Табиб һәм телевидение алып баручысы Александр Мясников «Россия 1» каналында «О самом главном» тапшыруында инфаркт турындагы 2 уйдырма турында сөйләде, дип яза «Lenta.ru».
Мясников «холестерин дәрәҗәсе нормаль булса, кешедә инфаркт була алмый» дигән фикерне дөрес түгел дип атады. Аның сүзләренчә, бу патологик халәт атеросклеротик бляшкалар аркасында гына түгел, ә тромблар яки кан тамырлары спазмы аркасында да барлыкка килә.
Моннан тыш, доктор «инфарктны билгеләү өчен кардиограмма нәтиҗәләренә таянырга ярамый» дип белдерде. «Сез кабинетка кереп кардиограмма ясый аласыз. Нәтиҗәләр яхшы була ала. Торып, кабинеттан чыкканда, инфаркт алырга мөмкинсез», – диде табиб.