Үлгән туганнар төшкә керсә, нишләргә?
«Исән кешеләр мәрхүмнәргә ярдәм итә ала, ә мәрхүмнәр исәннәргә ярдәм итә алмый», — ди Рөстәм хәзрәт Хәйруллин.
![Үлгән туганнар төшкә керсә, нишләргә?](https://intertat.tatar/resize/shd/images/uploads/news/2020/10/8/e62b5fa7e5b070681914ff8a417c632268fcdc43403ef45eb1b844a0fb7b.jpg)
Казанның «Гаилә» мәчете имам-хатыйбы Рөстәм хәзрәт Хәйруллин мәрхүм туганнар төшкә керсә, дога кылырга һәм сәдака бирергә куша. Бу турыда ул инстаграмдагы сәхифәсендә сөйли.
Хәзрәт төшләрнең Аллаһтан һәм шайтаннан булуын да искәртә. «Әгәр төштә мәрхүм туганнарыбызны, танышларыбызны күрсәк, без алар өчен дога кылырга тиеш. Мөмкинлек булган очракта, сәдака бирергә, мохтаҗларны ашатырга, берәр мәҗлес уздырырга кирәк», — ди ул.
«Без үлгән кешеләрне онытмасын өчен, шундый искәртү ул. Кеше бу дөньядан киткәч, үзенә берничек тә ярдәм итә алмый. Без, бу дөньяда калган кешеләр, мәрхүм әти-әниләребезгә, туганнарыбызга булыша алабыз. Моның өчен бу дөньяда изге эшләр эшләргә кирәк», — ди хәзрәт.
Рөстәм хәзрәттән «Сезнең мәдрәсә төзелешенә әнием исеменнән ярдәм итә аламмы?» — дип сорыйлар икән. «Әлбәттә, җәмәгать, мәрхүм туганнар исеменнән дә ярдәм ясарга була. Без аларга шулай ярдәм итә алабыз», — ди хәзрәт.
«Без аларны төштә күрсәк, димәк, алар бездән ярдәм көтә. Исән кешеләр мәрхүмнәргә ярдәм итә ала, ә мәрхүмнәр исәннәргә ярдәм итә алмый», — ди Рөстәм хәзрәт Хәйруллин.
Рөстәм хәзрәт Хәйруллин түбәндәге сорауларга да җавап биргән иде:
- Яулык бәйләгән кызларга бизәнергә ярыймы?
- Ирең синең турыда кайнанаңа зарланса, нишләргә?
- Ир-атны гаиләсеннән тартып алып, үзеңә каратырга ярыймы?
- Бассейнда йөзгәндә мөселман ирләренең киеме нинди булырга тиеш?
- Мәчеттә никах уздырганда чәчәк алып килергә ярыймы?
- Авырлы хатын ураза тотарга тиешме?
- Мунчада мәхәббәт белән шөгыльләнергә ярыймы?
- Күрем вакытында ураза тотмаган өчен акча бирергәме?
- Хатын-кызларга мал чалырга ярыймы?