Мәдәни күзәтчебез Рузилә Мөхәммәтова Чаллы театрында килеп туган «аталар белән балалар» каршылыгын өйрәнеп, әлеге проблемага киңрәк карарга чакыра.

Гөлнара Сабирова – «Ватаным Татарстан» газетасы тарихында беренче хатын-кыз баш мөхәррир. Ул соңгы вакыйгалар басма матбугатның ролен күрсәтүенә ышана. Баш мөхәррир бүгенге журналистика турында: «Иртән булган яңалык инде ул көндез беркемгә дә кызыклы түгел», – дип белдерде.

Нигер президенты фетнәчеләр тарафыннан хакимияттән алынганнан соң, илдә конституция тәртибен торгызуда ярдәм сорап, Америка Кушма Штатларына мөрәҗәгать иткән. Берничә күрше ил берләшеп, Нигерга 25 меңлек гаскәр кертергә мөмкин.

Кайберәүләр аларны витамин шикелле итеп кенә сатып ала. Башкалар табиб билгеләгән чакта да кабул итүдән баш тарта. Сүзебез таблеткадагы контрацептивлар турында. Аларны күпме вакыт кабул итәргә мөмкин, могҗизалы дарулар акне һәм репродуктив проблемалар булганда ярдәм итә аламы — «Казанские ведомости»да Динара Прокопьеваның язмасында шул хакта.

Санкт-Петербургта Мария театры биючесе Ильмира Баһаветдинова – дөньяда пуанте (балет туфлиләре) белән рәсем ясый торган бердәнбер балерина. Ул, Фин култыгында боз өстендә «Аккош күле» балетыннан бию башкарып, бөтен дөньяга танылды. Аның әтисе – күренекле биюче. «Әти Казан театры аны алып калмаганга үпкәләгәндер дә, бәлки», – дип сөйләде Ильмира.