Керәшеннәрнең Яков Емельянов исемендәге мәдәни үзәгендә Тукай премиясе лауреаты, Татарстанның атказанган мәдәният хезмәткәре, 60тан артык җыр авторы, үзешчән композитор Роберт Андреев иҗатташ дуслары белән концерт куйды. Роберт Андреев җәмәгатьчелеккә беренче чиратта «Мин яратам сине, Татарстан» җырының көй авторы буларак билгеле.

Казанда җырчы һәм театр актрисасы, ТАССРның атказанган артисткасы Зифа Басыйрова истәлегенә мемориаль такта ачылды. Мемориаль такта җырчы яшәгән йорт диварына – Казан шәһәре, Татарстан урамы, 16/78 йорт адресы буенча урнаштырылды. Җырчының катлаулы язмышы, казанышы һәм фаҗигасе турында – «Интертат» язмасында.

Фатима Сабитова – Казан кызы. Эше буенча аңа чит илгә күченергә тәкъдим иткәч, төшемме, әллә өнемме бу, дип, югалып кала ул. Әмма ризалаша. Сербияне сайлый. Бу илдә беркайчан да булганы булмаса да, яңа ил белән танышу өчен менә дигән форсат, дип кабул итә. Сербиягә Россия кешеләре соңгы арада бик күп күченеп киткән, ди.

КФУның Филология һәм мәдәниятара багланышлар институтында галим һәм җәмәгать эшлеклесе, Татарстан фәннәр академиясе академигы, филология фәннәре докторы Рүзәл Йосыповның 85 яшьлек юбилей кичәсе булды. Кичәгә академикның шәкертләре, хезмәттәшләре, якыннары килгән иде.

Мәгърифәтче, галим, фикер иясе, тәрҗемәче, язучы, фольклорчы... Кайсы гына өлкәне алсаң да, Каюм Насыйриның белмәгәне булмагандыр төсле. Вафатыннан 121 ел узса да, безгә ул әле дә яңа яктан ачыла бара. Каюм Насыйри музее мөдире Рушания Шәфигуллина галим турында кызыклы фактлар турында сөйләде.

Теләче районы Иске Җөри авылында «Китап» радиосы татар җырын башкаручылар арасында «Карачтау авылы көйләре» – Таһир Якупов исемендәге I республика фестиваль-бәйгесенә йомгак ясады. Барлыгы 132 гариза килгән булган, шулар арасыннан 20дән артыгы – лауреат исеменә лаек булды. «Интертат» фестивальдән репортаж тәкъдим итә.

«Татар журналисты» сәхифәсендә татар журналистикасында үз эзен калдырган, тарихка кереп калган журналистлар белән таныштыруны дәвам итәбез. Чираттагы герой – Татарстанның атказанган мәдәният хезмәткәре, бүгенге көндә дә «Мәдәни җомга» газетасында хезмәт куючы журналист Сөембикә Кашапова.

Габдулла Тукай әдәби музеенда «Йолдызлык музее» клубы очрашуы кысаларында Татарстанның атказанган артисты, җырчы, үзешчән композитор Тәслимә Низаминың «Җанымнан моң агыла» – «Күңел авазлары – минем җырларымда» дип исемләнгән иҗат кичәсе булды. Тәслимә Низами туган көнен туганнары, иҗатташ дуслары белән бергә үткәрде.

Татарстан кырларында, басуларда, бакчаларда халык бәрәңге ала. Һава шартлары да яхшы: матур кояшлы көннәр! Барлык туган-тумача белән җыйналышып бәрәңге алу гадәте бүгенге көнгәчә сакланып калган. Икенче икмәгебез быел уңганмы? «Интертат» Теләче районы Олы Кибәхуҗа авылында Хуҗиннар гаиләсендә кунакта булып кайтты.

Татар китабы йорты. Бу бина әдәби-мәдәни чаралар үткәрелә торган үзәккә әйләнде дисәм, бер дә ялгыш булмас. Кайчан барсам да Татар китабы йорты музыкантлар, артистлар, зыялылар, язучылар, энтузиастлар белән кайнап тора! Һәр кеше нидер эшли: чыгыш ясый, уйный, яза, иҗат итә. Иҗат мохитенә эләккәндәй буласың. Монда күңелле, монда рәхәт!

«Интертат» редакциясенә Базарлы Матакта яшәүче һәм лаеклы ялдагы укытучы Флера Галимова мөрәҗәгать итте. Ул 47 ел бергә иңне-иңгә куеп гомер иткән ире – Әнвәр Галимовны җирләгән. Югалту газабы әле дә йөрәк ярасы булып кала бирә. Флера ханым танылган спортчы белән бергә кичергән парлы гомер хатирәләрен барлаганда күз яшьләрен тыя алмады...

Ватсап мессенджерларда криминаль жанрда төшерелгән видео таралды. Видеоны караганда, чәчләр үрә тора: язмада сүгенү сүзләре, кеше үтерү кебек аңлашылган куркыныч күренешләр бар. Ә иң гаҗәбе – видео азагында Лениногорскиның бер заводы турында мәгълүмат бирелә. «Интертат» видео авторын тапты һәм җәмәгатьчелек фикерен барлады.

