Рәмзия Галимова июнь аенда татар һәм рус «Идел» журналларына баш мөхәррир итеп билгеләнде. «Интертат» сайтының «ВКонтакте» төркемендә туры эфирда уза торган «Әйтер сүз» рубрикасында баш мөхәррир белән туры эфирда әңгәмәнең кайбер өлешен сезгә дә тәкъдим итәбез.

22 июнь көнне Арча районы Ташкичү авылында «Сөлгеле капка» ачык фольклор фестивале узды. Төрле төбәкләрдән 84 коллектив килгән фестивальдән репортажны «Интертат» укучыларына да тәкъдим итәбез.

Чаллыда яшәүче Рәисә Хөсәенова җәйге каникулларын Оренбург өлкәсендә кул эшләре белән шөгыльләнүче әбисе янында үткәрә торган була. Анда барлык кызлар өйдә утырып, шәл бәйлиләр. Рәисә 7 яшендә бәйли башлый.

Урлау – бүгенге көн өчен гадәти, адым саен күзәтеп була торган күренешкә әйләнде. «Бәлки, күрмәсләр, белмәсләр» дип, кешеләр җинаять кыла. Каракны ахирәт көнендә нәрсә көтә соң? Балаң карак булса, нишләргә? Олы гөнаһларның берсе – урлашу турында Казанның Вахитов һәм Идел буе районнары имам-мөхтәсибе Йосыф хәзрәт Дәүләтшин «Интертат»ка сөйләде.

«Татар журналисты» сәхифәсендә татар матбугаты тарихында үз эзен калдырган журналистлар белән таныштыруны дәвам итәбез. Чираттагы героебыз: интернетта беренче булып рәсми рәвештә эшли башлаган татар матбугат чарасын – «Интертат» Республика электрон газетасын озак еллар җитәкләгән Әлфия Туфан кызы Миңнуллина.

Ортопед Мөнир Касыймов сколиозның кемнәрдә күбрәк очравы, аяк формалашканда аяк киеменең ни дәрәҗәдә мөһим булуы һәм арка авыртканда массажның нәтиҗәле булып-булмавы турында сөйләде.

Суга батучыны коткарырга җыенган кешенең максаты – батучыны коткару гына түгел, үзенең батып үлү курынычын да булдырмау.

«Shanu» – этно-джаз юнәлешендә иҗат итүче, төрле мәдәниятләрне берләштергән чуваш төркеме. Казанда бу юнәлеш әле үсеп кенә килә. Moscow Jazz Festival джаз фестивалендә төркем югары бәя алып өлгерде. «Интертат» чуваш, татар, болгар, чегән телләрендә чыгыш ясаган уникаль төркемнең җитәкчесе Вера Кожеманова белән сөйләште.

Татарстан Росреестрында 2023 елның беренче яртыеллыгына йомгак ясадылар. Ведомство мәгълүматлары буенча, төбәктә хисап-теркәү эшчәнлегенең тотрыклы уңай динамикасы күзәтелә, шул ук вакытта ул 2022 ел күрсәткечләреннән күпкә артыграк.

Корылык булгач, печән дә былтыргы сусыл үлән түгел. Кыяклап җыярлык кына. Шуңа бәясе дә тиенләп җыярлык. Быел бер төргәк печәннең бәясе 2000 сумнан да артып киткән. Сөтне әле дә 20 (аннан азрак та булырга мөмкин) сумнан алалар. Авыл халкы, фермерлар бу саннар турында ни уйлый?

Чаллы егете Айрат Гайнетдинов махсус хәрби операциядә һәлак була. 1 елга якын вакыт үтсә дә, әтисе Миңнедөлфәт Гайнетдинов бүген дә баласын юксына.

Кибет сакчысында шик тудырган хатын-кыз сумкасын ачып күрсәтүдән баш тарткан һәм аңа кул күтәргән. Бу очракны карауларын сорап, пенсионер хатын газетага мөрәҗәгать иткән.

Сергач районы Шөбиле (Шубино) авылы фермеры Фаил Арифуллин белән Түбән Новгородның I Идел буе Сабан туенда таныштык. Ул иптәшләре белән көрәш карарга килгән. Яңгырдан зонтик астында качып, аның эшчәнлеге турында сөйләштек.

Кеше җиде буын бабасын белергә тиеш, диләр. Үз нәсел шәҗәрәңне белү һәм төзү нәрсәгә кирәк? «Интертат» хәбәрчесе рәссам, каллиграф, Тукай премиясе иясе, Татарстанның атказанган сәнгать эшлеклесе Нәҗип Нәккаш белән шәҗәрә төзү турында сөйләште.

