11 ел узгач, кабат 10 июль якшәмбесе Иделдә һәлакәт турында начар хәбәр китерде. Бәхеткә, бу юлы корбаннарсыз. Кичә кич Казан янында Идел елгасында Аракчино янындарак «Аркадия» теплоходы батты. Туган көн мәҗлесенә дип өйдән чыгып киткәннәрнең сәфәре менә шулай күңелсез тәмамлана. Барысы да исән калды, тик курку халәте тиз генә онытылмас кебек...

Сабан туе ничек узарга тиеш? Бәйрәмнең халыкчанлыгын ничек кайтарырга? «Җыр һәм спорт бәйрәменә әверелде» дигәнне оныттырып, милли үзенчәлекләрен торгызып булырмы? Бу хакта кайбер фикерләрне тәкъдим итәбез.

Сез чакырасыз – без киләбез... «Китап» милли радиосы халык янына «Мин матурлык эзләп йөрим...» автомарафонына чыга. Шигъри-музыкаль кичәләргә җәһәт кенә җыенып чыгып китә алучылар әллә күпме? Җәйге мәшәкатьләр белән бигрәк тә. Шуңа күрә «Китап» радиосы халык янына үзе барып, рухи азык өләшә.

«Татар-информ» мәгълүмат агентлыгы хисапчысы Наилә Гобәева килене, өч нәни оныгы белән Мисырга барып кайтты. Балалар хакына дип, шушындый шартларда килен теләгән илгә ерак сәфәргә чыгарга җөрьәт иткән тагын берәр кайнананы беләсезме? Белсәгез, әйтерсез әле.

Бүген Арча районы Шушмабаш халкы авылдашлары Гөлнар Баһаветдинованы соңгы юлга озатты. Яшьли тол калып, өч баласын ялгызы аякка бастырган 47 яшьлек ханымның кичә кичке сәгать алтынчы яртыда Ашытбаш – Шушмабаш – Карадуган трассасында авариядә гомере өзелгән.

Туйга әзерлек урынына җеназага әзерлек... Ни кызганыч, Чаллыда яшәүче Нуруллиннар гаиләсенә 3 июнь зур кайгы китерә - әзмәвердәй уллары Равилнең 33 яшендә гомере өзелә. Ә аның бит икенче тапкыр тормыш корып карау хыялы белән янып йөргән көннәре булган - 1 июльгә туйлары да билгеләнгән. Тик тәкъдирдән качып була димени...

Язын күрмәгән ташуларын Кукмараның Ядегәр авылында яшәүчеләр җәй башында күргән. Чиләкләп яуган яңгыр сулары басудан тау бите аша авыл уртасына төшеп, бәрәңге-яшелчәләрне, чебиләрне дә агызган. Язын тырышып утыртылган бакчалар мизгел эчендә ләмле бер сазлыкка әйләнгән дә куйган.

Әтнә районы Чишмәле Сап авылында яшәүче Фәйзиевләргә 2020 елның 13 октябре көтмәгәндә бала хәсрәте алып килә. Ике яшьлек сабыйлары Рәзил тыгылган торбаларны чистарта торган «Крот» сыекчасын ачып эчеп карый. Шул ике йотым нәни Рәзилнең үңәчен җәрәхәтләп, сулый алмас хәлгә җиткерә. Татарстан табиблары Рәзилне үлем тырнагыннан диярлек тартып ала.

Менә инде дүрт ел рәттән «Без тарихта эзлебез» бәйгесе республикабызның шанлы нәселләре белән танышу мөмкинлеге бирә. Ишле, бай тарихлы гаиләләр, шәҗәрә бәйрәменә әзерлек сылтавы белән, җиде генә түгел, дистәләгән буын ата-бабаларын барлап, үзләре дә шаккатырлык әллә нинди яңа мәгълүматларга тап була.