Былтыр балалар өчен татар телендә «САФ» радиосы эшли башлады. Радиода тәүлек буена балалар өчен татарча җырлар, татар классик музыкасы, шигырьләр, әкиятләр, әдәби әсәрләр, татарча радиоспектакльләр, кызыклы яңа тапшырулар[MOU3] тыңлап була. Бүгенге көндә радионы финанслау мәсьәләсе көн кадагында.

«Татмедиа» бинасы янында «Сөембикә» журналының «Тышлыкта – кызлар елмая» күргәзмәсе ачылышы булды. Узган гасырның 70-80нче елларында «Азат хатын» журналының беренче тышлыгын бизәгән ханымнар белән очрашу беркемне дә битараф калдырмады.

Быел Татарстанның халык, Россиянең атказанган артисты, Россия һәм Интеррекордлар рекордсмены Мирсәет Сөнгатуллин үзенең гомер бәйрәмен – 70 яшьлек юбилеен билгеләп үтә. «Интертат», артистның юбилее уңаеннан, аның белән әңгәмә корды.

31 июльдә Алтай краенда юл-транспорт һәлакәтендә һәлак булган филология фәннәре докторы, профессор Ләйсән Абдулхакова белән бүген Казан федераль университетының Физика институты бинасында хушлаштылар. Ул – Казан университетының филология факультетының элеккеге деканы, профессор Диләрә Тумашеваның кызы.

​​​​​​​31 июльдә Алтай краенда юл-транспорт һәлакәтендә филология фәннәре докторы, профессор Ләйсән Абдулхакова фаҗигале һәлак булды. Ул – Казан университетының филология факультетының элеккеге деканы, профессор Диләрә Тумашеваның кызы, икътисад факультетының элеккеге доценты Айдар Тумашевның бертуган апасы.

Габдулла Тукай әдәби музеенда шагыйрә, эссеист, тәрҗемәче, Төркиядәге Эрджиэс университетының рус әдәбияты укытучысы Лилия Газизова (Жанти) катнашында «Габдулла Тукай, татар һәм төрки телле әдәбиятчылар әсәрләрен тәрҗемә итүнең актуаль проблемалары һәм перспективалары» дигән түгәрәк өстәл булды.

Матбугатны фотографларсыз күз алдына китереп булмый. Мәкалә фотосыз булса, аны укыйсы да килеп тормый, шулай бит?! «Татар журналисты» сәхифәсендә кунакта – татар матбугаты тарихында үз эзен калдырган фотохәбәрче, Татарстан фотографлар берлеге рәисе һәм бик күп редакцияләрдә эшләгән фотограф Рамил Гали.

«Татар журналисты» сәхифәсендә татар матбугаты тарихында үз эзен калдырган журналистлар белән таныштыруны дәвам итәбез. Чираттагы героебыз: интернетта беренче булып рәсми рәвештә эшли башлаган татар матбугат чарасын – «Интертат» Республика электрон газетасын озак еллар җитәкләгән Әлфия Туфан кызы Миңнуллина.

«Shanu» – этно-джаз юнәлешендә иҗат итүче, төрле мәдәниятләрне берләштергән чуваш төркеме. Казанда бу юнәлеш әле үсеп кенә килә. Moscow Jazz Festival джаз фестивалендә төркем югары бәя алып өлгерде. «Интертат» чуваш, татар, болгар, чегән телләрендә чыгыш ясаган уникаль төркемнең җитәкчесе Вера Кожеманова белән сөйләште.

Айгөл исемле бер танышым: «Бу компаниядән әйберләргә заказ бирә күрмәгез, алар мине бер сәбәпсезгә эштән азат итте!» – дигән сүзләр белән сторислар урнаштырды. Айгөлнең бик тырыш һәм җаваплы кеше икәнен белеп, бу ситуациягә ачыклык кертергә теләп, аның хәлен белеп шалтыраттым.

Милли бәйрәмебез Сабан туе ярышларында катнашып, җиңүчеләр турында матбугатта, радио-телевидение, интернетта сөйләүче һәм язучы журналистлар инде икенче ел рәттән үзләре дә Сабан туе келәмендә җитезлектә, егәрлектә көч сынаша.

Башкортстанның Мишкә районында берьюлы берничә мәктәп эшчәнлеген туктата. Шуларның берсе – Рейхстагка Җиңү Байрагын кадаган халык каһарманы – Гази Заһитовның туган авылы Яңагоштагы мәктәп тә ябыла. Уку йорты Гази Заһитов исемен йөртә. Авыл халкы каршы, ә җитәкчелек башка чара күрми. «Интертат» хәбәрчесе Башкортстандагы вазгыятьне ачыклады.

​​​​​​​1 июльдә Пенза өлкәсе Урта Әләзән авылында кызамык (корь) авыруы таралган, авылда карантин. Авыл халкы әйтүенчә, кызамык авыруының таралганлыгы турында халыкка күпкә соң – авыручылар саны арткач кына әйткәннәр. Әләзәнлеләр бу хәлне зурга җибәрүгә канәгатьсезлек белдерә.