Казанда Татарстанның халык артисты Салават Фәтхетдиновның концертлары гөрли. Августның яртысы аныкы, концертка көн саен яшь җырчылар килә, остазларына бүләкләр тапшыра.
Бу юлы да сәхнәгә ИлСаф, Ришат Төхвәтуллин, Рафил Җәләлилов, Рифат Зарипов менде. Алар «сәхнә хуҗасы» белән кочаклашып күреште, аннары Рифат Зарипов микрофонны алды.
«Менә Салават абыйның концертын карап утырабыз. ИлСаф абый бәлеш алып килгән, Ришат үзенең бүләген бирде, Рафилнең хәләл җефете чәчәк тапшырды. Минем чәчәк тә, чана да юк, үземне күрсәтергә мендем», – диде остазына карап Рифат Зарипов.
«Чана да, чама да юк дигән бул», – диде Салават Фәтхетдинов кеткелдәп көлеп.