КФУның Филология һәм мәдәниятара багланышлар институтында күренекле тел белгече, Татарстан Республикасының атказанган фән эшлеклесе, филология фәннәре докторы, профессор Вахит Хаковның 100 еллык юбилее уңаеннан «Хаков укулары» Бөтенроссия фәнни-гамәли конференциясе узды.

Шәрык клубында шагыйрь, Бөтендөнья татар конгрессының Төбәкләрдәге массакүләм мәгълүмат чаралары белән эшләү бүлеге җитәкчесе Булат Ибраһимовның шигырь кичәсе узды. Шагыйрьнең иҗаты белән «Интертат» хәбәрчесе дә танышып кайтты.

Быел Казан беренче тапкыр «Мәдәниятләр диалогы: Россия – ислам дөньясы» масштаблы халыкара студентлар форумын кабул итә. Чара «Казан – ислам дөньясының мәдәни башкаласы – 2026» статусы кысаларында уза. Форумны тантаналы рәвештә ачу чарасы Галиәсгар Камал исемендәге татар дәүләт академия театрында узды.

Казанда Бөтенроссия татар журналистлары форумы тәмамланды. Форумның соңгы көнендә катнашучылар Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев белән очрашты.

IX Бөтенроссия татар журналистлары форумы кысаларында «Хәзерге татар журналистикасы» темасына түгәрәк өстәл оештырылды. Очрашуда төп спикер буларак «Татарстан – Яңа гасыр» телеканалының башкарма директоры һәм баш мөхәррире Лилия Кадыйрова чыгыш ясады. Ул милли тапшыруларның бүгенге көнге хәле турында сөйләде һәм сорауларга җавап бирде.

Узган ел төзекләндерүдән соң ачылган Салих Сәйдәшев музее яңа мәдәни программа тәкъдим итте. Музейның бинасы гына түгел, коллективы да яңарган. Биредә узачак чаралар турында тулырак «Интертат» язмасында.

Татарстан мөселманнары Диния нәзарәте рәисе, мөфти Камил хәзрәт Сәмигуллин «Татар-информ» мәгълүмат агентлыгында исламда һәм татарларда көрәшкә мөнәсәбәт хакында сөйләде.

10-11 октябрьдә Казанда беренче тапкыр танылган мөселман тренеры Айрат Кәлимуллин истәлегенә джиу-джитсу буенча TWWBJJ WORLD OPEN CHAMPIONSHIP 2026 дөнья чемпионаты узачак. Чемпионат джиу-джитсуның бразилия төре дөньясында иң масштаблы вакыйгаларның берсе булачак, ди оештыручылар. Бу хакта «Татар-информ»да матбугат очрашуында сөйләделәр.

Бүген ТР мөселманнары Диния нәзарәтенең «Зәкят» хәйрия фонды мохтаҗларга чираттагы гошер садакасын таратты. Биш тонна гошер Казанның 100 аз керемле һәм күпбалалы, балалары авыру, тулы булмаган гаиләләргә, ялгыз өлкәннәргә өләшенде.

Бөтендөнья татар конгрессы 2030 елгы җанисәп алдыннан Россия төбәкләрендә яшәүче татарларны берләштергән «Иж буе татарлары», «Зөя буе татарлары», «Нократ буе татарлары» фәнни-гамәли конференцияләр сериясен башлап җибәргән. Проект хакында тулырак «Татар-информ» мәгълүмат агентлыгында матбугат очрашуында сөйләделәр.

26 сентябрьдә Казанда «Туган авылым» милли комплексында «Татар чәе» ярминкәсе узачак. Кунакларны милли ашлар, татлы ризыклар, калмык һәм үлән чәе көтә. Программада – чәй өстәле сәнгате буенча остаханәләр, викториналар, бәйгеләр һәм тематик лекцияләр тәкъдим ителә. Бу хакта тулырак «Интертат» язмасында.

15 сенябрьдә татар театрына нигез салучыларның берсе – драматург, режиссер, актер Кәрим Тинчуринның тууына 139 ел тулды. Шул уңайдан татар театры әһелләре Архангел зиратында режиссер җирләнгән урынга җыелды. Истәлекле чарадан «Интертат» репортажы.

«Интертат» төрле өлкәләрдә яшәүче һәм татар телен, мәдәниятен алга этәрергә тырышкан милләттәшләребезнең тәҗрибәсе һәм фикерләрен тәкъдим итә.

Узган елның көзендә Питрәч районында төзекләндерүдән соң яңа гына ачылган мәчет янган иде. Бу җәйдә исә биредә яңа гыйбадәт йортына нигез салганнар, ул Ватанны саклаучылар хөрмәтенә төзеләчәк.