Җырчы Ришат Фазлыйәхмәтовка Татарстанның атказанган артисты дигән мактаулы исем бирелде. «Интертат» артистны әлеге исемне алуы белән котлады.

Телеэкраннар йолдызы, Аида тәхәллүсе белән җырлаучы Эльвира Фазлыева «Песни от всей души» тапшыруында булып кайткан. Әлеге тапшыруны «Россия 1» каналында Андрей Малахов алып бара. «Интертат» хәбәрчесе Эльвирадан проектка ничек эләгүе һәм аннан алган хис-кичерешләре турында сорады.

Кукмара районы Вахит авылында яшәүчеләр «Интертат» электрон газетасы редакциясенә хуҗалык җитәкчесенең озак еллар үзләрендә эшләгән Мөбәракша Хөрамшинга сюрприз – көтелмәгән бүләк ясау турындагы видео юллаган иде. Әлеге изге гамәл турында укучыларыбызга да сөйләргә булдык. «Интертат» хәбәрчесе хуҗалык җитәкчесе Нәфыйк Хөсәенов белән элемтәгә керде.

Җырчы Рамил Закиров белән иҗатка планнары, яхшы әти булу серләре, яшьлек хаталары, үзен дингә якынайткан вакыйга һәм башка темаларга аралаштык.

Бу көннәрдә популяр алып баручы Марсель Әхмәдуллин сторисларын күзәтәм. Аларның матур гаиләсе хәзерге вакытта бик тә саваплы сәяхәттә - Гомрәдә. Изге җирләребезгә сәяхәт шуның белән дә кызыклы - Әхмәдуллиннар кече хаҗга туристик путевка алмыйча, мөстәкыйль рәвештә килгән. Марсель белән элемтәгә кереп, мондый сәфәрнең үзенчәлекләре турында сораштык.

Җырчы Ильвина игелек юлында зур адым ясарга җыена – хәйриячелек фонды булдыру нияте белән йөри. Бу хакта «Интертат» Ильвинаның үзеннән сорашты.

Аяз Гыйләҗев исемендәге Чаллы татар дәүләт драма театры актрисасы Зөлфия Галиуллина белән әңгәмә.

Чаллыда яшәүче Госмановлар гаиләсе Мисырдагы 4 йолдызлы кунакханәдә 25 көн ял итеп кайткан. Һәм, нибары, 240 мең сумга! «Интертат» гаилә башлыгы Илдардан бюджетлы ял итү серләре турында сорашты.

Танылган баянчы, җырчы, Марат Яруллинның абыйсы һәм уң кулы Ринат Яруллин белән иҗат, гастроль тормышы, аншлаглы концертлар оештыру серләре һәм башка темаларга аралаштык.

Океан артында яшәп ятучы Казан кызы Алинә Бейли белән социаль челтәрләр аша таныштык. Мине, аеруча да, аның кечкенә кызы Әминәнең бик матур итеп татарча сөйләшүе җәлеп итте. Алинә белән элемтәгә кереп, аларның чит илдәге тормышы, Шон белән мәхәббәт тарихы һәм кызына милли тәрбия бирү нечкәлекләре турында сөйләштек.

Кичә иртән республика халкын Буа районы Яңа Чәчкап авылындагы фаҗига тетрәндерде. Көчле янгын 50 ел бергә гомер кичергән Гөлшат һәм Мөслим Сөбхановлар һәм киленнәре Гөлчәчәкнең гомерен өзә. Аларның уллары Илдар һәм оныклары Илназ хастаханәдә үлем белән яшәү арасында бәргәләнә. «Интертат» авыл халкы белән сөйләште.

Чаллыдагы популяр алып баручы Гөлназ Гайсинаның бер үзенчәлеге бар - ихлас, җылы итеп сөйләүдән тыш, бәйрәмнәрен табан астыннан ут чыгарлык итеп бии-бии алып бара ул. «Бии торган алып баручы» дип тә, күлмәкләрен күп алыштырганга «бай алып баручы» дип тә йөртәләр икән үзен. «Интертат» Гөлназ Гайсина белән таныштыра.

