Ковид берникадәр җәйге йокыга талган иде, хәзер кабат уянган. Табиблар, көннән-көн авыру очраклары артыр, дип фаразлый. Узган тәүлектә Татарстанда коронавирусның 574 очрагы ачыкланган, аннан алдагы көнне 552 очрак теркәлгән иде.

Арчада яшәүче Йосыповлар гаиләсендә ике нәни кыз үсә – ноябрьдә биш яше тулачак Сәйдә һәм өч яшьлек Сәкинә. Сеңлесе бер яшендә тәпи киткәч, Сәйдә, бик гаҗәпләнеп, «нигә мин шулай йөри алмыйм» дип сораган. Баласының кимсенүен тойган ананың ул мизгелләрдә бәгыре йөзгә телгәләнгәндер...

Биш балалы гаиләдә бердәнбер ир бала булып дөньяга килгән рэпер егет XALID (Халит Хәйбуллин) – 25 яшендә гүр иясе. 2 сентябрь көнне ул Уфада Октябрь проспектында BMW маркалы мотоциклда Ford Focus иномаркасына бәрелеп һәлак була. 3 сентябрь көнне ата-анасы, өч апасы, бер сеңлесе аны Югары Тәтешле зиратында җирләгәннәр.

30 августка каршы төндә, сәгать 1дә, Тәтешнең Олы Тархан авылы халкы коточкыч ут белән көрәшә. Чумариннар биләмәсендә янгын чыга. Йортлары көлгә әйләнгән гаилә бүген ярдәмгә мохтаҗ.

1 сентябрь Казанның милли мәгариф тормышында иң мөһим вакыйгаларның берсе буларак кереп калыр дип, бер шикләнмичә әйтергә була. Русларның «безнең урамда да бер бәйрәм булыр әле» дигән сүзе бар бит, менә нәкъ шуңа туры килә. Ниһаять, Идел буе районындагы 18 нче татар гимназиясенә яңа бина төзелде.

Чаллыда яшәүче Хәлиуллиннар гаиләсе ишеген быел җәй азагында кайгы җиле кага – яңа төзегән йортлары көлгә әйләнгән. Берничә ел үз көчләре белән тырышып-тырмашып төзегән ике катлы өйләре хәрабәгә әверелә. Әлегә ике балалы гаиләгә вакытлыча яшәргә фатир биргәннәр, тик, халык ярдәме белән, алар кабат яңа йорт торгызмакчы...

Бүген Татарстан Республикасы һәм Шәһәр көнендә Казанда көнозын төрле бәйрәм чаралары узды. Күпчелегендә республика Президенты Рөстәм Миңнеханов катнашты.

2022 ел тарихка Казан федераль университетына яңа ректор билгеләү елы булып кереп калачак. Алдагы биш елда бу вазифаны Ленар Сафин башкарачак. Бу хакта фәрманны Россия Премьер-министры Михаил Мишустин 19 августта ук имзалаган иде, ә бүген ТР Президенты Рөстәм Миңнеханов һәм РФ фән һәм югары белем министры Валерий Фальков аны утырышта тәкъдим итте.

Шушы атнада татарстанлылар эзсез юкка чыккан 17 яшьлек егет һәм кызның табылуы турында хәбәрне зарыгып көтте. Кызганыч, кичә Арча егете Рәсул Халиковның вафаты турында кайгылы хәбәр килеп иреште. Ә 19 августта югалган Биектау кызы, шөкер, исән-сау табылган. Бу хакта бүген «Лиза Алерт» эзләү отрядының соцчелтәрдәге битендә хәбәр чыкты.

«Без ахыргача аның исән булуына өметләндек. Ләкин Аллаһы Тәгалә яраткан улыбызны үзенә алырга уйлаган. Тыныч йокла, яраткан улым!» – дип язган Рәсулның әнисе Инстаграмда сториста.

Билгесезлек җанны ашый. Алтынчы тәүлек газиз улының кайда икәнен белмәгән ана җанына каян тынычлык алырга тиеш?! Арчада ут йотып яшәүче Алсу Хөсәенова 17 яшьлек улы Рәсул Халиковның исән-сау кайтачагына ышанып яши.

Студент чакта Арча якларына кунакка кайтырга туры килгәләде.Иске Кенәр, Яңа Кенәр дигән авыллары бар икән... Еш ишетәм бит инде, «кара, нинди матур сүз, кенәриләр очып йөридер ул авылда» дигән әллә нинди фантазияләр дә килеп китә иде башка... Шәҗәрәмне тикшергәндә үземнең шул авылга нигез салган Исәнкол бабайның ерак оныгы булачагымны кем уйлаган?

Һәлакәттә барлыгы 16 кешенең гомере өзелде.

21 августта 13 сәгать 30 минутлар тирәсендә «М5-Урал» трассасы участогында Новоспасское һәм Николаевка бистәләре арасында «Mercedes» микроавтобусы ике йөк машинасы арасында калып кысыла. Нәтиҗәдә 16 кеше һәлак була. Аларның 14е – Кыргызстан кешеләре, 2 се – Россиядән. Барысы биш хатын-кыз һәм унбер ир-ат.

«Ясалма» медалистлар, укучыларның җинаятькә хирыслыгы, техникум-көллиятләрдә кадрларны дөрес әзерләмәү, татар телен рус теллеләргә укыту – әлеге һәм башка проблемалар мәгариф һәм фән хезмәткәрләренең Республика август киңәшмәсендә күтәрелде. Һәм, әлбәттә, Яңа 2022/2023 уку елына бурычлар билгеләнде.

