12 апрель көнне «Хәзинә» милли сәнгать галереясендә Тукай премиясенә дәгъва кылучы скульптор, рәссам һәм фотографлар арасында иҗатларын тәкъдим итү һәм кызу дискуссия булып үтте. «Интертат» хәбәрчесе, чарадан соң, Тукай премиясе, Кремль тыюлыгында туган хисләр һәм «сагыш» термины турында уйлана.

11 апрель көнне «Чулпан» мәдәният үзәгендә танылган җырчы, күпсанлы музыкаль бәйгеләр лауреаты Илзидә Госманның «Яратсаң» дип исемләнгән концерты үтте. КФУның Филология һәм мәдәниятара багланышлар институты студенты Зөлфия Шәвәлиева «Интертат» өчен концерттан репортаж тәкъдим итә.

Бәрәңге утыртырга өйрәтәбез, дисәң, авыл кешесе моңа берникадәр сәерсенеп карар. Әмма Татарстан авыл хуҗалыгы фәнни-тикшеренү институтының Бәрәңге үстерү үзәге баш белгече Фәния Җамалиева билгеләвенчә, һәр эшнең тәртибе булган кебек, бәрәңге үстерүнең дә үз серләре бар.

Салих Сәйдәшев музеенда 2024 елда Татарстан Республикасының Габдулла Тукай исемендәге Дәүләт премиясенә музыка һәм театр өлкәсендә кандидатлар эшләре турында ачык фикер алышу булды. Лаеклар күп, премия кемгә бирелер? Фикер алышу кичәсендә «Интертат» хәбәрчесе дә булып кайтты.

Быелгы язгы ташу башка елгылардан да көчлерәк булды кебек. Россиянең башка төбәкләрендә генә түгел, Татарстан районнарында да кар сулары, ярларыннан чыгып ташыган елгалар халыкны бер яктан куркуга калдырса, икенче яктан табигать күренеше белән сокландырды. Халык социаль челтәрләрдә язгы ташу, боз китү күренешләре белән бүлешә.

Филология фәннәре докторы, Галимҗан Ибраһимов исем. Тел, әдәбият һәм сәнгать институтының өлкән фәнни хезмәткәре Ләйсән Нәдершина Тукай премиясенә кандидат Ләис Зөлкарнәй иҗатына карата фикере белән уртаклаша.

45 ел буе ракеталар проектлаучы булып эшләгән Миңнетаһир Байбеков бергә эшләгән хезмәттәшләрен искә ала. Аның Салихҗан абыйсы Юрий Гагарин белән бергә Оренбург очучылар училищесын тәмамлаган, бер эскадрильядә, бер звенода хезмәт иткән. Салихҗан Байбеков Гагаринның аны ничек кунак итүен сөйләгән.

Россия үз-үзенә кул салучылар саны буенча 10 лидер ил арасына керә. Үз-үзләренә кул салу омтылышы ясаган кешеләр «Афиша Daily» сайтына бу адымга нәрсә этәрүе һәм аннан соң үз тормышларын ничек төзүләре турында сөйләгән.

Казан шәһәренең Идел буе районында урнашкан «Гадел» мәчете 2000 елда ачылды. Быел бирегә Ураза гаете намазына килүчеләр саны 800 кеше тәшкил итте. Аларның 400-450се иман йортының 1 һәм 2 катында гыйбадәт кылса, калганнары исә ихатада вәгазь тыңлады, намаз укыды. Мәчет каршында эшләүче мәдрәсә дә янәшәдәге бинада урнашкан.

Авыр вакыйгалар турында «язмыш сынавыдыр» дип әйтергә яратсак та, кайвакыт, нигә соң кайбер кешеләрнең өлешенә аеруча нык тия, дип уйлап куясың. Инде 6 ел урын өстендә ятып, улларының үскәнен күрә алмаган Резидә Әүхәдиевага да, аны сабый баладай тәрбияләүче әти-әнисенә дә Ходай авырлыкларны өеп биргән...

