Якташлар, фамилиядәшләр һәм бөердәшләр турында ишеткәнегез бар идеме сезнең? Белеп калыгыз: андыйлар Кукмарада яши. Илнат һәм Руслан Миңнемуллиннар, бер-берсе белән операциягә кадәр һич таныш булмыйча, икесе дә Республика клиник хастаханәсендә бер үк көнне бөер күчереп утырту операциясенә киләләр. Аларга бер үк донорның бөерләре күчереп утыртыла.

Эчке эшләр министрлыгының отставкадагы офицеры, хәзер фермерлык белән шөгыльләнүче Алексей Чигаров махсус операциядә катнашучы хәрбиләр өчен мич җитештерүне оештырып җибәргән. Хәрбиләрне җылытачак «буржуйка»ларны яраксызга әйләнгән автомобиль дискларыннан эретеп ябыштырып ясыйлар. Бу хакта «Казанские ведомости» сайтыннан Дамирә Хәйруллина язмасы.

«Безгә хәзер хакимиятне дә, Оборона министрлыгын да сүгәргә кирәкми», – ди хәрби хәрәкәтләр барган урыннарда берничә тапкыр булып кайткан Булат Газизов. Ул тиздән кабат алгы сафка китәчәк. Машиналары артында шартлаудан күтәрелеп калган төтен, бәдрәфкә чыгу шартлары да булмаган шәһәр халкы һәм башкалар турында ул KAZANFIRST журналистына сөйләде.

«Әле дә ярый ут төнлә чыгып, үзебезне харап итмәгән...» Арча районы Кәче авылында яшәүче Вәлиәхмәтовлар гаиләсе башларына төшкән ачы хәсрәттән бераз гына булса да шулай дип юана. «Интертат» өч ел эчендә ике коточкыч янгын кичергән гаиләнең башлыгы Динар Вәлиәхмәтов белән сөйләшеп алдык.

Татар кызы кайда да милләте өчен тырыша. Чит төбәккә килен булып төшкән татар кызы Айсинә Хәлиуллина белән аралашкач, шундый фикер килде. Бала белән декрет ялына чыккач, теләк, илһам тагын да арткан. Киров өлкәсендә милли бизәкле кием бренды булдырган, Ришат Төхвәтуллинга җыр сүзләре язган татар кызы белән әңгәмәне тәкъдим итәбез

Украинада БТР куып алып киткән егет турында мәгълүмат сентябрь аенда Телеграм каналларда таралган иде. Сугышчы шулай ук яраланган якташын коткарган һәм, БТР белән, яраланган генерал-майорны куркынычсыз урынга алып чыга алган. Ул – Башкортстанның Тәтешле районы Яңа Кайпан авылы егете Фәнис Хөсәенов. «Интертат» Фәнис белән элемтәгә керде.

Муңха – Якутиядә традицион рәвештә боз астыннан кәрәкә (карась) балыгы тоту. Кыш башында, саха халкы күмәк рәвештә тонналап балык тотарга чыга. Саха халкы өчен кышка балык әзерләү ысулы гына түгел, ә милли бәйрәм, йолаларның бер өлеше дә булган муңхада «Татар-информ» һәм «Интертат» журналисты да катнашты.

Бу көннәрдә Интернетта махсус операциядәге бер егетнең хәрби техника өстендә өздереп татарча биегән видеосы таралган иде. «Интертат» аның Башкортстанның Бүздәк районы Кыска-Елга авылы егете Айрат Мөхәмәдеев булуын ачыклады.

175нче гимназиядәге атыш буенча суд директор Әминә Вәлиевадан сорау алды – директор ханым, барлык репродукторлар да төзек иде, дип раслый. Бу хакта KAZAN FIRST сайтыннан Адилә Рәхмәтуллина язмасы.

11 декабрь көнне узачак «Татар кызы» бәйгесенең финалында «Интертат» һәм «Татар-информ» журналисты Энҗе Габдуллина да катнашачак. Талантлы, чибәр, бөтен яклап уңган Энҗе бөртегебез белән укучыларыбызны да якыннанрак таныштырырга булдык.

Аллаһы Тәгалә яраткан бәндәсен дин юлына бастырыр, диелгән бер хәдистә. Һәр кеше ул юлга төрле сукмаклар белән килә. Киров өлкәсендә юл өстендә мәчет салдырган Илдар Гомәров та кайчандыр аракы, тәмәке дә саткан, дуңгызлар да тоткан. Дингә килү юлын ул «Интертат»ка сөйләде.

Балыкчылык – күпләрнең яраткан шөгыле. Кемдер балыкны тотарга, кемдер ашарга ярата. Балык тотудан тыш, башка бернәрсә белән дә кызыксынмаган кешеләр бар. Нигә кайберәүләргә «балык җене» кагыла? Шуны ачыклау өчен, «Интертат» балыкчылар белән аралашты.

Казанның Мәрҗани мәчетендә, фронтка ярдәм йөзеннән, яшеренү комплектлары ясарга керешкәннәр. Бу эшкә волонтерлар да кушылган, әлеге юнәлеш районнарга да таралырга өлгергән. «Интертат» журналисты маскировкалар ясау эшен өйрәнеп кайтты.

