Полицейскийларга пычак белән ташланган яшь түбәнкамалы суд каршына басты. Быел февраль башында булган һөҗүм нәтиҗәсендә 2 полиция хезмәткәре авыр җәрәхәтләр ала. Бәхеткә, икесе дә исән кала. Җинаятьчегә ни өчен «гаепләнүче» статусы бирелмәгән, һәм ул үзен ни өчен СИЗОга күчерүләрен сорый?

Чаллы социаль челтәрләрендә 56нчы мәктәпнең футбол кырында булган коточкыч очрак турында кызу фикер алышулар бара. Монда, туганнары сүзләренә караганда, яшүсмерләр инвалид малайга карата мыскыллы гамәлләр кылган: аңа туп белән сукканнар, ыштанын салырга мәҗбүр иткәннәр һәм шәрә килеш фотога төшергәннәр, шуннан соң акча таләп иткәннәр.