Казанда өченче тапкыр «Балалар премиясе» узды. Балалар өчен чын бәйрәм үткәргән «Барс медиа» компаниясе молодец! Балалар үзара татарча аралашса, тагы да кәефем күтәрелер иде, әлбәттә, ләкин хәзер бу хакта түгел...

20 мобилизацияләнгән татарстанлы видеоэлемтә аша туганнары белән элемтәгә керде. Моның өчен ТР хәрби комиссариатында махсус хәрби операция зонасыннан телекүпер оештырдылар. Хәрбиләрнең әниләре, хатыннары һәм балалары белән очрашуыннан иң дулкынландыргыч мизгелләр – «Татар-информ» репортажында.

Сез хөкүмәттән бушка орлыклар алып булганны беләсезме? Ул орлыклар кайсы районнарга таратыла һәм кемнәргә бирелә? Белмәсәгез, әлеге әңгәмәне игътибар белән укып чыгыгыз.

Журналист Эльмира Сәлахова күп еллар «Ирек мәйданы» газетасында эшләде. Мәҗлесләр алып баручы буларак та билгеле. Бүген декрет ялында. Күптән түгел икенче тапкыр әни булды. Ул янә яшәргән, димме соң. Сәламәтлегең булса, кырыкта бала табуның бер начарлыгы юк икән – бу хатын-кызларга бер киңәш.

Тинчурин театры чираттагы премьерасын чыгарды – «Ашина». Пьеса авторы – Ркаил Зәйдулла. Режиссер – Илсур Казакбаев. Жанры – мистик драма. Спектакльне хәбәрчебез ике мәртәбә карады.

Сейсмологлар Төркиянең Хатай провинциясендә 5 магнитудалы яңа җир тетрәү булган, дип хәбәр итте. Ә иң көчлесе » 6 февральдә 7,7 һәм 7,6 магнитудалы җир тетрәү иде... «Татар-информ» хәбәрчесе җир тетрәү булган урынга беренчеләрдән булып барган волонтер – Шабан Йылдыз белән сөйләште.

Әгерҗедә, мобилизациягә эләгеп, Украинадагы махсус операциядә һәлак булган Ринат Иванов белән саубуллаштылар.

«Татар-информ» журналистлары Светлана Белова һәм Михаил Захаров фронт буендагы Лисичанскида булып, җирле халыкның ничек яшәвен үз күзләре белән күреп кайтты.

Исхак Фәйзуллин Тәтеш районы Әтрәч авылында туган. Буш вакытында шигырьләр яза, гармунда уйнап, көйләр иҗат итә. Аның шигырьләрен район гәҗитләрендә көтеп алалар, ә шәхси аккаунтында 900гә якын язылучысы бар. Аның сүзләренчә, дөнья мәшәкатьләренә бәйле, иҗатны кичектереп торырга туры килгән. Ә хәзер – моның өчен иң уңайлы вакыт, ди ул.

Берничә ел элек табиблар Бөгелмәдә яшәүче Екатерина Понамаревага авыр диагноз куя. Әлеге ханымның тормыш иптәше гаиләгә килгән авырлыклар, мәхәббәт, тугрылык һәм өмет турында сөйләде.

Чаллының Сара Садыйкова исемендәге концертлар залында 2 көн дәвамында җырчы Руслан Кираметдинов концертлары гөрләде. Артист тамашага «Интертат» хәбәрчесен дә чакырды.

Урман хуҗалыгында эшләүче яшь белгечләргә нинди түләүләр бар? Өлкәдә уртача хезмәт хакы күпме? «Интертат» шушы һәм башка сорауларны ТР Урман хуҗалыгы министрлыгына юллады. Матбугат хезмәтеннән килгән җавапларны сезгә юллыйбыз.

Төркиядәге җир тетрәүдән соң исәннәрне, үлгәннәрне эзләү, гуманитар ярдәм тапшыру эшендә якташларыбыз катнашкан. «Интертат» фаҗига урынында булган Актаныш егете Булат Гаязов белән элемтәгә керде.

Алтын Урда ханнары белән Мисыр солтаннарын дуслык кына түгел, туганлык җепләре дә үзара бәйләгән. Урта гасырларда ике ил җитәкчеләре арасында кыз алышу традицияләре булган. Әлеге мәкаләдә Мисыр солтанына кияүгә бирелгән татар кызы Толбийә һәм башка татар шәхесләре турында сүз барыр.

