Бүген, 26 сентябрьдә, Татарстанда элек антициклон тәэсирендә урнашкан аномаль җылы һәм коры һава торышы саклана. Бу хакта ТР Гидрометеорология үзәге хәбәр итә, дип яза «Татар-информ».
Республикада алмашынучан болытлы һава торышы фаразлана. Сизелерлек явым-төшем көтелми.
Җил секундына 4-9 метр тизлектә көнчыгыштан һәм көньяк-көнчыгыштан исәчәк. Төнлә секундына 12 метр тизлектә искән җил көндез тынычлана.
Чагыштырмача җылы төннән соң (7-12 градус) Татарстанда һава көндез +20, +25 градуска кадәр җылыначак (ТР башкаласында термометр баганалары +22, +24 градуска кадәр күтәреләчәк).
Элегрәк «Татар-информ» республикада сентябрь азагына кадәр коры һәм җылы һава торышы саклана, дип хәбәр иткән иде. Татарстанда көзнең беренче ае ахыры климатик нормадан 5 градуска җылырак була.