Яулык бәйләгән кызларга бизәнергә ярыймы?

Дин кагыйдәләре буенча, яулыклы кызлар бизәнгән килеш чит ир-атларга күренергә тиеш түгел.

Казанның «Гаилә» мәчете имам-хатыйбы Рөстәм хәзрәт Хәйруллин Телеграм социаль челтәрендә яулык бәйләгән мөселман хатын-кызларына бизәнеп йөрү турында сорауга җавап бирде.

«Яулыклы йөргән килеш бизәнеп йөрергә ярыймы?» — дип сорыйлар хәзрәттән.

«Чит ирләр янында ярамый, гөнаһ», — дип яза дин белгече.

Билгеле бер очракта мөселман хатыны өйдә яулыгын салып та йөри ала. «Өйдә чит кеше булмаса, ир һәм балалар алдында яулыксыз йөрергә ярыймы?» — дигән сорауга Рөстәм хәзрәт: «Ярый», - дип җавап биргән.