Васильево бистәсендә яшәүче Сергей Макаров ДЦПлы 2 яшьлек кыз баланы үтерүен кире кага, баланың әнисе һәм туган апасын кыйнавын да танымый. Бу хакта KazanFirst яза.

Венера Әскарова эше буенча суд ахырына якынлаша. Бу хакта KazanFirst хәбәр итә.

Шулай да узган ел Татарстанда торакка хокукын теркәүчеләрнең гомуми саны кимемәгән.

Махсус хәрби операция башланганнан соң Интернетта махсус чатлар һәм төркемнәр популярлык җыя башлады – анда бөтен Россия буенча хатын-кызлар үзләренә тормыш юлдашы итеп хәрбиләрне эзли. Шунысын да әйтергә кирәк, хәрбиләр үзләре дә ныклы гаилә корырга каршы түгел.

Фигуралы шуу остасы Роман Костомаров хастаханәгә үпкә ялкынсынуы белән эләккән, ләкин аяк-куллар некрозы аркасында аяк табаннарын ампутацияләгәннәр. Хәзер бөтен ил танылган спортчының язмышын күзәтә. Танылган спортчы салкын тидерү нәтиҗәсендә кулсыз-аяксыз кала икән, монда нинди нәтиҗә ясарга? Медицина шул дәрәҗәдәме, әллә бу фаҗигале очраклылыкмы?

Янгын беркемне дә, шул исәптән сабыйлар гомерен дә аямый… 11 февраль көнне Питрәч районындагы «Заречье-2» бакчачылык ширкәтендә чыккан янгын гаилә башлыгы Рамил Фәләхов һәм 13, 7, 5 яшьлек өч кызларының гомерен өзә. Әниләре Алена Полюбай, ике яшьлек улы белән тәрәзәдән сикереп, котылып калырга өлгерә.

Курган өлкәсендәге татар авылында туып үскән талантлы егет үз тырышлыгы белән опера сәхнәләрен яулады.

Бер табышмак әйтәм, тыңлагыз. Ул кешегә бары тик 2 генә тапкыр бушлай бирелә, калганнары түләүле - ул нәрсә? Теш ул! «Күзгә-сүз» тапшыруының бу атна чыгарылышында әнә шул бушка бирелә торган тешләр, дөресрәге, балалар тешләре турында сөйләштек.

Бер ай элек, тренерлык карьерасындагы 4 еллык паузадан соң, Зиннәтулла Биләлетдинов «Ак Барс» белән җитәкчелекне яңадан үз кулына алды. Биләлетдинов җитәкчелегендә «Ак Барс» уенында нинди үзгәрешләр күзгә ташлана? Бу турыда «Интертат» материалында.

Татарстан Язучылар берлеге идарәсе 2023 елда Габдулла Тукай исемендәге Дәүләт премиясенә кандидат итеп «Вөҗдан үре – йөрәк түре» һәм «Яну дәверләрендә» китаплары өчен шагыйрә Флера Гыйззәтуллинаны раслады. Безнең хәбәрчебез язучыларның Дәүләт бүләгенә кандидат сайлау барышын күзәтеп кайткан иде. Язучыларның рөхсәте белән, әлбәттә.

Казанда бу елның беренче «Татарча солянка» концерты үтте. «Интертат» хәбәрчесе тамашага барды.

Әлмәт шәһәрендә яшәүче Евгений һәм Виктория Макитрук гаиләсе фатирларында 4,5 метрлы питон асрый. Икесе дә артист Евгений белән Викториягә питон бәйрәмнәрдә шоу ясарга да ярдәм итә. «Шоуларда куллансак та, питон безнең өчен инде «гаилә әгъзасы», – ди Евгений. Гаилә башлыгы безгә әлеге «йорт хайванын» асрау үзенчәлекләрен сөйләде.

Кәрим Тинчурин театрының «Идегәй» тамашасы турында аксакал сүзен тәкъдим итәбез. Туфан Имаметдинов сәхнәләштергән дастан турында фикерен сорагач, Рабит ага «Интертат» өчен тиз генә язып та бирде.