Татар язучысы, публицист, журналист, җәмәгать һәм сәясәт эшлеклесе Гаяз Исхакыйның вафатына 70 ел тулу уңаеннан бер төркем язучылар әдипнең туган ягы – Чистай районы Яуширмә авылына сәфәр кылды. Бөек әдипнең туган ягында начар юллар, таушала башлаган музей һәм кунакчыл авыл халкын «Интертат» хәбәрчесе дә күреп кайтты.

Татарстан мөселманнары Диния нәзарәтенең Чистай районы мөхтәсибәте Ислам үзәгендә татар язучысы, публицист, журналист, җәмәгать һәм сәясәт эшлеклесе Гаяз Исхакыйның вафатына 70 ел тулу уңаеннан түгәрәк өстәл утырышы оештырылды. Түгәрәк өстәл утырышында катнашкан «Интертат» хәбәрчесе репортаж тәкъдим итә.

Бүген Татарстанда 12 сәгатьлек «Җиңү армиясенә кушыл!» акциясе булды. Акция «ТНВ-Татарстан» һәм «ТНВ-Планета» телеканалларында узды, ул иртәнге сәгать 8дә башланды һәм 20 сәгатькә кадәр дәвам итте. «Интертат» телемарафонда иң истә калган фикерләрне туплады.

Татарстанның баш фольклорчысы, Республика традицион мәдәниятне үстерү үзәгенең элекке җитәкчесе, КФУ доценты Фәнзилә Җәүһәрова белән ул оештырып җибәргән «Татар ядкәрләре» проекты турында сөйләштек. Оешманың максаты нәрсәдә? Фәнзилә Хәкимовна туплаган фольклор материаллары хәзер кайда? Бу хакта ул «Интертат» хәбәрчесенә сөйләде.

Татарстан Мәгариф һәм фән министрлыгында быел, татар телен тирәнтен өйрәнеп, Бердәм республика имтиханын тапшырган чыгарылыш сыйныф укучылары һәм аларның укытучылары белән очрашу үткәрделәр. Очрашуда «Интертат» хәбәрчесе Зилә Мөбәрәкшина да катнашты.

Казан федераль университетына кабул итү кампаниясе 20 июньнән башланды. КФУның Филология һәм мәдәниятара багланышлар институты җитәкчелеге абитуриентларны үзләренә укырга чакырды һәм институттагы өстенлекләр – стипедияләр, яңа программалар һәм юнәлешләр белән таныштырды.

Россиянең һәм Татарстанның халык артисты, Нәҗип Җиһанов исемендәге Казан дәүләт консерваториясенең вокал сәнгате кафедрасы мөдире, профессор Зилә Сөнгатуллина белән гаиләсе, опера сәнгатендә беренче адымнары, аңа канатлар куйган остазлары турында әңгәмә кордык.

Танылган блогер, журналист Фәгыйлә Шакированы кызыклы видеорепортажлары, үзенчәлекле шәхесләре аша беләбез. «Мин аларны эзләп йөрмим, алар мине үзе эзләп таба», – дип әйтергә ярата ул. Йөзләгән геройларны блогында күрсәтеп танылган блогер «Интертат» хәбәрчесенә үзе турында беркемгә билгеле булмаган фактлар сөйләде.

Казан федераль университетының Татар халык хоры белән ел саен кая да булса гастрольгә бару күңелле традициягә әйләнде. Быел без Азәрбайҗан татарлары белән концерт куйдык, Бакуның иң матур урыннарында булдык, милли ризыклардан авыз иттек һәм рәхәтләнеп күңел ачтык. Каршы алыгыз, татарлар Бакуда!

Татарлар яшәгән төбәкләрдә халкыбызның көтеп алынган бәйрәмнәренең берсе – Сабантуй бәйрәмнәре гөрли. Соңгы арада бәйрәмдә мотоблок ярышы, аркага он капчыгы салып мәйдан тирәли әйләнү, ат арбасына цемент салып йөк ташыту, зур ыштан киеп йөгерү һ.б. уеннар өстәлде. «Интертат» Сабантуйдагы уеннарга күзәтү ясый.