Аксубай районыннан Илшат Хәмидрәхимов балачактан ук хәрби булырга хыяллана. Үзсүзлелеге һәм ихтыяр көче ярдәмендә ул үз хыялын тормышка ашырган. Ул Ерак Көнчыгышта, Сүриядә хезмәт итә. Махсус операциядә катнаша, үлеменнән соң «Батырлык» ордены белән бүләкләнә.

Урал елгасында кисәк су күтәрелү сәбәпле, Орск шәһәренең бер өлешен һәм якын-тирәдәге торак пунктларны су басты. 5 апрельдә башланган мәхшәр хәлләрдән милләттәшләребез дә зыян күрде. Йорты су астында калган Фәүзәнә Рәхмәтуллина Орскидагы вазгыятьне «ахырзаман» дип атый. «Интертат» Фәүзәнә ханым белән элемтәгә керде.

2024 елда ТР Мәдәният министрлыгы 10 фильм төшерү өчен 8 млн сум акча бирергә планлаштыра. Тематик планда төрле жанрлар – документаль, нәфис, анимацион фильмнар каралган. Фильм проектлары өчен биреләчәк субсидияләргә коммерцияле булмаган оешмалар дәгъва итә ала. Питчингта тәкъдим ителгән проектларны хәбәрчебез дә күзәтте.

Кичә, 7 апрельдә, сәгать кичке 9 тулып киткәч, Йошкар Ола – Казан юлында коточкыч һәлакәт килеп чыга. Авариядә 3 кешенең гомере өзелә, шуларның икесе – Яшел Үзән администрациясе хезмәткәрләре: Яшел Үзән районы башлыгы ярдәмчесе Дамир Низамов һәм район администрациясенең Кулланучылар базары бүлеге җитәкчесе урынбасары Виталий Агачев.

4 апрель көнне Казанның «Сәйдәш» мәдәният үзәгендә «Татар сүзе» дүртенче Халыкара нәфис сүз телевизион бәйгесенең Гала-концерты узды. Бәйгедә булган яңалыклар, кызыклы алымнар һәм быелгы үзенчәлекләр турында КФУның Филология һәм мәдәниятара багланышлар институты студенты Зөлфия Шәвәлиева «Интертат» өчен репортаж әзерләде.

Бер гаиләдә төрле милләт һәм дин вәкиле булган кешеләргә карата төрле фикерләр бар. Ә бит бездә катнаш гаиләләр бер дә аз түгел. Теләче районы Казаклар авылында оештырылган «Җылы безнең гаилә учагы» бәйрәмендә шундый гаиләләрнең берсе – Илнур һәм Галина Вәлиуллиннар белән танышып кайттым.

Быел кышын «Ханума» кафесы тирәсендәге ызгыш-талаш бер кубып алган иде. Хәзер исә бу мәсьәлә кабат күтәрелде. Фәрхәт Ибраевның кызы һәм хатыны мирас бүлә. Тарткалашу барган арада мираска дәгъва кылучы тагын бер варис пәйда булган.

Тинчурин театры «Флешка, рэп һәм мәхәббәт» дип аталган хип-хопера жанрында спектакль чыгарды. Премьераның беренче көнендә үк булмаса да, хәбәрчебез спектакльне карап кайтты.

Әлмәттән Динар Кадыйровны взвод командиры итеп билгелиләр. Ул Президент Указы белән «Батырлык» ордены белән бүләкләнә.

Салават Фәтхетдиновның дәвамчысы дип атарлык, 40 яшьтә кабат сәхнәгә кайткан Альберт Вәлиуллин Казан тамашачысына тәүге концертын тәкъдим итте. Бер ел эчендә зал җыя алган җырчылар сирәк буладыр ул. Тагын кем шулай җыйды икән? «Интертат» концерттан репортаж тәкъдим итә.

Габдулла Тукай музеенда Тукай Дәүләт премиясенә әдәбият өлкәсендә булган кандидатларның иҗатлары турында фикер алышу булды. Иҗади очрашуда үз эшләрен балалар шагыйре һәм драматургы Рафис Корбан, язучы Ләис Зөлкарнәй, Россия балалар шагыйре, прозаик, тәрҗемәче, башкаручы автор Борис Вайнер тәкъдим итте.