25 яшьлек Илназ Баһавиев Тәтеш районында беренчеләрдән булып мобилизациягә эләгә. Казаннан да беренче эшелон белән китә, аннан чикне үтеп, ут эченә дә беренчеләрдән булып керә. Әниләр көне уңаеннан, Илназның әнисе Лилия Баһавиеваның хәлен белештек.

Айназ Сәлимов Кама Тамагы районыннан мобилизацияләнеп, Украинадагы махсус хәрби операциягә китә. Аннан бик каты яраланып кайта. «Интертат» хәбәрчесе госпитальдә дәваланып яткан егетнең хәлләрен белеште.

Татар китабы йортында «Идел» журналы һәм Татарстан Язучылар берлеге «Меланхоликлар эше»нә карата «Әдәби суд» уздырды. Бер төркем яшь иҗатчыларның күңел төшенкелегендә язылган әсәрләре тикшерелде. «Интертат» әдәби судтан репортаж тәкъдим итә.

Кулга алынудан куркып, чит илгә качкан бу ир заты кертемчеләрнең акчаларына ия булуда һәм бүген шул акчаларны үзенең рәхәт затлы тормышы өчен тотуда Даниэль Мәгъсумов дигән кешене гаепли. Бу хакта kazanfirst.ru журналисты Надежда Мещерякова яза.

Бүген фронтка ярдәм итүчеләр бихисап. Кемдер оекбаш бәйли, кемдер мич ясый, кемдер әйбер сатып алып җибәрә. Ә «Золотые руки Ангела» яралы хәрбиләрне яу кырыннан коткару өчен носилкалар тегә.

Мобилизация кысаларында Россия Кораллы көчләренә чакырылучыларның балалары, инвалид яки пенсионер туганнары өчен ярдәм чаралары каралган. Хәрби хезмәттәге ир-егетләргә салым кичектерелеп торачак, эш урыннары сакланачак һ.б.

Татарстан Югары суды Илназ Галәвиев эшен тикшерүне дәвам итә. Көчле яңгыраш алган бу процесста катнашкан кешеләр ул куркыныч көн картинасын яңабаштан торгызалар. Бу хакта Әдилә Рәхмәтуллина язмасы.

Халыкта янгынны «кызыл әтәч» белән чагыштыру бар. Менә шул рәхимсез «кызыл әтәч» Биектау районы Мәмдәл авылында яшәүче, өч баласын ялгызы тәрбияләүче Гөлназ Камалиева ихатасына да үтеп кергән. Бәхеткә, батыр авылдашлары ялкынны вакытында күреп, Гөлназның һәм балаларының гомерен коткарып кала. «Интертат» батыр егетләр белән сөйләште.

Бүген Арча районында Көтек авылында яшәүче Шакирҗановларның фермер хуҗалыгында янгын чыккан.

Бүген төнлә Башкортстан республикасы Матвеевка авылында янгында җиде кеше һәлак булган. Шуларның бишесе – балалар.

«Казанские ведомости» корреспонденты мобилизациядән качучы россиялеләрнең кайда ничек урнашулары һәм Казахстанга мигрантлар дулкыны ничек тәэсир иткәнлеге турында сөйли.

Солдатка киткән абыйлары, китәр алдыннан, аларга үзенең туенда бергәләшеп күңел ачарга ышандырып киткән. Тик ике сабый абыйларының бүтән беркайчан да кире әйләнеп кайтмаячагын белми әле...

Татарстан Югары суды Казанның 175нче гимназиясендәге атыш буенча эштә зыян күрүчеләрне тыңлады. Кешеләр ул көнне исләренә төшереп елады. Бернигә дә карамастан, гаепләнүче залдан журналистларны чыгарып җибәрүне сорады, суд матбугат вәкилләре катнашында дәвам итте. Бу хакта тулырак – «Татар-информ» репортажында.

Татарстанның «Алга» батальоны имамының Казан шифаханәләренең берсендә тернәкләндерү курсы тәмамлана. Ул җитди яраланып кайткан – күкрәген, үпкәләре, аякларын кыйпылчыклар тишкәләп бетергән. Руслан Агмалов җәрәхәтләрен Херсон өлкәсендә безнең гаскәрләрне дошман миномет утына тоткан вакытта алган. Хәрби имам үз подразделениесенә кире кайтырга җыена.

Татарстанның Югары суды, 31 карчыкны үтерүгә карата ачылган җинаять эшен өйрәнү барышында, гаепләнүчедән сорау алуга кереште. Балачак истәлекләрен барлаган вакытта, Таһиров әбисенең аны еш кына вак-төяк әйберләр өчен дә бик каты ачулануын сөйләгән булган. «Татар-информ» хәбәрчесе суд утырышында булып кайтты.

Кешеләр нигә «нормально» аерылыша алмый? Бу – безнең менталитет белән бәйлеме? Аерылышу аша узган кешеләргә шушы сорау белән мөрәҗәгать иттек. Алар үз фикерләрен җиткерде, шул исәптән, аерылышуны җиңелрәк кичерү өчен киңәшләр дә бирде.

«Кайтаваз» агитбригадасы Мамадыш районы мәдәният йорты каршында моннан 50 ел элек оешкан. Ул районның төрле чараларында катнашып килә. Хәзер бригада мобилизацияләнгәннәрнең гаиләләренә ярдәм йөзеннән авыллар буенча хәйрия концертлары куеп йөри.