Татар дәүләт филармониясендә Россиянең атказанган, Татарстанның халык артисты, Тукай премиясе лауреаты, Татар дәүләт филармониясе һәм Татарстан Республикасы Фольклор музыкасы дәүләт ансамбленең сәнгать җитәкчесе Айдар Фәйзрахмановның туган көне уңаеннан «Утырып уйлар уйладым...» дигән концерт тамашасы булды.

Бүген Милли китапханәдә «Татмедиа» Республика матбугат һәм массакүләм коммуникацияләр агентлыгы коллегиясе узды. Быел Татарстанда булачак зур чаралар журналистлар алдына зур бурычлар куя һәм җаваплылык өсти, чөнки фейк һәм дөрес булмаган мәгълүмат тарату очраклары булачак. Җитәкчеләр журналистлардан ни көтә?

Без, кайвакыт, сау-сәламәт булуыбызның кадерен тиешенчә белеп бетермибез кебек. Үз аякларыбыз белән урам буйлап атлап, барасы килгән җиребезгә барып кайтуның нинди зур бәхет икәнлеген Гөлнур Яхшыдәүләтова урынында бер генә көн яшәп карасак та аңлый башлар идек. Ул «Интертат»ка үзенең язмышын сөйләде.

Быел ана капиталы һәм картлык буенча пенсия артты, балалы гаиләләргә һәм йөклелек өчен бирелә торган пособиеләр күләме дә үзгәрә. Моннан тыш, «больничный» өчен яңа максималь суммалар билгеләнде. Социаль ярдәм буенча тагын нинди үзгәрешләр көтелә? Бу хакта ТР буенча социаль Фонд бүлекчәсе коллегиясе утырышында сөйләштеләр.

Тинчурин театры «Җан Баевич» спектаклен чыгарды. Театр аны «Пушкин картасы» белән мәктәп укучыларына күрсәтү максатын күздә тотып куйган. Режиссер Илнур Гарифуллин сәхнәләштергән спектакльдән Рузилә Мөхәммәтова язмасы.

2026 елда Чаллының 400 еллыгы бәйрәм ителәчәк, дигән хәбәр тарихчыларда ризасызлык уятты. Алар фикеренчә, шәһәрнең тарихы күпкә борынгырак. Төбәк тарихын өйрәнүче Ленар Мифтахныкы, Чаллының яшен кыскарту – татарның борынгы тарихын сызып ату өчен эшләнә, дип исәпли. «Интертат» хәбәрчесе Чаллының 400 еллыгына карата тарихчыларның фикерен барлады.

Штурм вакытында сапер Руслан Фәләхетдинов яралана, әмма хәрби бурычларны үтәвен дәвам итә. Икенче снаряд шартлагач, һәлак була. РФ Президенты Владимир Путин Указы белән, сапер, үлгәннән соң, Батырлык ордены белән бүләкләнә. Аның әтисе улы янына алгы сызыкка баруы турында сөйләде.

Казанның «Уникс» концертлар залында Татарстанның атказанган, Башкортстанның халык артисты Әнвәр Нургалиевның юбилей концертлары уза. 30 гыйнвар көнне 5нче юбилей концертын КФУның Филология һәм мәдәниятара багланышлар институты студенты Зөлфия Шәвәлиева да карап кайтты. «Интертат» чарадан репортаж тәкъдим итә.

«Татар-информ» редакциясенең декрет ялындагы ханымнары декреттагы әниләр тормышы, вакытны дөрес бүлү, бала тәрбияләү, гаилә кыйммәтләре турында сөйләде.

Матурлык бәйгесе финалының бер этабы – купальниктан дефиле. Ел саен «Мисс Татарстан» бәйгесеннән соң татар җәмәгатьчелеге бер шаулап ала. Быел 14 яшьлек кыз баланың ярымшәрә кыяфәттә сәхнәдә йөрүе күпләрне гаҗәпкә салды. «Интертат» бәхәс куптарган мәсьәлә турында конкурс дирекциясе, җиңүче кызның әти-әнисе, башкалар белән сөйләште.

Бу концерт күпләр өчен көтеп алынган моңлы кичә булды. 3 сәгать дәвамында без яратып өлгергән җырлар, күңелләрне тынычландыра, кайчак уйга сала торган шигырь юллары яңгырады. «Интертат» хәбәрчесе «Чулпан» мәдәният үзәгендә «Тәртип» радиосының «Кабатланмас моңнар» концертыннан репортаж тәкъдим итә.

