24 декабрь көнне махсус операциядә һәлак булган Питрәч районы Карповка авылы егете Алмаз Кәбировны соңгы юлга озаттылар. Яралы иптәшен коткарырга тырышканда һәлак булган Алмаз, һәлак булганнан соң, «Батырлык» ордены белән бүләкләнде.

«Бер тапкыр зарланмыйча китеп барды, барыбыз да бик яхшы кешене югалттык», - диде әни кеше күз яшьләре аша улының кабере кызыл кәнәфер чәчәкләре белән күмелгәндә. Кичә махсус хәрби операциядә һәлак булган 37 яшьлек Руслан Семеновны «Курган» зиратында җирләделәр. «Интертат» хушлашу мәрасимендә булды.

Палестинадан, төгәлрәге, инде өченче ай сугыш барган Газзә секторыннан Казанга укырга килгән студентлар авыр хәлдә калган. Аларның кайберләренең әти-әниләре һәм барлык якыннары һәлак булган, нәтиҗәдә аларның уку һәм торак өчен түләргә акчалары юк. ТР мөселманнары Диния нәзарәте ятим калган студентларны үз канаты астына алды.

Бүген Татарстан Рәисе Рөстәм Миңнеханов журналистлар белән очрашты. «Интертат» әлеге очрашуда әйтелгән төп фикерләрне туплады.

2023 елда кайсы блогерлар аеруча активлашкан? Кайсы, нинди юллар белән танылу алган? «Интертат» Татарстан һәм Башкортстан блогерлары тормышына күзәтү ясады.

«Блогерларсыз яшәп була, ә тракторчы һәм урманчысыз – юк». Саба урман хуҗалыгында булган «Казанские ведомости» журналистлары шул сүзләрне ишетеп кайта. Чиста һавасыз яшәү исә тагын да начаррак. Безнең өчен кирәкле бу продуктны кемнәр җитештерә соң?

Һәр елны әти-әниләр Яңа ел бәйрәмнәренә, балаларны котларга Кыш бабай һәм Кар кызын чакыралар. Быел бу геройларны чакыручылар бармы, бәяләре ничек үзгәргән? Тулырак - «Интертат» язмасында.

1988 елның 7 декабрендә Әрмәнстанда көчле җир тетрәве була: ярты минут эчендә Спитак шәһәре юкка чыга, Ленинакан, Степанаван һәм тагын 19 шәһәр, 58 авыл җимерелә, 25 меңнән артык кеше үлә, 40 меңнән артык кешене коткаралар. Шушы хәлләрне үз күзләре белән күргән кешеләрнең хатирәләрен «Интертат» укучыларына тәкъдим итәбез.

Татарстанлылар «Газпром трансгаз Казань» офисларында яртышар көн чират тора. Сәбәбе – техник хезмәт күрсәтүгә килешүләрне яңадан төзү ихтыяҗы, югыйсә 2000 сумлык штраф яный.

Озакка сузылган авырудан соң, 61 яшендә ТР Дәүләт Советы матбугат хезмәте җитәкчесе Резида Макуева вафат булды. Танылган журналистны «Курган» зиратына җирләделәр.

«Интертат» Әтнә районы Олы Мәңгәр авылында иртәнге якта чыккан коточкыч янгын корбаннары белән аралашты.

«Безне район ташлады. Инде сәламәт кешеләрне алдасыннар, инвалидларны алдадылар бит алар», – ди Арча станциясенең элеккеге аяк киеме фабрикасы бинасында яшәүчеләр. Квота белән фатирга ия булган мохтаҗ, инвалид, аз керемле 18 гаиләдән Дәүләт торак фонды 4-5 миллион ипотека түләттермәкче була. «Интертат» язмыш иркендә калучылар белән таныштыра.

«Чулпан» мәдәният үзәгендә Казан филармониясе артистлары Кәрим Тинчуринның «Зәңгәр шәл» пьесасын күрсәттеләр. Вокаль-хореографик спектакльдән КФУның Филология һәм мәдәниятара багланышлар институты студенты Илзирә Хәйруллина репортажы.

27 яшьлек Әстерхан егете, татар активисты Азамат Бердиев 1 августта махсус хәрби операциядә һәлак булды. Үзе каты яралангач та, ул эвакуациядән баш тарткан, шул хәлдә хезмәттәшләнен коткарган. Кичә Азамат Бердиевка Россия Герое исеме бирелде.