«Россия – Ислам дөньясы: KazanForum 2024» XV халыкара икътисадый форум мәйданчыгында Россиянең Мәдәният министрлыгы оештырган «Россия – Ислам дөньясы: мәдәният, мәгариф, интеграцион хезмәттәшлек бизнес-стратегиясе» сессиясе узды. «Интертат» хәбәрчесе мәдәният һәм дин темасы турында яңгыраган фикерләрне тәкъдим итә.

«Ялкын» журналына 100 ел тулды. Муса Җәлил 18 яшендә нигез салган журнал быел республика күләмендә зурлап юбилеен үткәрде. Кайда-кайда диегез – Кремльдә! Балалар көнендә оештырылган «Ялкын фест»та 5 меңләп бала катнашты. Иҗат юлын «Ялкын»да башлаган «Интертат» хәбәрчесе Зилә Мөбәрәкшина да бәйрәмдә булып кайтты.

Татарстан мәктәпләрендә Бердәм дәүләт имтиханнарының кызган чагы: укучылар, беренчеләрдән булып, татар теленнән имтихан тапшырды. Республика буенча аны быел 7 кеше сайлаган – Мөслим, Түбән Кама, Казан шәһәренең Идел буе, Совет һәм Авиатөзелеш районнары укучылары. «Интертат» хәбәрчесе әлеге укучылар белән танышты.

Диләрә – тумышы белән Казан кызы. Мәктәпне тәмамлап, җәйге ялларда авылга кайткач, булачак ире белән таныша. Кавышып, бер дигән гаилә корып яши башлаганда гына махсус хәрби операция башлана. Ир беренче көннән үк хәрби хезмәткә китә, Диләрә 1 яшьлек улы белән озатып кала... Гаилә тарихы турында ул «Интертат»ка сөйләде.

«Татмедиа»да Татарстан Журналистлар берлегенең ХXI съезды булды. 5 елга яңадан Татарстан Журналистлар берлеге рәисе итеп сайланган Илшат Әминов нәрсә вәгъдә итә? «Интертат» хәбәрчесе съездда яңгыраган фикерләрне, күтәрелгән төп проблемаларны барлады.

КФУның Филология һәм мәдәниятара багланышлар институтында филология фәннәре докторы, Казан университетының атказанган профессоры, Россия һәм Татарстанның атказанган фән эшлеклесе, галим Хатыйп Миңнегуловның 85 яшьлек юбилей кичәсе булды. Юбилярны котларга фән һәм мәдәният эшлеклеләре, шәкертләре, җитәкчеләр килгән иде.

Татарстан Республикасы Дәүләт сынлы сәнгать музее бакчасында сәнгать белгече, шагыйрә, Габдулла Тукай исемендәге Дәүләт премиясе лауреаты Розалина Шаһиеваны соңгы юлга озаттылар. Хушлашу мәрасимендә татар җәмәгатьчелеге, сәнгать әһеленең якыннары, аны хөрмәт иткән һәм белгән кешеләр катнашты.

Соңгы елларда полилингвизм һәм милли үзенчәлекне саклау көнүзәк мәсьәләләрнең берсенә әверелде. Татарстан дәүләт телләрен, шул исәптән, татар телен өйрәнүгә министрлык вәкилләре, җитәкчеләрнең карашы нинди? «Интертат» хәбәрчесе КФУда министрлык вәкилләренең татар телен өйрәнүләрен күзәтеп кайтты.

Кичә Тукай исемендәге Дәүләт премиясе лауреаты, сәнгать белгече, шагыйрә Розалина Шаһиева вафат булды. Татарстанның атказанган сәнгать эшлеклесе, шагыйрә, популяр җырлар авторы Сания Әхмәтҗанова Розалина Шаһиевага атап поэма язган булган, ләкин поэманы күрсәтергә өлгермәгән. Поэманы ул беренче тапкыр киң җәмәгатьчелеккә тәкъдим итте.

