«Чын авыл хатыны»: Илсөя Бәдретдинованың ит ашаганын карап тору үзе бер медитация
Илсөя Бәдретдинова үзенең МАХ-каналына авыздан сулар китерә торган «тәмле» видео урнаштырган. Җырчы нәкъ авылча итеп, суганлап, тозлап, сөякле ит ашап утыра. Экран аша да итнең хуш исен һәм тәмен тойгандай буласың.
Җырчының бу гадилеге һәм табигыйлеген язылучылары да яратып кабул иткәннәр.
«Менә бит, кеше ничек эшли, шулай ашый. Исән-сау булыгыз. Уңышлар сезгә»;
«Молодец, чын авыл хатыны. Без дэ шулай ашыйбыз, буыннарны ныгыта»;
«Барганда ашарга кирәк, яңадан я булмас, я бармас, диләр иде безгә. Сәламәтлек телим»;
«Авыл кызы тәмләп, суганлап ашап утыра. «Сразу» күренә - безнең яктан»;
«Авыздан сулар килде инде, бигрәк тәмлеееее»;
«Шундый тәмләп суктырасыз»;
«Натураль коллаген», – дип язалар алар.