Башкортстанның Чакмагыш районы Аблай авылында бер ерткыч, кетәклеккә кереп, тавыкларны буып ташлаган. Мессенджерларда таралган видеода хуҗабикә бу хакта еларга җитешеп сөйли: 15 бройлерны буган. Һөҗүм иткән ерткычны да таныганнар: ул – бурсык. «Интертат»ның укучылары каза күргән хуҗабикәне эзләп табарга ярдәм итте.

Шушы атнада татарстанлылар эзсез юкка чыккан 17 яшьлек егет һәм кызның табылуы турында хәбәрне зарыгып көтте. Кызганыч, кичә Арча егете Рәсул Халиковның вафаты турында кайгылы хәбәр килеп иреште. Ә 19 августта югалган Биектау кызы, шөкер, исән-сау табылган. Бу хакта бүген «Лиза Алерт» эзләү отрядының соцчелтәрдәге битендә хәбәр чыкты.

Бүген Башкортстанның һәм Татарстанның халык артисты Фидан Гафаровның тормыш иптәше Фәридә Гафарова вафат булды. «Интертат» дуслары сүзләре буенча «мәшһүр җырчының маягы булып гомер кичергән, сабырлык үрнәге» Фәридә ханым турында истәлекләр туплады.

Билгесезлек җанны ашый. Алтынчы тәүлек газиз улының кайда икәнен белмәгән ана җанына каян тынычлык алырга тиеш?! Арчада ут йотып яшәүче Алсу Хөсәенова 17 яшьлек улы Рәсул Халиковның исән-сау кайтачагына ышанып яши.

21 августта 13 сәгать 30 минутлар тирәсендә «М5-Урал» трассасы участогында Новоспасское һәм Николаевка бистәләре арасында «Mercedes» микроавтобусы ике йөк машинасы арасында калып кысыла. Нәтиҗәдә 16 кеше һәлак була. Аларның 14е – Кыргызстан кешеләре, 2 се – Россиядән. Барысы биш хатын-кыз һәм унбер ир-ат.

Соңгы елларда Соль-Илецк шәһәрендәге Тоз күле зур популярлык казанды. Ерак түгел, машина белән дә барып була, өстәвенә азмы-күпме сервис та бар. Ә менә Әстерхан өлкәсендәге Баскунчак (Баскынчак) күле ни сәбәпледер ул кадәр популяр түгел. «Интертат» йөзә белмәүчеләр өчен «батмый торган» тагын бер күлгә ничек барырга икәнен өйрәтә.

Сезон башлануга, бөтен дөньядан бал рекламасы агыла башлый. Чәчәкнеке, юкәнеке, фәләннеке дип, нинди генә балны тәкъдим итмиләр. Бәясе дә өч меңгә җиткән икән инде. Шул бәягә ялган бал сатып алудан сакланырга кирәк. Белгечләр бертавыштан ышанычлы, белгән, тикшерелгән умартачыдан гына бал алырга киңәш итә.

Шимбә көнне Ульяновскиның Идел аръягы районында бер атна элек янган татар утарын сүтү һәм урынын чистарту буенча өмә узды. Мәхәллә картлары, бу хәлгә битараф булмаган шәһәр кешеләре җыелды. Картлар үз куллары белән торгызган бинаны үзләре сүтте.

Кияүдән кайткан хатын-кызларга халык гаепләп карарга мөмкин. «Кешедән яхшы түгел», «Кеше нәрсә әйтер?» дип уйлап, кайбер хатын-кызлар үз ире тарафыннан җәберләнеп яши. Гаиләдә туктаусыз сүз куерту, кул күтәрү, кычкырышулар булса да, хатын-кыз түзә һәм башкаларга бу хакта белдермәскә тырыша.

Медицина фәннәре кандидаты, Казан дәүләт медицина университетының урология кафедрасы ассистенты, Медицина клиникасы университетының урология бүлеге уролог-табибы Ильяс Нуриев үз һөнәрендә татар теленең әһәмияте турында фикерләре белән уртаклаша.

Инглиз теленнән кергән сүзләрне яшьләр актив куллана башлады. Сленглар безнең татар телебезгә үтеп кереп, әдәбиятыбызга тәэсир итәрме?

Казанда танылган «Перваки» төркеменә карата ачылган җинаять эше өченче мәртәбә карала. Алар Казан эшмәкәрләрен һәм «Русское радиосы» хуҗасын үтерүдә гаепләнә. Бу юлы хөкем ителүчеләр эскәмиясендә дүрт кеше, тагын икесе инде вафат булган. «Татар-информ» хәбәрчесе «Перваки» үтергән бизнесменның тол хатыны хатирәләрен суд залында тыңлап кайтты.

Эльвира Латфуллинага бала тапкач «таркау склероз» («рассеянный склероз») диагнозы куялар. Бүген ул безнең ярдәмгә мохтаҗ. «Төп проблемам – оча сөякләрем тотмауда, шуңа күрә йөри алмыйм, аркамны тоту да авыр бирелә. Аякка басмавыма 11 ел инде», – дип искә алды Эльвира ул көннәрен.

Татарстанда кешеләрнең аю белән очрашу очраклары ешайган. Аю күргәч нишләргә кирәк икәнен һәм республикабызда әлеге җәнлекне кайсы урманнарда күреп булуын белештек.

Продюсер, шәхси бренд буенча белгеч Альбина Корбанова белән PR-белгеч көненә багышланган очрашуда күрештек. Үзе әлегә җырчылар, артистлар белән эшләмәсә дә, белгеч буларак, популяр артистларга карата фикерләре белән уртаклашты.