«Интертат» хәбәрчесе «Слово пацана. Кровь на асфальте» сериалында иң кечкенә «пацан» – Лампаны уйнаган Альберт Тавабиловны эзләп тапты. 12 яшьлек татар малае Альберт Пермь өлкәсенең Гамово бистәсендә яши. Альбертның әнисе – укымышлы, чип-чиста итеп татарча сөйләшүче Айсылу ханым Габдуллина белән аралашу мөмкинлеге дә чыкты.

Көнчыгыш календаре буенча 2024 ел – яшел агач Аждаһа елы. Кытай мәдәниятендә әлеге мифик хайван хакимият, затлылык, хөрмәт һәм уңышны символлаштыра. Билгеләр, яраткан төс һәм ризыклар – киләсе елны ничек каршы алырга икәне КФУның Филология һәм мәдәниятара багланышлар институты студенты Зөлфия Шәвәлиеваның «Интертат» өчен язмасында.

Хәзер 2024 елга язылу кампаниясе азагына якынлашып килә. Почта хезмәтендәге проблемалар һәркемгә мәгълүмдер. Шул уңайдан, «Интертат» басма газета-журналны кулга тотып уку культурасының хәлен белеште, басма мәгълүмат чараларын күпләп яздырып укучыларны барлады. Бүгенге заманда газетаны яздырып укучылар кемнәр алар?

«Алар икесе дә гел матур күренә, бик матур киенә иделәр. Ләкин гомерләре ахырына кадәр шәһәр читендә виллалары булмады, бу – факт», – дип сөйли ТАССРның легендар җитәкчесе Фикрәт Табеев оныкларының берсе Диана Табеева. Әфганстандагы тормышыннан алып, «татар мәсьәләсе»нә мөнәсәбәтенә кадәр ул «Татар-информ»га биргән интервьюсында сөйләде.

Казан мэриясендә узган аппарат киңәшмәсендә район башлыклары үзләренең ведомство карамагындагы территорияләрнең Яңа ел бәйрәмнәренә ничек бизәләчәге һәм шәһәр халкын нинди чаралар көтүе турында сөйләде.

«АиФ-Брянск» 7 декабрьдә Бежица районында булган фаҗигане тикшерү барышын күзәтүне дәвам итә. Зыян күргән балалар нинди хәлдә һәм тикшерү барышы турында нинди яңа детальләр барлыкка килгән?

Кичә Брянск гимназиясендә 8нче сыйныф укучысы ут ачты. Бу – мәктәпкә кыз бала оештырган һөҗүм нәтиҗәсендә мәетләр булуның беренче очрагы. 14 яшьлек кызның мәктәпкә һөҗүм итүе турындагы хәбәр чыгуга ук, хәтергә инде булган очраклар килде. Казан, Пермь, Ижевск... Нишләп бу хәлләр кабатлана? «Интертат» фикерләр туплады.

«Шәһри Казан» газетасын нинди үзгәрешләр көтә? Ничек ташлама белән газетага язылырга? «Шәһри Казан. Язмыш» газетасына карата нинди дөрес булмаган фикерләр йөри? Газетаның баш мөхәррире Радик Сабиров барысын да сөйләде.

«Үзенчәлекле балалар болай гына бирелми. Алар миңа бирелгән өчен Аллаһы Тәгаләгә рәхмәтлемен. Улларым мине көчле итте. Мин – бәхетле әни», – диде 17 ел ике улын коляскада йөрткән ана. Көчле әти-әни һәм көчле балалар, мәрхәмәтле кешеләр тарихы - «Интертат» сайтында.

Һәр шимбә саен Казанда махсус билгеләнгән мәйданчыкларда авыл хуҗалыгы ярминкәләре уза. Шундый ярминкәләрнең берсендә «Казанские ведомости» журналисты да булды.

Бәла гел көтмәгәндә ишек кага. Әле 1 ай элек кенә Кәбировлар гаиләсендә алтынчы сабый туа. Алтынчы тапкыр әти-әни булу бәхетен кичергән Руслан белән Алинәнең башына уйламаганда хәсрәт төшә – йортлары яна.

Балаларга акча тотуны ничек өйрәтергә? «Ата-аналар өчен университет» лекциясендә финанс грамоталылыгы буенча консультант, балалар һәм яшүсмерләр өчен бизнес-мәктәп тренеры Елена Сальникова шул турыда сөйләде.

«Без – әниләрдән куркып яшәгән соңгы буын һәм балалардан куркып яшәүче беренче буын». Салават абый Фәтхетдиновның әлеге сүзләре афоризм булып таралды. Бу тема шактый бәхәсле булып чыкты: килешүчеләр, килешмәүчеләр бар. «Интертат» бу хакта сораштыру уздырды.