Август аенда Россия төбәкләрендәге уртача пенсия күләме арасындагы аерма 23 мең сумнан артык булган. Россия Социаль фонды мәгълүматларын «РИА Новости» китерә.
Уртача пенсиянең иң югары күләме Чукоткада теркәлгән — аена 42 273 сум. Исемлекнең икенче очында Дагыстан урнашкан, анда уртача пенсия 18 932 сум тәшкил иткән. Шулай итеп, иң югары һәм иң түбән күрсәткечләр арасындагы аерма 23 341 сумга җиткән.
Ил буенча август аенда уртача пенсия 25 469 сум тәшкил иткән.