Яулык ябып йөрмәгән хатын-кызлар җәннәткә керәме?

Казанның «Гаилә» мәчете имам-хатыйбы Рөстәм хәзрәт Хәйруллин яулык япмаучы хатын-кызлар турында аңлатты. Аннан «Яулык ябып йөрмәгән хатын-кызлар җәннәткә керәме?» дип сораганнар.

«Гаурәт дигән төшенчә бар. Хатын-кызларның билгеле бер урыннардан кала, башка урыннары чит ир-атлардан яшерелгән булырга тиеш. Бары тик йөзе, кул чуклары һәм тубыкларына кадәр аяк бармакларыннан кала. Калган урыннар чит ир-атлар алдында ябык булырга тиеш.

Гәүдәнең ачык өлешләрен күрсәтү исламда гөнаһ санала. Ягъни хатын-кыз әлегә кадәр яулык ябып йөрми икән, көн саен ир-атлар караган саен, инстаграм, тик-ток яки башкалар аша да, тереләй дә, аңа көн саен гөнаһ языла.

Без кешенең җәннәткә керәме, кермиме икәнен хәл итә алмыйбыз. Моны Аллаһ кына хәл итә.

Ләкин гаурәтне капламау гөнаһ диелгән. 

Хәзер матур яулыклар бик күп. Безнең мәчеткә килегез, яуылк бәйләргә өйрәтербез. Сез аны киеп йөрергә дә оялмассыз», — ди хәзрәт.

Рөстәм хәзрәт Хәйруллин түбәндәге сорауларга да җавап биргән иде:

• Кияүгә чыккач, иреңнең әти-әнисенә ничек эндәшергә?
• Әҗәтне кайтара алмасаң, нишләргә?
• Яулык бәйләгән кызларга бизәнергә ярыймы?
• Ирең синең турыда кайнанаңа зарланса, нишләргә?
• Ир-атны гаиләсеннән тартып алып, үзеңә каратырга ярыймы?
• Бассейнда йөзгәндә мөселман ирләренең киеме нинди булырга тиеш?
• Мәчеттә никах уздырганда чәчәк алып килергә ярыймы?
• Авырлы хатын ураза тотарга тиешме?
• Мунчада мәхәббәт белән шөгыльләнергә ярыймы?
• Күрем вакытында ураза тотмаган өчен акча бирергәме?
• Хатын-кызларга мал чалырга ярыймы?
• Догалар нигә кабул булмый?
• Үлгән туганнар төшкә керсә, нишләргә?
• Ясалма тырнак, татуировка ясау гөнаһмы?
• Гаиләсен ташлап китеп, баласына ярдәм итмәүче ир-ат гөнаһлымы?
• Яңа ел бәйрәмен уздыру гөнаһмы?
• Идәнне кайсы почмактан юа башларга һәм сихер тапканда нинди дога укырга?
• Йоклаганда ишеккә таба сузылып ятарга ярыймы?
• Мөселманнарга чуртан һәм җәен балыгын ашарга ярыймы?
• Тәрбияле ана нинди була?
• Ясалма керфекләр һәм ясатылган кашлар булган килеш намаз укырга ярыймы?
• Начар төш күреп интеккәндә нишләргә?
• Мөселманнар Яңа ел төнендә нишләргә тиеш?
• Песиләрне кастрацияләү дини яктан рөхсәт ителәме?
• Ислам динендә йөкле хатыннарга чәч кистерү рөхсәт ителәме?
• Кояш баткач тырнак кисәргә ярыймы?
• Акча өчен кан тапшырырга ярыймы?
• Хәрам акчаны изге эшкә кулланырга ярыймы?
• Караватта кайсы якка карап ятарга, бәдрәфтә кайсы якка карап утырырга ярамый?
• Аяк киемен кайсы аяктан кия башларга, кайсысын беренче салырга?