Чаллы Сабан туе баш батырына 3 миллионлык Кытай автомобиле бүләк иттеләр
Ял Чаллыда узган 2025 елгы Сабан туеның баш батыры булып, көрәшче Азат Габдрәшитов танылды. Аңа традицион бүләк – тәкә һәм «комфорт» комплектациясендәге 7 урынлы «Soueast S07» кроссоверы тапшырдылар.
Интернеттагы мәгълүматларга буенча, батырга бирелгән Кытай автомобиленең бәясе якынча 3 миллион сум, мондый автомобиль Чаллы Сабантуе тарихында беренче тапкыр тәкъдим ителгән. Моңа кадәр бүләккә Россиядә эшләнгән машиналар куела иде.
«Актаныш-информ»
- Азат Габдрәшитов тумышы белән Актаныш районыннан, Дөнья һәм Россия чемпионы, БРИКС илләре уеннары җиңүчесе, көрәш буенча халыкара класслы спорт мастеры.
