Бүген модель балалар турында сөйләшербез. Дөресрәге, мода мәктәбендә шөгыльләнүче балалар турында. Бу уңайдан, Казандагы «Department models kids» мода мәктәбенең директоры Шафикова Зәлинә Фируз кызы белән кызыклы гына әңгәмә кордык.

Узган ел беренче татар кавер-төркеме «MINGAZOV» продюсерыннан китте. Аерым гына эшли башлады. Дөрес, иҗат юлын һәр артист диярлек продюсер белән башлый һәм, күпмедер вакыттан соң, үзе генә эшләргә тотына. Сәбәпләре дә аңлашыладыр. Төркемнең солисты Ильяс Мингазов бу хакта тулырак «Интертат»ка әңгәмәсендә сөйләде.

«ТНВ» телеканалында барган «Әй, язмыш, язмыш...» тапшыруы ябылуы турында хәбәр тиз таралды. Тапшыруның алып баручысы Зәмирә Рәҗәпованың озак еллар буе эшләгән телеканалдан китүе гаҗәпләндерде. Гадәттә, без озак еллар буе бер урында эшләгән кешенең китүен башкача кабул итә алмыйбыз. «Интертат» Зәмирә Рәҗәпованың үзе белән әңгәмә корды.

Әгәр дә артист телевидениедә күренмәсә, татар эстрадасыннан киткән, дип уйлыйбыз. Сәнифә Рангулова иҗат итүдән туктамаган икән. Күптән түгел радиодан «Укы әле хатларымны» дигән яңа җырын ишетеп алдым... Ул «Интертат»ка интервью бирде.

Җырчы, шоумен Ранил Нуриевне күпләр хәтерлидер. «Син минем янымда», «Кайнар кочагымда», «Җибәрдем сине» кебек җырлары аша татар эстрадасында танылды.

Быел 13 ноябрьдә татар дөньясының күренекле шәхесе, Муса Җәлил исемендәге опера һәм балет театры солисты, Татарстанның халык җырчысы, Россиянең атказанган артисты Хәйдәр Әббәс улы Бигичевның арабыздан китүенә 25 ел тула. Шул уңайдан, «Интертат» аның якыннары белән сөйләште.

«Интертат» Айсылу Габдинова белән сөйләште.

Кем ул логопед? Ни өчен бүгенге көндә алар актуаль? Хәзерге заман балалары белән эшләүнең авырлыклары? Ни өчен күпчелек балалар «р» авазын дөрес итеп әйтә алмыйлар? Бу сораулар һәрбер ата-ананы уйландырырга мәҗбүр итә.

Бик күп татар җырларына аранжировка ясаучы, көйләр язучы Илмир Әзһамовны күпләр белеп тә бетермидер. Ул – бик тыйнак, шул ук вакытта үз фикере булган аранжировщик. Җырчы Әлфинә Әзһамованың кече улы ул. Бүгенге көндә Илмирның үз гаиләсе бар. Шәхси тормышы, иҗаты, сәяхәт итәргә яратуы турында ул «Интертат»ка сөйләде.

«Якутиядә төнлә өрәкләр күрү гадәти хәл булса, Татарстанда бер тапкыр да диярлек күргәнем булмады. Якутиядә, өрәкләрдән куркырга түгел, кешеләрдән куркырга кирәк, диләр. Менә синең артыңнан берәр өрәкнең исемең белән эндәшкәне булдымы?! Минем булды», – дип уртаклашты татар эстрадасы артисты Анна Попова.

Кайчандыр татар эстрадасына «Яшиселәр килә», «Кило ярым перәннек» кебек җырлары белән чыккан автор-башкаручы Нияз Җәләлов соңгы елларда сирәк күренә башлады. Баксаң, ул гел чыгышлар ясап тора икән. Яңа клиплар гына чыгармый. Күптән түгел ике «5»лене тутырган җырчының үзе белән «Интертат» әңгәмә корды.

Халык табибы, өшкерүче Рәшит хәзрәт Йосыпов белән танышуыма аның социаль челтәрләргә урнаштырган видеосы сәбәпче булды. Анда ул җеннәр белән сөйләшә. Кемдер аңа сәер дип карар, ә кемдер безнең тормышта җеннәр барлыгына ышаныр. Бу хакта «Интертат» Рәшит хәзрәт Йосыповның үзе белән әңгәмә корды.

Популяр җырлар авторы Davlyan (Илдус Дәүләнов) турында күп ишетергә туры килсә дә, интервью алырга җае чыкмый иде. Ул соңгы елларында җырлый да башлады. «Текә» аранжировщикны җырларга нәрсә этәрде? Ни өчен иң күбе Илсөя Бәдретдиновага җырлар яза һәм башка шундый кызыклы сорауларга җавап табу максатыннан «Интертат» аның үзе белән әңгәмә корды.

Бу көннәрдә Гөлназ һәм Илсур Шәрипҗановларның «Зәңгәр күктә» исемле яңа җырларына төшерелгән промоклибы чыкты. Бик күп негатив җыелган видеода Гөлназны сүктеләр. Комментарийларда җырчы Фирдүс Тямаев та үз фикерен җиткергән иде. Болар хакында иренең нәрсә уйлаганын белергә теләп, «Интертат» Илсур Шәрипҗанов белән әңгәмә корды.

Казанда яшәүче Хөснетдинова Лилия Зөлфәт кызын блогер, косметолог буларак беләләр. Ә мин исә, сезгә аның эшчәнлеге турында түгел, аның гыйбрәт алырлык язмышын язасым килә. Балык Бистәсе районының Уракчы авылы кызы ул. Балачак елларын урын өстендә үткәрә. Бихисап операцияләр кичерә. Хәтта табиблар аның йөри алачагына ышанмаган булалар.

Татар эстрадасына «Яшьли сөйгән ярым» җыры белән килеп кергән җырчы Эльвира Хамматова икенче мәртәбә кияүгә чыга. Шатлыклы хәбәр белән тулырак уртаклашу ниятеннән, Эльвира Хамматова белән «Интертат» әңгәмә корды.

Әйе, бу – чыннан да шулай. Чаллы шәһәрендә яшәүче миллионер хатын, бьюти-наставник, блогер Динә Вәлиева эшмәкәр иренә няня эзли. «Аена 100-150 мең түлим» дип, «Авито»дагы белдерүенә дә язып куйган. Озакка сузмыйча гына, Динә Вәлиеваның үзе белән дә элемтәгә кердек.

Узган атнада «Qazaqstan Даусы. Балалар» проектының беренче турына узган Казан кызы Ралинә Ибраева Габдулла Тукай сүзләренә иҗат ителгән «Туган тел» җырын башкарып, жюри әгъзаларының дүртесен дә үзенә караткан иде.

Татарстанның халык артисты Искәндәр Биктаһиров үз йорты белән Казан үзәгендә яши. Алмагачлар шау чәчәктә утырган чак. Легендар җырчы бүген дә формасын югалтмый, тавышы элеккечә күркәм. Хуҗа 70 яшен тутырган димәссең!