5 апрель көнне, Урал елгасында дамба җимерелеп, Оренбург өлкәсен су басты. Төбәк Гадәттән тыш хәл режимында яшәвен дәвам итә. Оренбургта үз өйләре белән яшәүчеләр 2 атна зар елап, ярдәм сорый – аларның тырышып тапкан өйләренең түбәләре генә күренеп тора. «Интертат» көчле су басудан зыян күреп, йортсыз калучылар белән аралашты.

«Ярмасалар гына ярар иде!» – чал чәчле әби-бабайларның иң курыкканы шул хәзер. Үлемнән дә, әҗәлдән дә курыкмаганнары да бакый дөньяга күчкәндә мөселманча җирләнәселәре килә. «Интертат» соңгы вакытта кискенләшкән яру проблемасын яктырта.

Салават Фәтхетдиновның дәвамчысы дип атарлык, 40 яшьтә кабат сәхнәгә кайткан Альберт Вәлиуллин Казан тамашачысына тәүге концертын тәкъдим итте. Бер ел эчендә зал җыя алган җырчылар сирәк буладыр ул. Тагын кем шулай җыйды икән? «Интертат» концерттан репортаж тәкъдим итә.

Махсус хәрби операция татарның тагын бер асыл улын алып китте. Көрәш дөньясын тетрәндереп, Балтач көрәшчесе, тренер, соңгы елларда көрәш ярышларында хөкемдар булган Илдар Зарипов һәлак булды. «Интертат» бу язманы позывное да «Батыр» булган Илдар Зарипов истәлегенә багышлый.

Студент кызлар арасында үткәрелүче «Яз гүзәле-2024» матурлык һәм талант бәйгесендә Самарадан Фәрзәнә Мәхмүтова җиңү яулады. «Интертат» быелгы титул иясе белән сөйләште.

Казанның «Пирамида» күңел ачу комплексында 15нче тапкыр студент кызлар арасында үткәрелүче «Яз гүзәле» матурлык һәм талант бәйгесе җиңүчесе билгеләнде. Финалист 30 кыз, бәйге масштаблары һәм җиңүчеләр турында «Интертат» репортажы.

Актаныш районында кабат матәм – районга бер-бер артлы махсус хәрби операциядә һәлак булган егетләрне алып кайталар. «Балалар хакына кайтам, дигән иде. Кайтты... Тик мәңгелеккә кайтты шул», – дип өзгәләнә мәрхүм Рамил Хөсәеновның сеңлесе Римма. Ул, күз яшьләре аша, «Интертатка» абыйсы белән бәйле истәлекләрне сөйләде.

Көрәш буенча 2024 елгы Татарстан чемпионнары билгеле. Шулай да тыныч кына барган ярышның бер финал алышында гауга чыгып алды. Сәбәпчеләрнең һәм корбаннарның берсе – Раил Нургалиев. «Интертат» хәбәрчесе легендар Нургалиевның рекорд куя алмавы һәм гомумән 2024 елгы Татарстан чемпионнары турында бәян итә.

Бүген XII Бөтенроссия татар авыллары эшмәкәрләре җыенының пленар утырышы узды. 800 делегат «Корстон»да җыелды. Пленар утырышта Татарстан Рәисе Рөстәм Миңнеханов катнашты. «Интертат» та булды. (Текст азагында – иң кызыклы тәкъдим).

Казанда узучы халыкара «Киләчәк уеннары»ның соңгы көннәре калып бара. 21 дисциплинаның кайберләрендә инде җиңүчеләр ачыкланды. Шуларның берсе – фиджитал-хоккей. «Ак Барс» командасының өчтә калуы, Данис Зариповның да кулына джойстик алуы һәм фиджитал уеннарның киләчәге турында – «Интертат» хәбәрчесе репортажында.

Махсус хәрби операция башланганга шушы көннәрдә 2 ел, өлешчә мобилизациягә дә ел ярым була. Актаныштан Руслан Ханов хәрби операция зонасына 10 тапкыр гуманитар ярдәм илткән. «Егетләр исән-имин кайтмыйча, мин дә туктамыйм», – ди егет.

107 ил, 2 мең катнашучы һәм 10 миллион доллар приз – Казан кабат масштаблы халыкара турнирга әзерләнә. Универсида, су төрләре буенча чемпионат, футбол буенча дөнья чемпионатларын күргән мәркәзебезгә «киберспорт», «фиджитал» дигән яңа төшенчәләр килә. Нәрсә ул «Киләчәк уеннары» һәм Казан халкын ниләр көтә?

«Изге ният белән киткән иде бит…» Актаныш халкы бу көннәрдә тирән кайгы кичерә. Махсус хәрби операция зонасына үз машинасында 10нчы гуманитар ярдәмне илтергә киткән Алмаз Кашапов юл һәлакәтенә очрап һәлак булды. Бөтен тормышын руль артында үткәргән чын юл кешесенең гомере дә юлда өзелде. Ак бураннар аны үз кочагына алды…

«Пирамида» залында композитор, Татарстанның халык артисты, үтә дә ачык кеше Фирзәр Мортазинның концерты булды. Бер нотасыннан ук аңлый торган легендар җырлардан һәм иҗатташ дусларының истәлекләреннән торган концерттан «Интертат» репортажы.

