14 июнь көнне Татарстанның кайбер районнарында көчле яңгырлар явып узды. Интернетта боз яву фотолары да күренде. Явым-төшемнәр эзсез үтмәде, хуҗалыклары, бакча, утырткан яшелчәләре зыян күргән, утсыз калган районнар да бар. Питрәч районы Шәле авылында давыл 7 өйнең түбәсен каерып алган. Табигать китергән каза турында тулырак «Интертат» язмасында.

Цифрлы технологияләр Татарстан авыл хуҗалыгына торган саен тирәнрәк үтеп керә. Быел республиканың 20 терлекчелек фермасында акыллы системалар кертеләчәк. Җитештерүчеләр әйтүенчә, дөньяда аның аналоглары юк. Ясалма интеллект терлекчеләргә ничек ярдәм итәчәк һәм сыер савучыларны, зоотехникларны һәм ветеринарларны тулысынча кысрыклап чыгармасмы?