Ир кешегә хатынын кыйнарга ярыймы?
«Кыйныйсыгыз килсә, спортзалга барыгыз, рингка басыгыз, Хәбибне көрәшкә чакырыгыз әнә», - ди Рөстәм Хәйруллин.
Казанның «Гаилә» мәчете имам-хатыйбы Рөстәм Хәйруллин гаиләдә көч куллану мәсьәләсе буенча аңлатма бирде.
«Хәзрәт, балалар хакына гына, ирең белән аерылышмый тору дөресме?» — дип сораганнар аннан.
Рөстәм хәзрәт моның бик катлаулы мәсьәлә булуын, ахыр чиктә сорауга җавап эзләү өйдә көч куллануга кайтып калуын, ире хатынына кул күтәрү очрагына барып терәлүен искәртә.
«Хөрмәтле ир-атлар! Сезнең дә кыз балагыз бардыр. Ул үсәр, сез аның өчен барысын да эшләрсез. Вакыты җиткәч, сезнең кызыгыз да кияүгә чыгар. Сез үзегезнең кадерле кызыгызны биргән шушы егет аны кыйнап тора башлавын күз алдына китерегез. Аны нишләтәсез? Мин дә, кыз бала атасы буларак, ни эшлим?» — дип сорау куя ул.
Аннары хатынга кул күтәрүнең зур гөнаһ булуын аңлата һәм кабат-кабат моның гөнаһ булуын искәртә.
«Кыйнау — гөнаһ. Бердәнбер очракта рөхсәт бар һәм ул мисвак — теш чистарта торган таякчык белән сугу. Ул бик кечкенә, аның белән янап кына була.
Кыйнау Исламда гөнаһ санала. Сез бөтен гаиләгә зыян китерәсез, моны балалар күрә, күршеләр ишетә, өстәвенә, сез гөнаһ кыласыз.
Хөрмәтле ирләр, ир-ат булыгыз! Хатыныңа кул күтәрү — зур гөнаһ. Сезнең кызыгызны кем дә булса кыйнавын күз алдына китерегез!
Кыйныйсыгыз килсә, спортзалга барыгыз, рингка басыгыз, Хәбибне көрәшкә чакырыгыз әнә!
Сезгә ышанып тапшырган кешегә кул күтәрмәгез. Кыйнарга, сүгенергә, кычкырырга ярамый, аеруча балалар каршында, ярамый», — ди ул.
Хәзрәт хатын-кызларга да мөрәҗәгать итә.
«Хөрмәтле хатын-кызлар! Зирәк, акыллы булыгыз. Ирегезне андый дәрәҗәгә җиткермәгез», — ди.
Рөстәм хәзрәт Хәйруллин түбәндәге сорауларга да җавап биргән иде:
- Яулык бәйләгән кызларга бизәнергә ярыймы?
- Ирең синең турыда кайнанаңа зарланса, нишләргә?
- Ир-атны гаиләсеннән тартып алып, үзеңә каратырга ярыймы?
- Бассейнда йөзгәндә мөселман ирләренең киеме нинди булырга тиеш?
- Мәчеттә никах уздырганда чәчәк алып килергә ярыймы?
- Авырлы хатын ураза тотарга тиешме?
- Мунчада мәхәббәт белән шөгыльләнергә ярыймы?
- Күрем вакытында ураза тотмаган өчен акча бирергәме?
- Хатын-кызларга мал чалырга ярыймы?
- Догалар нигә кабул булмый?
- Үлгән туганнар төшкә керсә, нишләргә?
- Ясалма тырнак, татуировка ясау гөнаһмы?
- Гаиләсен ташлап китеп, баласына ярдәм итмәүче ир-ат гөнаһлымы?
- Яңа ел бәйрәмен уздыру гөнаһмы?
- Идәнне кайсы почмактан юа башларга һәм сихер тапканда нинди дога укырга?
- Йоклаганда ишеккә таба сузылып ятарга ярыймы?
- Мөселманнарга чуртан һәм җәен балыгын ашарга ярыймы?
Татарстан Диния нәзарәте су хайваннарының хәләлме икәне турында фәтва чыгарган, дип язган идек. Шулай ук түбәндәгеләр турында да фәтвалар бар:
- Хатын-кызга кагылу тәһарәтне бозамы?
- Инстаграмда бәйгедә уйнау ялганда катнашу булмыймы?
- Намазны нәрсә боза?
- Кемнәр намаз укырга тиеш?
- Намаз укыганда Коръәнне кулда тотып, Китапка карап уку рөхсәт ителәме?
- Нәҗес келәмгә эләксә, ничек чистартырга?
- Хатын-кызга кагылу тәһарәтне бозамы?
- Тәһарәт ала торган су нинди булырга тиеш?
- Мөселман кызларына кедалар, кроссовкилар киеп йөрергә ярыймы?
- Инстаграмда бәйгедә уйнау ялганда катнашу булмыймы?