Төмән янындагы татар авылында – Кырынкүлдә элекке мәчет бинасында этномәдәни мәктәп эшләп килгән. Мәктәп зур яңа бинага күчте. Мәчетне мөселманнарга кире кайтару турында сүз күптән ишетелә иде. Ниһаять, бу хыял тормышка ашкан.

Россиядә яшәүчеләрнең уртача айлык номиналь хезмәт хакы 2029 елга, 2025 ел белән чагыштырганда, 35 процентка артачак. Әмма халыкның реаль керемнәре күпкә сүлпәнрәк үсеш күрсәтәчәк. Эксперт фикеренчә, икътисад актив үсеш юлына кайтмаса, реаль керемнәр үсәр дип көтәргә кирәкми. Икътисади үсеш фаразы турында тулырак – «Татар-информ» материалында.

Салават Фәтхетдиновның иң танылган җырларына аранжировка ясаган музыкант тормышы һәм яраткан шөгыле турында сөйләде.

Эшне һәм балаларның укуын ничек бергә алып барырга? Кече сыйныфта, бигрәк тә дәресләре иртәнге 11дә бетә торган беренче сыйныфта укучыларның әти-әниләрен һәр уку елы башында шушы сорау борчый. Мәктәптә озынайтылган көн дә резин түгел, әбиләр ярдәмгә ашыкмый, шушы сәбәпле Казанда кечкенә укучылар өчен няняларга ихтыяҗ арткан.

Татарстан Республикасы Фәннәр академиясендә «Парадигмалар алмашыну шартларында татар тел белеме: теория, методология, гамәл» VI Халыкара фәнни-гамәли семинары узды. Быел ул Гали Чокрыйның 200 еллыгына һәм Мифтахетдин Акмулланың 195 еллыгына багышланды.

Бүген ТР мөселманнары Диния нәзарәтенең «Зәкят» хәйрия фонды мохтаҗларга чираттагы гошер садакасын таратты. Биш тонна гошер Казанның 100 аз керемле һәм күпбалалы, балалары авыру, тулы булмаган гаиләләргә, ялгыз өлкәннәргә өләшенде.

Бөтендөнья татар конгрессы 2030 елгы җанисәп алдыннан Россия төбәкләрендә яшәүче татарларны берләштергән «Иж буе татарлары», «Зөя буе татарлары», «Нократ буе татарлары» фәнни-гамәли конференцияләр сериясен башлап җибәргән. Проект хакында тулырак «Татар-информ» мәгълүмат агентлыгында матбугат очрашуында сөйләделәр.

26 сентябрьдә Казанда «Туган авылым» милли комплексында «Татар чәе» ярминкәсе узачак. Кунакларны милли ашлар, татлы ризыклар, калмык һәм үлән чәе көтә. Программада – чәй өстәле сәнгате буенча остаханәләр, викториналар, бәйгеләр һәм тематик лекцияләр тәкъдим ителә. Бу хакта тулырак «Интертат» язмасында.