18 августта хәбәрсез юкка чыккан 17 яшьлек Арча егете Рәсул Халиковның мәете табылган
«Без ахыргача аның исән булуына өметләндек. Ләкин Аллаһы Тәгалә яраткан улыбызны үзенә алырга уйлаган. Тыныч йокла, яраткан улым!» – дип язган Рәсулның әнисе Инстаграмда сториста.
18 августта хәбәрсез юкка чыккан 17 яшьлек Рәсул Халиковның мәете табылган. Бу мәгълүматны «Интертат»ка Рәсулның әнисе Алсу Хөсәенова раслады. Әлегә үлем сәбәпләре билгесез.
«Без ахыргача аның исән булуына өметләндек. Ләкин Аллаһы Тәгалә яраткан улыбызны үзенә алырга уйлаган. Тыныч йокла, яраткан улым!» – дип язган Рәсулның әнисе Инстаграмда сториста.
Рәсулны полиция дә, «Лиза Алерт» эзләү отряды да эзләгән иде. Аның нинди шартларда юкка чыкканы, нәрсә белән шөгыльләнгәне турында Алсу Хөсәенова «Интертат»ка сөйләгән иде.
Рәсул Халиковның әнисе Алсу Хөсәенованың, якыннары, туганнары, дусларының авыр кайгысын уртаклашабыз! Рәсулның урыны оҗмахта булсын!