Татарлар Җир шарының төрле төбәкләрендә сибелеп яши, кая барсаң да татар кешесен очратасың, диюләре хак икән. Бик күп илләрдә яшәүче татарлар тормышы турында язган булды, ә менә Кытайда яшәүче татарлар тормышы турында үзе дә тумышы белән Кытайдан булган Филюра Акчурина сөйләде.

Апрель – Тукай айлыгы. Әлеге язма татар халкының бөек шагыйре Габдулла Тукайның Казанда яшәгән һәм булган биналары, урыннары турында. Шагыйребез кайда яшәргә, кайсы бакчаларда һава сулап йөрергә яраткан? Болар турында «Интертат»ка Татарстан Милли музее филиалы – Габдулла Тукай әдәби музее мөдире Гүзәл Төхвәтова сөйләде.

Салих Сәйдәшев музеенда 2024 елда Татарстан Республикасының Габдулла Тукай исемендәге Дәүләт премиясенә музыка һәм театр өлкәсендә кандидатлар эшләре турында ачык фикер алышу булды. Лаеклар күп, премия кемгә бирелер? Фикер алышу кичәсендә «Интертат» хәбәрчесе дә булып кайтты.

Урал елгасында кисәк су күтәрелү сәбәпле, Орск шәһәренең бер өлешен һәм якын-тирәдәге торак пунктларны су басты. 5 апрельдә башланган мәхшәр хәлләрдән милләттәшләребез дә зыян күрде. Йорты су астында калган Фәүзәнә Рәхмәтуллина Орскидагы вазгыятьне «ахырзаман» дип атый. «Интертат» Фәүзәнә ханым белән элемтәгә керде.

Бер гаиләдә төрле милләт һәм дин вәкиле булган кешеләргә карата төрле фикерләр бар. Ә бит бездә катнаш гаиләләр бер дә аз түгел. Теләче районы Казаклар авылында оештырылган «Җылы безнең гаилә учагы» бәйрәмендә шундый гаиләләрнең берсе – Илнур һәм Галина Вәлиуллиннар белән танышып кайттым.

Габдулла Тукай музеенда Тукай Дәүләт премиясенә әдәбият өлкәсендә булган кандидатларның иҗатлары турында фикер алышу булды. Иҗади очрашуда үз эшләрен балалар шагыйре һәм драматургы Рафис Корбан, язучы Ләис Зөлкарнәй, Россия балалар шагыйре, прозаик, тәрҗемәче, башкаручы автор Борис Вайнер тәкъдим итте.

Татарстан тарихы китаплар, фәнни мәкаләләр, иллюстрацияле җыентыклар, кинохроникада һәм архивта гына түгел, ә фотоларда да чагылыш таба. Тарихи мизгелләрне фотоларга төшереп калдырган, быел Тукай премиясенә кандидат булган Рамил Гали һәм Евгений Канаев «Интертат»ка премиягә карата фикерләрен, моң-зарларын сөйләде.

Габдулла Тукай исемендәге Татар дәүләт филармониясендә Татарстанның халык шагыйре, мәшһүр әдәбият эшлеклесе Равил Фәйзуллинның юбилей кичәсе булды. «Интертат» хәбәрчесе «Тагын килде язлар!..» дип аталган, югары дәрәҗәдәге камил музыка, шигърият һәм җыр кичәсендә булып кайтты.

«Татар журналисты» рубрикасында Татарстан журналистикасында үз эзен калдырган, тарихка кереп калган журналистлар белән әңгәмә циклын дәвам итәбез. Бу шәхесне күпләр «Канун. Парламент. Җәмгыять» тапшыруы алып баручысы буларак хәтерлидер. Телевидениедә чирек гасыр эшләгән Әнзия Ханнанова белән сөйләштек.