Киеренке алышлары, үзенчәлекле атмосферасы белән башка ярышлардан аерылып торган Муса Җәлил истәлегенә багышланган турнир җиңүчеләре билгеләнде. Кыскача әйткәндә, Раил Нургалиев – рекорд куа, тыныч Илмир Төхвәтуллин кызган, Лаеш командасы 2 ел рәттән чемпион. Тулырак – «Интертат» хәбәрчесе репортажында.

Күптән түгел генә Саранскта узган шорт-трек буенча Россия Кубогында 1000 метр дистанциядә татар кызы Фаилә Аймалетдинова җиңү яулады. Түбән Новгород өлкәсе Карга авылында туган кыз белән «Интертат» хәбәрчесе аралашты.

«Җанымның яртысын аерып алып киттеләр..» – ди бертуган абыйсын җир куенына иңдергән Энҗе. Энҗе һәм Айназ Арслановлар – абый белән сеңел арасында була торган ихлас һәм чын туганлык мөнәсәбәтләренең асыл үрнәге. Энҗе махсус хәрби операциядә һәлак булган абыйсы турында «Интертат»ка сөйләде.

«Пирамида» мәдәни-күңел ачу комплексында гыйнвар аеның традицион тамашасы - «Манзара» спорт һәм музыка премиясе үтте. Тыныч көрәш, сөйләшү, Әгерҗе Сабан туе һәм балалардан үрнәк алырга кирәклеге - «Интертат» репортажында.

20 гыйнварда «Пирамида» комплексында 7нче тапкыр «Манзара» спорт һәм музыка премиясе узачак. Кемнәр көрәшә? Быел нинди яңалыклар бар? Нигә келәмгә Әгерҗе көрәшчеләре чыгачак? Айдар Шәймәрданов үзе көрәшәме? Салават буламы? Әлеге сорауларга «Татар-информ»да узган матбугат очрашуында сөйләделәр.

Дәүләт Торак фондының Арча станциясендәге элеккеге аяк киеме фабрикасын мохтаҗларга мәҗбүри сатарга теләве хакында язган идек. Бу уңайдан җинаять эше ачылды. «Интертат» мәсьәләгә ачыклык кертүен дәвам итә.

2024 ел югалтулардан башланды. 2 гыйнвар көнне татар җәмәгатьчелеге филология фәннәре докторы, Татарстан Республикасы Дәүләт гербының идея авторы Назыйм Ханзафаровны соңгы юлга озатты. Галим 31 декабрь көнне 86 яшендә вафат булды.

Озакка сузылган авырудан соң, 61 яшендә ТР Дәүләт Советы матбугат хезмәте җитәкчесе Резида Макуева вафат булды. Танылган журналистны «Курган» зиратына җирләделәр.

Ике җыр саен һәм җыр барганда гына да күлмәк алыштыручы, күпмилләтле төркем «баш табибы» һәм «өздереп бер карап йөрәкне яндыра торган» Илсөя Бәдретдинованың Казан концертлары тәмамланды. «Интертат» хәбәрчесе «УНИКС» залында булган 12 концертның берсен карап кайтты.

«Интертат» Әтнә районы Олы Мәңгәр авылында иртәнге якта чыккан коточкыч янгын корбаннары белән аралашты.

«Безне район ташлады. Инде сәламәт кешеләрне алдасыннар, инвалидларны алдадылар бит алар», – ди Арча станциясенең элеккеге аяк киеме фабрикасы бинасында яшәүчеләр. Квота белән фатирга ия булган мохтаҗ, инвалид, аз керемле 18 гаиләдән Дәүләт торак фонды 4-5 миллион ипотека түләттермәкче була. «Интертат» язмыш иркендә калучылар белән таныштыра.

Ак кәфенлек, морг һәм аклык – караңгылык бәрелеше. Сәхнәдә – 2000 еллар башында татар яшьләренә үз җырлары белән замана сулышы өргән, хәзер инде җырларында тормыш тәҗрибәсеннән туган фәлсәфәне чагылдыручы Шәкүр. Аның рэп стилендә булган җырларында тулы бер буын үсеп җитте. Сагынылган татар дискотекасы, сагынылган Шәкүр – «Интертат» репортажында.

«Татарстан – Россиянең төп терәк төбәкләрнең берсе», – диде Рөстәм Миңнеханов, «Россия» Халыкара күргәзмә-форумы кысаларында Татарстан Республикасы көнен ачып. Башкалада «Мин яратам сине, Татарстан» җырын җырлаганнан соң, Салават йөрәк түрендәге сүзләрен әйтте. Бу хакта – «Интертат» репортажында.

Казанда 2023 елгы көрәш батырларын ачыкладылар. «Әле ярый Россиягә сайлап алу түгел», беркайчан да булмаган зур акчалар һәм рекордлар... Татарстан чемпионатыннан «Интертат» репортажы.