Якутиядә этләр ике көчекне аюдан коткарып кала. Вахтада булган бу хәлне видеога да төшереп алганнар.
Аю ике көчекне ашамакчы була, көчекләр качып котыла. Этләр, төрле яктан һөҗүм итеп, аюның игътибарын үзләренә җәлеп итәргә маташа. Аю инде эләктереп алам дигәндә генә, этләрнең берсе аюны тешли дә, ул көчекләрне җибәрә. Аю кире килгәндә, көчекләр инде бина астына кереп кача.
Аюның һөҗүмен вахтадагылар төшереп торган. Берсе икенчесенә: «Сигнал биреп кара әле – бәлки ишетер дә китәр», – ди.