11 март көнне Габдулла Тукай исемендәге Татар дәүләт филармониясе сәхнәсендә легендар җырчы, Татарстанның халык артисты Флюра Сөләймановага багышланган искә алу кичәсе булып узды. КФУның Филология һәм мәдәниятара багланышлар институты студенты Зөлфия Шәвәлиева «Әниемә» дип аталган концерттан репортаж әзерләде.

Кукмара районыннан Алексей Айдак хәрби биремне үтәгәндә берничә хезмәттәшен коткара: хәрбиләрнең берсен ул куркынычсыз урынга этеп чыгарырга өлгерә, ә икенчесен үз гәүдәсе белән каплый. Алексей «Батырлык» ордены белән бүләкләнә. Оныгы турында аны тәрбияләгән әбисе сөйләде.

Әнгам Атнабаевның 91 яшьлек бертуган энесе Мәгъдән Атнабаев Югары Тәтешледә абыйсына һәйкәл ачылышында халык алдында уңайсыз хәлдә калган. Ул Башкортстан түрәләре өчен татар язучыларыннан гафу үтенә. Ни өчен шундый хәл килеп чыккан? «Интертат» материалында.

Татарстанның атказанган сәнгать эшлеклесе, язучылар берлеге әгъзасы, рәссам һәм шагыйрь Хәмит Латыйпов «Интертат»ка профессиональ сәнгатькә килү юлында кичергән үкенечләре, балачак хатирәләре, ятимлек, Татарстанның бүгенге көн декоратив һәм сынлы сәнгатенең хәл-торышы турындагы борчулары, туган тел хакындагы уйланулары турында сөйләде.

Көрәш буенча 2024 елгы Татарстан чемпионнары билгеле. Шулай да тыныч кына барган ярышның бер финал алышында гауга чыгып алды. Сәбәпчеләрнең һәм корбаннарның берсе – Раил Нургалиев. «Интертат» хәбәрчесе легендар Нургалиевның рекорд куя алмавы һәм гомумән 2024 елгы Татарстан чемпионнары турында бәян итә.

15-17 мартта Россия Президенты сайлаулары көтелә. «Интертат» кандидатларны барлап чыкты.

Үзенә 37, кече кызына нибары 5 яшь булганда «рак» диагнозы куелган, авыруга каршы көрәшкән һәм аны җиңгән Чаллы хастаханәсе гинекологы тарихы - «Татар-информ» материалында.

Татарстан Милли музее филиалы – Шәриф Камал музеенда «Хәзерге мәдәни һәм фәнни институцияләрдә Шәриф Камал мирасын актуальләштерү» темасына түгәрәк өстәл узды. Җәмәгатьчелек язучы мирасын хәзерге заман шартларында кызыклы итү турында фәнни фикер алышты. «Интертат» утырышта яңгыраган фикерләрне тәкъдим итә.

Балтач районында яшәүче 54 яшьлек чирек гасыр агроном булып эшләгән, беркайчан да хәрби хезмәт белән шөгыльләнмәгән, әмма махсус операциянең беренче көннәреннән үк Ватанны якларга теләгән белдергән агроном Саклану министрлыгы белән контракт төзеп, хәрби әзерлек узган. «Татар-информ» аның үзе һәм хатыны белән аралашты.

Кәрим Тинчурин исемендәге Татар дәүләт драма һәм комедия театры сәхнәсендә Актаныш муниципаль драма һәм комедия театры легендар җырчы Әлфия Авзалова истәлегенә багышланган «Кайтыр өчен китәм» спектаклен тәкъдим итте. КФУның Филология һәм мәдәниятара багланышлар институты студенты Зөлфия Шәвәлиева «Интертат» өчен репортаж әзерләде.

8 март көнне Әтнә театры тамашачысына музыкаль комедия бүләк итте. Тамашачы аншлаг белән премьера карады. Беренче тамашачылар арасында безнең хәбәрчебез дә бар иде.

Язучы, журналист һәм тәрҗемәче Әхмәтгәрәй Хәсәнинең исемен Татарстанда мәңгеләштерү мәсьәләсен күтәргән идек. Бу турыда Мәдәният министрлыгына һәм Мәдәни мирас объектларын саклау комитетларына мөрәҗәгать иттек. «Интертат» алган җаваплар шундый - төрле ведомстволар җаваплылыкны берсеннән-берсенә ыргытып кына утыра.

Иртәнге 6да Казаннан Кукмарага таба эшмәкәрләр белән шыплап тулган 4 автобус кузгалды. XII Бөтенроссия татар авыллары эшмәкәрләре җыенында катнашучылар көне буе Кукмара районы авыллары тормышы белән танышты. «Интертат» журналисты да алар белән булды.

«Дуп итә йөрәк» дип аталган өр-яңа концерт программасы белән Фирдүс Тямаев УНИКСны 10 көн рәттән дөбердәтә. Татарстанның атказанган артисты быел 12нче концерт сезонын тәкъдим итә. Шушы тамашаның бер көненнән КФУ студенты Илзирә Хәйруллинаның «Интертат» өчен репортажы.

Бүген язның иң күркәм бәйрәме – Халыкара хатын-кызлар көне. 8 Март ул, беренче чиратта, якын кешеләребез – әниләребезне кадерли, аларга яратуыбызны белдерә торган бәйрәм дә. Шул уңайдан «Интертат» татар эстрадасындагы популяр җырчыларның әниләре белән сөйләште.

Башкортстанда Караидел елгасында Актаныш районы Тыңламас авылы егете Айдар Гикрамин батып үлгән. «Шушы арада гына, 3-4 көн эчендә кабат хәрби операциягә китәргә тиеш иде, госпитальдән учеттан да төшкән иде. Аңа частькә килеп җитәргә 4 көн вакыт бирделәр», – дип, «Интертат» хәбәрчесенә аның тормыш иптәше Лилия сөйләде.

1 мартта Югары Тәтешледә Әнгам Атнабаевка һәйкәл ачылды. Тантаналы чарада катнашкан «Интертат» хәбәрчесе татарларны башкортлаштыру сәясәте мисалын күреп кайтты.

Февраль ае җитү белән, һәвәскәр бакчачылар үсентеләр утыртырга әзерләнә башлый. Кайбыч районы Кошман авылында бакча эшен яратып башкаручы ирле-хатынлы Миләүшә һәм Илдар Насретдиновларда кунакта булдым. Алар үсентеләрне утырту алымнары турында «Интертат»ка сөйләделәр. Шулай ук, туя агачын үстерү серләрен дә чиштеләр.

«Бала алу – чир белән бер, вирус белән бер ул! Бер алсаң, аласың да аласың, күңел кытыкланып тик тора» – Актанышның Киров авылыннан Мәрьям апа Рәшитова сүзләре бу. Үзенең 3 баласыннан кала ятим 10 балага әни кочагын ачкан, «улым, кызым» дип дәшкәнне ишетүдән мәхрүм итмәгән олы йөрәкле ханым.