Татарстан Рәисе каршындагы Мәдәният һәм сәнгать советы утырышында яңгыраган чыгышлардан өземтәләр бирәбез һәм күтәрелгән төп мәсьәләләрне барлыйбыз.

Балык Бистәсе районы Олы Солтан авылы мәдәният йортына Татарстанның халык артисты Хәлим Җәләлов исемен бирү тантанасына Камал театры артистлары белән «Интертат» хәбәрчесе дә барды.

Россиянең халык артисты, Тукай исемендәге дәүләт премиясе лауреаты, Казан консерваториясе профессоры Нияз Даутовның тууына быел 110 ел булды. Нәкъ менә ул опера һәм балет театрында режиссер булган вакытта татар опералары арта, бер төркем талантлы опера җырчылары тәрбияләнә һәм үзебезнең театрда эшли башлый.

Театр дөньясындагы соңгы яңалык – Венгриядә яшәүче Сәрдәр Тагировский (чын исеме – Абдуллин Сәрдәр Таһир улы) Татарстанга кайта. Ул Әлмәт театрына баш режиссер итеп куелачак. Хәбәрчебез Сәрдәрнең татар театры дөньясындагы беренче адымнарын күзәтә.

Ак кәфенлек, морг һәм аклык – караңгылык бәрелеше. Сәхнәдә – 2000 еллар башында татар яшьләренә үз җырлары белән замана сулышы өргән, хәзер инде җырларында тормыш тәҗрибәсеннән туган фәлсәфәне чагылдыручы Шәкүр. Аның рэп стилендә булган җырларында тулы бер буын үсеп җитте. Сагынылган татар дискотекасы, сагынылган Шәкүр – «Интертат» репортажында.

Буа дәүләт драма театры яңа бинага күчте. Дөресрәге, яңартылган, төзекләндерелгән, реконструкция ясалган район мәдәният йорты бинасына күчте. Хәер, бөтенләй үк күчеп тә бетмәде, чөнки театрның элеккеге бинасы да театрга калды. Бу репортаж – шушы тантанадан.

Түбән Кама брендена әверелгән «Җидегән чишмә» әдәби-музыкаль берләшмәсе йортлы булды: хәзер ул Туфан Миңнуллин исемендәге Түбән Кама татар дәүләт драма театры карамагында. Берләшмәнең «Үткән көннәр тавышы» дип аталган чираттагы кичәсе театрның 35 еллык юбилеен каршылап әзерләнгән. Журналист Раил Садретдиновтан «Интертат» өчен махсус репортаж.

Татарстан Дәүләт Советы депутаты, Татарстанның халык, Россиянең атказанган артисты Рамил Төхфәтуллин белән моннан 1 ел элек сөйләшеп, ул интервью шактый зур яңгыраш алган иде. Әңгәмәне быел да дәвам итергә булдык.

Г.Кариев исемендәге Казан татар дәүләт яшь тамашачы театрында «Иделкәем&Кариев варислары» дип исемләнгән балалар-яшүсмерләр театр коллективлары һәм студияләренең XIV Төбәкара фестиваль-конкурсына нәтиҗәләр ясалды.

Әтнә театры Әмирхан Еникиның «Йөрәк сере» повесте буенча спектакль чыгарды. Бу – ГИТИСта укучы яшь режиссер Гөлназ Минкинаның диплом эше. Алга таба Гөлназ Минкина уку йортының хөрмәтле комиссиясе алдында, спектакльдән өзекләр күрсәтә-күрсәтә, диплом яклаячак.

24-25 ноябрьдә III Бөтенроссия «Каз өмәсе» фестивале узды. Традиция буенча, фестиваль быел да күпләп кош асраучылары, какланган казы белән дан тоткан Мөслим җирлегендә булды. Быел фестивальдә ХМАО, Новосибирск, Омск, Свердловск, Пенза, Оренбург, Киров өлкәләре, Башкортстан, Татарстан, Удмуртия Республикаларыннан барысы 471 кеше катнашты.

25 ноябрь көнне «Пирамида» күңел ачу үзәгендә Татарстан Республикасының атказанган артисты Эльмира Кәлимуллинаның концерты узды. «Ак калфак» + «Бөрлегән»нән микс, «Кармен» һәм Эльмира белән Эльмир тандемы – «Интертат» концерттан репортаж тәкъдим итә.

Нәкъ 32 ел элек, 1991 елның 29 ноябрендә, Татарстан Югары Советы яшел-ак-кызыл төсләрдәге флагны республиканың яңа дәүләт символы сыйфатында раслады. Татарстан мәдәният оешмалары, аерым алганда, дәүләт музейлары, бу көнне билгеләп үтми булып чыкты...

Журналист Раил Садретдинов Татарстанның халык, Россиянең атказанган артисты Наилә Хәким кызы Гәрәева белән әлеге әңгәмәне, Татарстан радиосы өчен, актриса үзенең 80 яшьлек юбилеена әзерләнгән көннәрдә, 2020 елның ноябрендә яздырган. Журналист аны текст форматында «Интертат»ка тәкъдим итә.

Кайгылы хәбәр. 84нче яшендә Россия Федерациясенең атказанган, Татарстан Республикасының халык артисткасы, Татарстан Республикасының Г.Тукай исемендәге Дәүләт премиясе лауреаты Наилә Гәрәева вафат булды. «Интертат» мәшһүр актриса турында истәлекләр барлады.

Тәүлек әйләнәсе татар телендә эшли торган бердәнбер балалар каналы «ШАЯН ТВ»га – 5 яшь. Шул уңайдан 26 ноябрь кичендә Муса Җәлил исемендәге Опера һәм балет театрында «Шаян»да үзгәреш җиле» юбилей концерты узды. «Интертат» хәбәрчесе тамашаның шаһите булып кайтты.

17 ноябрь көнне Татарстан Республикасының милли китапханәсендә прозаик, драматург, Башкортстанның атказанган мәдәният хезмәткәре Халисә Мөдәррисованың 70 яшьлек юбилеена багышланган әдәби-музыкаль кичә узды. КФУның Филология һәм мәдәниятара багланышлар институтында укучы Раилә Фәхртдинова «Интертат» укучыларына кичәдән репортаж тәкъдим итә.

Саба районы Татарстанның халык рәссамы Мөдәррис Минһаҗевның 70 яшьлек юбилеен үткәрде. Бәйрәмдә «Интертат» хәбәрчесе дә катнашты. Әлеге репортаж – Сабаның шәхесләргә мөнәсәбәте турында.

«Yummy Music Band» төркеме Илһам Шакиров җырларыннан торган концерт куйды. Музыкантлар аны заманчалаштырып, «трибьют», «Илһам Шакировка багышлау» дип атыйлар. 14 музыкантның тулы залга сәгать ярымлык концерты турында «Интертат» репортажы.

1998 елның 13 ноябрендә легендар татар җырчысы Хәйдәр Бигичев вафат булды. 16 ноябрьдә ул җирләнә. Продюсер, Рәшит Ваһапов фондын оештыручы Рифат Фәттахов Хәйдәр Бигичев шул уңайдан бөекләр мирасы турында уйлана.

Мәскәүдә яшәүче татар журналисты, җәмәгать эшлеклесе, блогер Равил Гайсин татар әдәбияты турындагы фикерләре белән уртаклаша.