Дәүләт Думасы кабул иткән яңа закон буенча ана капиталы ярдәмендә балага белем бирү мөмкинлеге була. Хәзер ата-аналар мондый акча белән шәхси эшмәкәрләр ачкан балалар бакчалары өчен дә түли ала. Бу һәм башка үзенчәлекләр турында «Казанские Ведомости» кыскача кулланма әзерләгән.

Бүген төнге сәгать берләр тирәсендә Ульяновскиның Идел аръягы районында урнашкан Татар утарында янгын чыккан. Халык көче белән, халык акчасына торгызылган йорт кара күмергә әверелгән.

Йокыга китә алмый азаплансаң, дарулар эчәргә ашыкма. Интернетны ачып, АСМР дигән сүз белән видео тап һәм шуны кара. Иң мөһиме, телефоның битеңә килеп төшмәсен, чөнки АСМР чыннан да йоклатырга мөмкин. Аны «өлкәннәр өчен бишек җыры» дип атыйлар. Аның тәэсир итү механизмы нәрсәдән гыйбарәт соң?

Татарстан журналистларының иң дәрәҗәле бәйгесе дип саналган «Бәллүр каләм»нең быел юбилей елы иде. Ул егерме бишенче тапкыр узды. Быелгысы «Татар-информ» һәм «Интертат» өчен аеруча шатлыклы, чөнки хезмәттәшебез Гөлнар Гарифуллина «Һәнәрдә иң яхшысы» номинациясендә җиңү яулады.

Чистай районы Кызыл Ялан авылы халкы авыл читендәге буш урынга агачлар утырткан булган. Ләкин җирлек башлыгы бу территориянең печәнен, бер уңайдан, «корыганнар» дип, агачларны да тракторга чаптырып ташлаган. Агачларны утырткан кешеләр моңа ризасызлык белдерә, җирлек башлыгын ваемсызлыкта гаепли.

Бөтендөнья татар конгрессының VIII съездында милләтне борчыган мәсьәләләрне сөйләштеләр. Секцияләрнең берсе «Татар матбугаты кыры: алда торган бурычлар» дип аталды. Татар журналистикасы үсеш кичерәме? Телне ничек саклап калырга? Төбәкләрдәге татар матбугатына нинди ярдәм күрсәтеләчәк?

Язмыш кешене төрле якларга ташлый, кеше башы ни генә күрми. Актанышта туып, бүген ерак Кузбасс җирендә - Новокузнецк шәһәрендәге фатирында гомер иткән 92 яшьлек Флүр Халиков ялгыз картлыгы турында сөйләде.

Берләшкән Гарәп Әмирлекләре – икътисади яктан алга киткән, тормыш дәрәҗәсе яхшы үсеш алган бай ил. Бу туристик сезонда Төркиягә бәяләр кинәт кенә үсеп киткәч, туристлар Гарәп Әмирлекләренә барып ял итүне кулай күрә. «Татар-информ» хәбәрчесе, гарәп илендә булып, җирле гореф-гадәтләр һәм кануннар белән танышып кайтты.

«Татар-информ» журналисты Гөлнар Гарифуллина – «Бәллүр каләм» республика журналистлар бәйгесе финалисты. Унбиш ел буе һөнәренә тугрылыклы калган хезмәттәшебезнең тырышлыгы бәяләп бетергесез. Язма геройлары хәтта телефон аша да аның нинди булуын сизәдер дип уйлыйм. Сезне дә аның белән якынрак таныштырырга булдык.

Әлмәтнең «Сәламәтлек» паркында 13 яшьлек Алан Үтәшевның аягына тимер койма төшә. Малайның әнисе әйтүенчә, шул көннән соң Аланның тормышы сызып аткандай була. Ул хәзер гел дарулар гына эчә, гаилә репититор, табибларга йөреп, күп акча сарыф иткән. Ә Аланның бу хәленә төшүенә җаваплы кешеләр баланың әнисен гаепли һәм койманы да төзәтергә теләми.

24 июль көнне Минзәлә районы Иске Иркәнәш авылы янында Ык елгасында су коенганда 14 яшьлек яшүсмер батып үлгән. Туганнарының, якыннарының тирән кайгыларын уртаклашабыз.

Бурдан кала, уттан калмый. Ни кызганыч, кызу җәй айларында янгыннар артканнан арта гына бара. Питрәч районы Шәле авылында коточкыч янгын – Рәдиф Гыймадиев дүрт бала белән урамда калган.

Бурятия ул – матур пейзажлар, киң далалар, биек таулар һәм зәңгәр елгалар иле. Бурятия һәм аның башкаласы Улан-Удэда аерым бер рух, үзенчәлекле мәдәният бар. «Татар-информ» хәбәрчесе Зилә Мөбәрәкшина бер атна дәвамында Байкал күлендә коенып, Баргузин тауларына менеп, бурят халкы белән аралашып кайтты.

Бүген Башкортстанның Благовар районында алты кешенең гомере өзелгән коточкыч юл һәлакәте булган.

Чаллы кызы, коляскалы биюләр буенча дөнья чемпионы Гөлназ Акбашева үзенең бу тормыштагы иң зур җиңүен яулаган – 14 ел вакытын инвалид коляскасында үткәргәннән соң, ниһаять, аякка баскан. Максатына ирешү өчен күпме көч түгүе, ни өчен аякка басачагына өметен өзмәве, йөри башлагач үзгәргән тормышы турында Гөлназ «Интертат» хәбәрчесенә дә сөйләде.