«Украинада махсус хәрби операция турында ишеткәч, битарафлык күрсәтеп, читтә кала алмаган». Бу сүзләр Түбән Кама заводы слесаре Равил Рамазанов турында. Туганнары аның каһарманлыгын мәңгелеккә онытылмаслык дип бәяли. Түбән Камада 37 яшьлек солдат белән бәхилләштеләр. Тулырак – «Татар-информ» репортажында.

Татарстан, Идел буе округында беренчеләрдән булып, Россия протезларын киңкүләм куллана башлаган. Үзебезнең илдә дә оча-бот сөяге, тезләрнең таушалган буыннарын алмаштырырлык яхшы сыйфатлы протезлар җитештерәләр икән. Моңарчы файдаланылган Америка һәм Швейцария протезларыннан һич тә ким түгел, ди табиблар.

Завод-предприятие төзегән эшмәкәрләргә җир нинди бәядән сатыла, сәламәтлек мөмкинлекләре чикле балалар өчен йөзү үзәкләре ачкан эшмәкәр нинди ярдәмгә мохтаҗ – болар һәм башкалар хакында Татарстан Президенты Рөстәм Миңнехановның республика эшмәкәрләре белән очрашуында сүз барды.

24 май көнне кичке якта шомлы хәбәр килде: көндезге сәгать өчләр тирәсендә Алабуганың Тихая һәм Отрадная урамнары чатында автобус һәм мотоцикл бәрелешеп, 14 яшьлек үсмер җан биргән. Уку елы тәмамланып, борын төбендә генә булган җәйге ялын кара сишәмбе мәңгелек ялга әйләндергән дә куйган балакайның.

Мәктәпләрдә 9 һәм 11 нче сыйныф укучылары өчен соңгы кыңгырау чыңлый торган көннәр. Узган елда 11 нче май фаҗигасен кичергән Казанның 175 гимназиясендә дә ремонттан соң беренче «Соңгы кыңгырау» тантанасы үткәрелгән.

Быел Татарстанда матур юбилейлар елы. Бүген Казанда Татарстан Дәүләт Советы Рәисенең 75 яшьлек юбилее хөрмәтенә тантаналы чараны алып барган Арина Шәрәпова да шул хакта искәртте: Минтимер Шәймиевкә гыйнвар аенда – 85, Рөстәм Миңнехановка март аенда – 65, Фәрит Мөхәммәтшинга 22 майда 75 яшь тулды.

Татарстанда күп балалы гаиләләргә тән тиресен тикшертү мөмкинлеге бар. Табиблар тиредә яман шеш китереп чыгарырдай куркыныч миңнәр юкмы икәнен карый.

Бүген Казанның Җәмигъ мәчете төзелешенә истәлек ташы ачылды. Ун мең кешелек мәчет төзелеше өчен элекке “Кырлай” паркы территориясе сайланган иде. Аттракционнарны башка урынга күчереп, бүгенге тантанага дип, җомга намазы өчен агач идәннәр һәм тантаналы чыгышлар өчен сәхнә әзерләнгән иде.

Татар телле электрон журналистика тарихының чишмә башында торган «Интертат» газетасына 20 ел тулды. 2002 елның 1 мартында ул интернетта беренче татар электрон газетасы буларак эшли башлый. Шул уңайдан бүген ТР Журналистлар берлегендә интернет татар журналистикасына багышланган түгәрәк өстәл утырышы узды.

Импортны алмаштыру – бүген Россия Федерациясендә өстенлекле бурычларның берсе. Илдә алюминий эшкәртүдә алдынгы «ТАТПРОФ» компаниясе бу мәсьәләгә бик җитди карый, шул нисбәттән яңа бизнеслар үстерү программасын башлап җибәргән.

Табигатьтә бер урында күпләп елан җыелганын күрсәгез, аларны борчымавыгыз хәерлерәк. Хәзер аларда парлашу-кавышу чоры. «Татар-информ» агентлыгында матбугат конференциясендә белгечләр республикада нинди төр еланнар яшәве, елан тешләмәсен өчен һәм тешләгән очракта нәрсә эшләргә кирәклеген сөйләде.