Татарстанның халык артисты Рәсим Низамов гаиләсенең бик тә сөенечле көннәре - алар олы уллары Рүзәлне өйләндергәннәр. Никах туе ничек узган соң? Кайсы ягы белән аеруча да истә калган? Рәсим Низамовка шалтыратып, шул хакта сораштык.

“Арчага кайтып бакчада казыну - иң зур рәхәтем. Бер чыгып китсәм, өйгә керә алмый. Чәчәкләрем белән сөйләшеп йөрим”, - ди җырчы Лилия Хәмитова.

Марат исемле татар егете белән гаилә корып җибәргән Замбияле Нгамбоны социаль челтәрләрдә бик яратып карыйм. Татарча җыр-биюләр өйрәнеп, мәдәниятебезгә хөрмәт күрсәтүе белән җәлеп итте ул күңелне. Аннан ниндидер бер тыйнаклык, нәфислек тә бөркелеп тора. «Интертат» кояшлы Замбиядән кечкенә татар авылы Сидәшкә килеп урнашкан Нгамбо белән таныштыра.

Беренче тапкыр Төркиядә ял иткән ИлГәрәйне төрек халкы үзләренеке дип кабул иткән. Татар икәнлеген белгәч, гаҗәпләнгәннәр дә, хәтта.

Пермь краеның Октябрьск районындагы татар авылларында яшәүче милләттәшләребез зур сынау белән очрашкан. Тоташ яуган көчле яңгырлар нәтиҗәсендә Ирень елгасында су күтәрелеп, берничә дамба ишелгән. Елга тирәли урнашкан дистәләгән татар авылы су эчендә калган. Районда гадәттән тыш хәл режимы игълан ителде.

Балаларга: «Сез әниегез белән җәннәттә очрашачаксыз», - дип әйтәм. Шулай дигәч, елмаеп куялар, ә үзләренең күзләрендә моңсулык… Бик сагыналар…» - ди, хатынын җирләп, 5 кечкенә кызы белән ялгыз калган Булат Нәбиуллин. Ул «Интертат»ка нибары ике көн эчендә арабыздан китеп барган тормыш иптәше Алинә турында җылы һәм ихлас итеп сөйләргә көч тапты.

Редакциябезгә Мамадыш шәһәрендә яшәүче Альбина Гарипова мөрәҗәгать итте. Ул Давытов 40а адресы буенча урнашкан тулай торакта яшәүчеләрнең проблемасын чишәргә ярдәм итүебезне үтенә. Моңа кадәр алар су өчен норматив буенча түләп барсалар, соңгы ике айда, коэффициент үзгәрү сәбәпле, түләүләр 2-3 тапкыр артып килгән.

Салмачы бистәсе Мирхәйдәр Фәйзи урамында яшәүчеләр үз Сабан туен оештырган. Әлеге чара шушы һәм күрше-тирә урамнарда яшәүче 200дән артык кешене бергә җыйган. Бәйрәмне уздыру идеясе, оештыру нечкәлекләре һәм халыкны берләштерү серләре хакында «Интертат»ка популяр музыкант һәм алып баручы, бәйрәмне оештыручыларның берсе Илмир Ямалов сөйләде.

Алып баручы, җырчы Эльвира Фазлыева “Интертат”ка фаҗигале һәлак булган кызы истәлегенә уздыра торган “Аида көне”нең матур традициягә әверелүе хакында сөйләде. Шулай ук Эльвирадан Мәскәүгә күченүенең сәбәпләрен һәм шәхси тормышында булган үзгәрешләр хакында да сораштык.

Сирин Бәйрәмов - танылган КВНчы, бик күп юмористик проектлар җиңүчесе, Данир Сабиров төркеменең «йөземе». Ул татар тамашачысына «Ядәч» фильмындагы участковый роле аша да таныш. Сирин белән очрашып, аның иҗади үсеше, тормышындагы кызыклы вакыйгалар, татар юморы һәм башка темаларга әңгәмә кордык.

«Әниемнең туган көне бүген», «Син сөюдән чибәр», «Матур җыр»ларның алыштыргысыз башкаручысы, Татарстанның атказанган артисты Сәгыйть абый Гыйбашев белән иҗаты, соңлап кына мактаулы исем алуы, җырларын яшь җырчылар башкаруга карашы, шәхси тормышы һәм башка темаларга сөйләштек.