Республикабыз югары уку йортларында уку студентларга елына күпмегә төшә? Кайсы белгечлекләр популяр, кайсылары арзан – язма шул хакта.

Чүпрәле районы Иске Кәкерле авылында Җәләлетдиновлар гаиләсе 10 елга якын җиләк үстерү белән шөгыльләнә. Пекарня бизнесы белән килеп чыкмаса да, бүгенге көндә җиләк җыю – аларның яраткан табышлы эшләре.

Бу көннәрдә Гөлназ һәм Илсур Шәрипҗановларның «Зәңгәр күктә» исемле яңа җырларына төшерелгән промоклибы чыкты. Бик күп негатив җыелган видеода Гөлназны сүктеләр. Комментарийларда җырчы Фирдүс Тямаев та үз фикерен җиткергән иде. Болар хакында иренең нәрсә уйлаганын белергә теләп, «Интертат» Илсур Шәрипҗанов белән әңгәмә корды.

«Казан Экспо»да узган «Бөтенроссия Кыр көне»ндә Россиянең иң яхшы сыерын сайладылар. Беренче өч урынны да Татарстан сыерлары яулады. Голштин токымлы сыерлар арасындагы матурлык бәйгесендә «Интертат» хәбәрчесе булып кайтты.

Чаллыдагы Монтессори балалар үзәгендә кызамык инфекциясе ачыкланган. 8 кеше авырый – балалар да, өлкәннәр дә. «Челнинские известия» вазгыятьнең ни дәрәҗәдә куркыныч булуын ачыклаган.

Апанай мәдрәсәсендә дин әһелләре һәм татар җәмәгатьчелеге милләт язмышы, татар телен саклау һәм диннең роле турында фикер алышты. Фәнни җыенда яңгыраган төп фикерләрне «Интертат» укучыларына да тәкъдим итәбез.

Татарстан Рәисе Рөстәм Миңнехановның әйткән кайбер фразалары социаль челтәрләрдә канатлы гыйбарәләргә әйләнә. «Интертат» аның популяр фразаларының кайда нинди уңайдан әйтелгәнен аңлата.

4 көн элек отпускта Эгей диңгезе яр буенда төрек егетләренең суга сикергәнен карап торган булсам, кичә Чулпан күле яры буенда татар егетләре һәм ир-атларының суга чумганын, йөзгәнен, чупырдаганын карадым. Бу – 45нче «Фәйзуллин йөзүләре» иде.

«Интертат» хәбәрчесе Курган өлкәсе Эчкен авылында никах туенда булды. Янган авыл, фундаменты гына булган йортка килен төшерү, «тугыз айдан тагын киләм» һәм татар халык йолалары турында – әлеге язмада.

Полицейскийларның Мәскәү өлкәсендәге Котельники шәһәрендә мөселманнарның намаз бүлмәләрендә рейд уздыруы, 2 атна рәттән җомга намазын укырга комачау итүләре Россия мөселман җәмәгатьчелегендә зур ризасызлык уятты. «Интертат» хәбәрчесе әлеге хәлне өйрәнде.

Бер көнне сеңелем шаккатып сөйли: «Сыйныфташым дәү әни булган. Күз алдыңа китерәсеңме? Дәү әни! Кайберәүләрнең әле әни дә булганнары юк», – ди бу. Ышанмадым, 88-89нчы елгы балаларга дәү әни булырга иртәрәк бит. 16 яшендә – әни, 33 яшендә дәү әни булган хатын белән «Интертат» хәбәрчесе аралашты.

Татар кызының кореячә сөйләшүен, телне үзлектән өйрәнүен һәм хәтта Сеулда укып кайтуын белгәч, бу турыда сорашмыйча булдыра алмадым. Һәм кызыклы гына түгел, шаккаткыч хәлләр турында да ишеттем. Ләйсән Гарәфетдинова белән әңгәмәне сезгә дә тәкъдим итәм.

Самараның татар зыялылары, Казан тарихчылары белән очрашып, милләтнең бүгенге хәле, киләчәге турында фикер алышты. Очрашуда катнашкан «Интертат» хәбәрчесе шул фикерләр белән таныштыра.

Казанда яшәүче Дмитрий берничә ел героин кулланган. 2 тапкыр төрмәдә утырган. Көннәрнең берендә ризык алырга да акчасыз хәлдә ялгыз калган. Хәзер ул – күп балалы әти, эшмәкәр, хөрмәтле кеше. Үз үрнәге белән ул бәйлелеге булган башка кешеләргә һәркемнең нормаль тормыш алып бару мөмкинлеге барлыгын күрсәтергә тырыша.