Татарстанның җиде районында 9 нчы сыйныфны тәмамлаган укучыларның берсе дә төп дәүләт имтиханы итеп татар телен сайламаган. 11 нче сыйныфтан соң татар теленнән Бердәм дәүләт имтиханы тапшыру турында әйткән дә юк – андый укучы быел Татарстаннан берәү генә.

Чаллы егете Артур Мохамаевның тарихы үзәк өзгеч: 37 яшендә ул инде икенче тапкыр донор бөерен ала, чөнки 2016 елда әнисеннән күчереп утыртылган бөер озакка җитми – 2,5 елдан организмы кире кага. Туганнары, Динараның мәхәббәте белән тормыш яме кабат кайта – Артурга яңа бөер куялар. Хәзер шуңа ияләнеп йөргән мәле.

Беренче урында нәрсә: динме, милләтме? «Печән базары» ярминкәсендә ТӘРТИП радиосы «Ислам һәм милләт» темасына лекция оештырып, «Туган авылым» мәчете имам-хатыйбы Нурулла хәзрәт Зиннәтуллин белән бергәләп, шушы катлаулы сорауга җавап эзләде. «Интертат» шул лекцияне тәкъдим итә.

Татарстанның Биектау районында поезд астына кереп һәлак булган 27 яшьлек кыз табиб булган. «Ул Нурлат Үзәк район хастаханәсе терапевты булып эшләгән», – дип әйттеләр «Интертат»ка ТР Сәламәтлек саклау министрлыгы матбугат хезмәтендә.

Кичә кичке сигезләр тирәсендә Татарстанның Чүпрәле районындагы Татар Шатрашаны авылы янында юл һәлакәтендә ике хатын-кыз вафат булган.

Бөтендөнья татар конгрессының VIII съезды пленар утырышы узды. Россиянең 77 төбәгеннән, дөньяның 35 иленнән делегатлар резолюция кабул итте. Милли шурага рәис итеп, алдагы биш елга да Васил Шәйхразыевны сайлап куйдылар.

Заманча татар мәчете нинди булырга тиеш? Аның архитектурасының үзенең кануннары бармы? Мәчет ул төрле милләт кешеләре килә алырлык ачык җәмәгать киңлеге була аламы? Бу хакта «Печән базары» фестивалендә «Ачык университет» мәйданында әңгәмә кордылар.

Гомуми практика табибы Эльвира Фатыйхова Казаннан Биектауга күченгән. «Авыл табибы» федераль программасы буенча 2013 ел башында 1 млн сум ярдәм алып, шул акчага йорт салып чыгып, бүген гаиләсе белән бик рәхәтләнеп үз өендә гомер кичерә. Бу гаилә белән без дә танышып кайттык.

«Фәйрүзә үзебезнең кыз бит инде ул» диләр Рус Әҗилендә. Шулайдыр шул, мин аны Фәйрүзәнең Мөслимә апа һәм Нәҗип абый белән җылы сөйләшүләренең беренче минутыннан ук аңлап алдым. Бернинди «врач апа» дигән кыланмышлар юк, үз кызлары кебек эшкә кереште. Хәлсезләнгән Нәҗип абыйга ничек тә хәл кертәсе бар...

Чыгарылыш сыйныф укучыларының авыр сынаулар чоры артта калды. Бердәм дәүләт имтиханнары нәтиҗәләре инде билгеле. Татарстанның мәгариф һәм фән министры Илсур Һадиуллин төрле предметлардан БДИ буенча республиканың кайсы районнары алдынгы булуына, ә кемнәр артта калуына күзәтү ясады.

«Татмедиа» АҖ филиаллары – район-шәһәр редакцияләре нинди яңа проектлар эшләгән? Аларның берничәсе белән Саба районында Журналистлар Сабан туе көнне узган утырышта таныштырдылар.

Бүген Башкортстан Хөкүмәтендә оператив киңәшмә узган. Республика Башлыгы Радий Хәбиров бүген иртән Бакалы районында булган коточкыч һәлакәт буенча фикерен җиткергән. Бу хакта «Башинформ» һәм «UTV» хәбәр итә.

Укытучыларга ни җитми? Ни өчен ата-аналардан аларга хөрмәт кимеде? Лаеклы хезмәт хакы, торак белән тәэмин итсәң, Укытучы дип зур хәрефтән язарлык укытучылар килерме? Укытучылар белән бәйле тау-тау проблемалар турында Татарстан Дәүләт Советының Мәгариф, мәдәният, фән һәм милли мәсьәләләр комитеты утырышында сөйләштеләр.

9 июль көнне Кукмара районының Кенәбаш авылында агач йортта янгын чыгып, дүрт балалы гаиләне урамда калдыра. Республика матбугат чаралары сеңелләрен уттан коткарган малай турында каһарман дип язды. «Интертат» укучыларын шушы батыр егет белән таныштыра.

Кан рагын халыкта «акканлылык» диләр. Казанда яшәүче 38 яшьлек Энҗе Галиуллинага ике ел элек әнә шул куркыныч диагнозны ишетергә туры килә. 2020 елда уңышлы гына дәваланган кебек тоелса да, ике елдан чире кабат әйләнеп кайта. Бүген ул Төркиядә химия терапиясе ала, барлык дәвалау курсы, сөяк миен күчереп утырту өчен 8 млн сумнан артык акча кирәк.