Тукай районы Биклән авылында 23 гыйнвар көнне чыккан янгын Наилә һәм Рафаил Мөниповлар гаиләсенең барлык мал-мөлкәтен көлгә әйләндерә, үзләрен урамда калдыра. Берничә сәгатькә дип, Чаллыга чыгып киткән гаилә кайтып кергәндә, йортка якын килерлек булмый инде.

Ришат Фазлыйәхмәтов һәм аның хатыны, концертлар директоры Эльмира (Тәтишка буларак билгеле) белән «Интертат» әле генә «табадан» төшкән интервью тәкъдим итә. Интервьюны КФУның Филология һәм мәдәниятара багланышлар институты студенты Илзирә Хәйруллина алды.

Ислам финанслары Татарстанда популярлашып китәрме? Халык куллансын өчен, нишләргә кирәк? Ислам банкингы үсешендә бүген нинди проблемалар киртә булып тора? Ислам ипотекасы гади ипотекадан кайсы ягы белән отышлы? Әлеге мәсьәләләр турында Ислам бизнесы һәм финанслары үсеше фонды президенты Линар Якупов белән әңгәмә кордык.

27 гыйнварда Казанда Зәйнәб Фәрхетдинова гаиләсе белән концерт куйды. Тамаша кылучылар арасында «Интертат» хәбәрчесе дә бар иде. Ир-ат күзлегеннән репортаж тәкъдим итәбез.

Эдуард Журавлев авыр яралардан хастаханәдә үлә. Аңа нибары 35 яшь була. Ул махсус билгеләнештәге отрядта (спецназ) элемтәче булып хезмәт итә. Махсус хәрби операция башлангач ук, беренчеләрдән булып китә. Снарядлар уты астында ул атыш турында хәбәр итәргә ташлана һәм авыр яралана. Иренең батырлыгы турында «Татар-информ»га аның тормыш иптәше сөйләде.

Ни өчен һәр азәрбайҗан кешесе туган телен белә һәм туган иленә дан җырлый? «Интертат» хәбәрчесе Зилә Мөбәрәкшина Азәрбайҗандагы сәяхәтендә азәрбайҗаннарның туй традицияләре, милли мәкаме, уен кораллары һәм биюе белән танышып кайтты.

«Бер кич тормышыбызны хәл итте дә куйды», – ди, ике кызы бергә авариягә юлыккан Айгөл апа. Йөк машинасы астыннан багажнигы гына күренеп торган машинадагы кызларының исән калуына шөкер итсә дә, сөенергә иртәрәк шул әле. Бүгенге көндә төпчекләре Ләйсән һаман да аңына килмәгән. Алияне исә катлаулы операцияләр көтә.

Россиядә «алкоголизм» диагнозы куелган пациентлар саны арта. Росстатның «Россиядә сәламәтлек саклау-2023» хисабында әйтелгәнчә, узган елда илдәге 1 кеше башына 9 литр алкоголь туры килгән. Татарстанда алкоголиклар саны, киресенчә, кимегән, әмма РКНД баш табибы урынбасары Илдар Таҗетдинов, бу статистика чынбарлыкка туры килми, ди.

Гыйнвар ае карлы рекордлары белән шаккатырды. Юкса халык синоптиклары «кар күп була» дип тә, «салкыннар була» дип тә әйтеп куйган иде. Алар да, болай ук күп булыр, димәгән иде үзе. Суыклар һәм галәмәт күп кар яз һәм көзгә ничек тәэсир итәр? «Интертат» халык синоптикларының һәм белгечләрнең фаразларын белеште.

Быел Мәдәният министрлыгының 2023 елны йомгаклау коллегиясе утырышы тыйнак кына, җыйнак кына Милли китапханәдә узды. Утырышның биредә узуын мәдәният министры Ирада Әюпова 2024 елда Казанның Россиянең китапханә башкаласы булачагы белән аңлатты. Быел Казанда Россия китап берлегенең XXVIII конгрессы узачак.

«Җанымның яртысын аерып алып киттеләр..» – ди бертуган абыйсын җир куенына иңдергән Энҗе. Энҗе һәм Айназ Арслановлар – абый белән сеңел арасында була торган ихлас һәм чын туганлык мөнәсәбәтләренең асыл үрнәге. Энҗе махсус хәрби операциядә һәлак булган абыйсы турында «Интертат»ка сөйләде.