: туганнары, каләмдәшләре, радио хезмәткәре килде. Татар җыр сәнгатендә хитлар тудырган авторны соңгы юлга озату мәрасимендә татар эстрадасыннан бер җырчы да юк иде... «Интертат»тан озату мәрасименнән репортаж.

Татарстан Республикасының театр сәнгате тирән кайгы кичерә. Бүген Татарстанның халык артисты, милли сәхнәбезнең якты йолдызларыннан берсе Раушания Юкачева вафат булды. Раушания ханым моннан дүрт ел элек «Татар-информ» мәгълүмат агентлыгына килеп, хатын-кыз язмышы, театр тормышы турындагы фикерләре белән уртаклашкан иде.

Әти-әнисен яшьли югалткан Айгөл Бариевага язмыш тагын бер сынау әзерләгән булып чыкты. Бүген төнлә аның хәләл җефете Линар Юсипов вафат булды - инфаркт. Нык, көчле, көләч йөзле, хәрби кешенең шулай кинәт гүр иясе булып куюга ышануы авыр. 7нче номерлы шәһәр хастанәсе яныннан Линар Юсиповны соңгы юлга озаттылар. «Интертат» хушлашу мәрасимендә булды.

Тәтеш районы егете, 28 яшьлек разведчик Андрей Соколовский Украинада махсус операция вакытында һәлак булды. Андрей гомерен армиядә хезмәт итүгә багышлый – башта армиядә вакытлы хезмәттә була, аннары янә контракт белән китә. Олы йөрәкле хәрбине соңгы юлга озатуда «Татар-информ» хәбәрчесе дә катнашты.

25 майда Чаллының талантлы журналисты Гафиулла Газиз вафат булды. «Интертат» гомерен татар халкына хезмәт итү һәм милләт үсешенә багышлаган журналистның якыннары һәм дуслары белән сөйләште.

Диктор 1963-1982 елларда «Татарстан» радиосында эшләгән. Аңа 96 яшь иде.