«Сердало» газетасының шеф-мөхәррире Ибраһим Курскиев һәм баш мөхәррире Хадижат Курскиева ингуш теле проблемалары, милли массакүләм мәгълүмат чаралары үсеше үзенчәлекләре турында сөйләде. Кавказ республикасында яшәүчеләрнең Татарстанга, татар телен өйрәнүгә һәм үз телләрен саклауга мөнәсәбәте укучыларга кызык булыр дип уйлыйбыз.

Милли музейның фәнни хезмәткәре Илнур Газизуллин «Интертат»ка интервьюсында исламның татар өенә нинди үзенчәлекләр алып килгәнен, «чи татар» дигән гыйбарәнең каян килеп чыкканын, татар хатын-кызлары ни өчен почмакны яратмаганны һәм Болгар чорындагы «матриархат чагылышы» турында сөйләде.

Фирдүс Тямаев «Интертат»та үзенең фамилиясе, авыл проблемалары, әнисенең авыруы һәм махсус операциягә илткән гуманитар ярдәм турында сөйләде.

90 еллардагы милли хәрәкәт белән таныш кешеләр «Ельцин түбәтәе» дигән гыйбарәне беләдер. 1990 елда «Йота алган кадәр суверенитет алыгыз» турындагы чыгышыннан соң, Ельцинга бер агай – Аксубайдан Зөфәр Салиев түбәтәй кидерә. Аннары… шул түбәтәен кире сорап хат яза. «Интертат» Зөфәр Салиевның улы белән очрашып, бу вакыйгаларның нечкәлекләрен ачыклады.

Россия Фәннәр академиясе Себер бүлекчәсенең Хайваннар экологиясе һәм систематикасы институты (Новосибирск) өлкән фәнни хезмәткәре Галина Азаркина Африкада үрмәкүчләрнең яңа төркемен таба һәм аларга әнисе – татар апасы Манзума исемен бирә. Галимә «Интертат»ка яңа үрмәкүчләр һәм әнисе турында сөйләде.

Яшьләр эшләре министры Ринат Садыйков «Интертат»ка интервьюсында «Алтын каләм» журналистлар фестиваленең ни сәбәпле быел җәй узмавын аңлатты һәм быел үтәчәк икәнлеген әйтте.

Давыл нәтиҗәсендә күрше төбәкләрдә һәлак булучылар да бар.

Татарстан Рәисе Рөстәм Миңнехановның әйткән кайбер фразалары социаль челтәрләрдә канатлы гыйбарәләргә әйләнә. «Интертат» аның популяр фразаларының кайда нинди уңайдан әйтелгәнен аңлата.

«Якут киносы феномены» дигән төшенчә бар. «Татар-информ» журналисты Якутиядә төшерелгән фильмнарның Россиядә генә түгел, дөнья киноиндустриясе киносөючеләренең дә йөрәген ни рәвешле яулап алуын ачыклады. Ни өчен Якутиядә ул барып чыга алган да, Татарстанда нинди хаталар җибәргәннәр? Теләге булганнар нәтиҗә ясый ала.

Мишә елгасында гигант җәен балыгы тоткан Мәхмүт Гәрәев белән Питрәч районында узган «Медиа Сабантуй» мәйданында очраклы таныштык. Балыкчы «Интертат» укучыларына зур балыкларны ничек тотарга икәне турында сөйләп бирде.

Татарстан гербындагы чәчәк сурәтләре дөрес: лалә тарихи үткәнебезне күрсәтсә, кашкарыйчалар семьялыгыннан булган чәчәк – безнең җиребезнең төп үсемлеге. «Интертат» журналисты КФУның Экология һәм табигатьтән файдалану институтының гомуми экология кафедрасы доценты, биология фәннәре кандидаты Вадим Прохоров белән Татарстан флорасы турында сөйләште.

Марат Яруллинның «Миңа нишләргә?» җыры соңгы араларда зур популярлык казанды. Аның инде клибы да чыкты. Җыр Миләүшә Әфләтунова һәм Рим Шәрифуллин сүзләренә Рим Шәрифуллин көе дип тәкъдим ителә. Арча районы Яңа Кенәр авылындагы Надил Шакирҗанов Марат Яруллинны җыр авторларын дөрес атамауда гаепли. «Җырны мин һәм Нуретдин яздык», – ди ул.