Салкын яз, әле майда да ябалак-ябалак булып төшкән кар, суык яңгырлар умарта кортларына җиң сызганып эшкә керешергә ирек бирми. Шунлыктан умартачылар быел шифалы май балыннан да коры калырга мөмкин. Бу хакта умартачылар белән сөйләшеп алдык.

24 апрель көнне Арча районы Урта Аты авылында чыккан янгын 33 яшьлек Рөстәм Һадиевны йорт-җирсез урамда калдыра. Үзе дә бу вакытта өйдә булып, янгынны башта мөстәкыйль рәвештә сүндерергә тырышып караган Рөстәм шактый гына пешеп, бүген Арча хастаханәсендә дәвалана.

«Казан-Экспо” үзәге кичә X Республика ифтарының 10 меңгә якын кунагын кабул итте. Ифтар мәҗлесенә улы Искәндәр белән Татарстан Президенты Рөстәм Миңнеханов та килгән иде.

Биш кыз һәм бер малай – менә шушы малайның гаиләдә нинди кадерле бала икәнен күз алдыгызга китерәсезме? Нәсел дәвамчысы булыр дип, Рәфидә һәм Әмирҗан Солтановларның күптән хыялланган бердәнбер уллары... Кызлы өйгә лачын булып килеп кергән егетнең гомере генә кыска булган шул – диңгезче булып хезмәт иткән егет 20 яшендә су астында һәлак була.

Авылдан шәһәргә килү читенрәкме, әллә шәһәрдән авылгамы? Башкортстанда Татарстаннан килгән җырчыларга бирелә торган маршрут кәгазе безгә дә кирәкме? Рөстәм Миңнеханов Галиәсгар Камал театрына кайчан барачак? Кулына китап эләккәч, иң элек нәрсәгә күзе төшә? Рөстәм Миңнехановның татар яшьләре белән очрашуы - «Интертат» репортажында.

Быел республикакүләм ифтар ашы Идел буе Болгарында ислам кабул итүнең 1100 еллыгы исеме астында узачак. Ифтар мәҗлесе Татарстан мөселманнары Диния нәзарәте, «Ак барс Арена» стадионы дирекциясе һәм «Туган авылым» милли-туристик комплексы тарафыннан, «Казан Экспо» халыкара күргәзмәләр үзәге ярдәме белән оештырыла.

Татарстанда табиблар кыз балада беренче тапкыр күкрәкләрнең 12 килограммга кадәр үскән очрагына тап булган. Моның сәбәпләрен ачыклар өчен бик озак тикшергәннән соң, ахыр чиктә операция ясау карарына киләләр. Бу хакта «Татар-информ» хәбәрчесенә Республика балалар клиник хастаханәсенең матбугат хезмәтендә сөйләделәр.

Башкортстан Республикасы зур югалту кичерә: 17 апрельдә 58нче яшендә Башкортстан дәүләт филармониясе солистка-вокалисткасы, Башкортстанның атказанган артисткасы Гүзәл Үлмәскулова вафат. 18 апрель көнне аның белән Башкортстан филармониясендә бәхилләштеләр, ә кичә аны туган ягы – Чиләбе өлкәсе Аргаяш районы Иске Соболева авылында җирләделәр.

Спас районы Болгар шәһәреннән 50 яшьлек Евгений Аристов үзе дә сизмәстән Казанда Республика клиник хастаханәсендә һушына килә. Спас хастаханәсеннән бирегә аны вертолетта китерәләр. 8 апрельдә операция кичергән Евгенийны табиблар өенә чыгарырга әзер. Шуңарчы ул «Татар-информ» хәбәрчесенә үзе белән булган могҗизалы хәлләрне сөйләде.

Татарстан тагын бер батырын – 22 яшьлек Дамир Гыйлемхановны югалтты. Украинада махсус хәрби операция вакытында күрсәткән каһарманлыгы өчен Россия Федерациясе Герое исеме бирелгән танкчы егетнең җәсәде бүген җиргә иңдерелде.