Татарстанда трассада KIA машинасы поши бәрдергән, пассажир кыз һәлак булган

Татарстанда трассада KIA автомобиле поши бәрдергән. Машинадагы пассажир кыз һәлак булган. Бу хакта «Татар-информ» хәбәр итә.

Татарстанның Дәүләт автомобиль инспекциясе мәгълүматларына караганда, бүген төнлә чит ил машинасының 25 яшьлек йөртүчесе М-7 трассасыннан югары тизлектә барган. Бер мизгелдә юлга поши килеп чыга, машина туктарга өлгерми кала һәм пошины бәрдерә. Пассажир урынында утырган 23 яшьлек кыз урында ук һәлак булган.

Фаҗиганең барлык сәбәпләре ачыклана.