Бу атнада илнең 39 төбәгендәге татар авылларыннан 800 дән артык эшмәкәр Казанга VIII Бөтенроссия татар авыллары эшмәкәрләре җыенына килде. Бүген “Корстон” комплексында Татарстан Президенты Рөстәм Миңнеханов катнашында җыенның пленар утырышы узды. "Татар-информ"пленар утырышта яңгыраган иң мөһим фикерләрне җиткерә. 

Соңгы дүрт елда хастаханә юлыннан кайтып кермәгән 32 яшьлек Люция Миннимуллина яңа тормыш башлап җибәрде. Быел 15 февральдә Республика клиник хастаханәсе табиблары аңа катлаулы операция ясап, гомеренә яңа сулыш өрде. Бавыр кадәр бавырыңны алдырып, аның урынына яңа бавыр күчереп утырту турында уйлап карале син?! Каз тәннәре чыгарлык! 

8 Март – Халыкара хатын-кызлар бәйрәме уңаеннан, татар дөньясындагы иң күренекле гүзәл затларның исемнәрен барларга булдык. Без төрле өлкәләрдә эшләгән белгечләрдән иң күренекле татар хатын-кызларын атауны сорадык. Җаваплар нигезендә татар тарихында иң танылган хатын-кызларның исемлеген әзерләдек. 

Татарстан Президенты Рөстәм Миңнеханов, 8 Март бәйрәме уңаеннан, гадәттәгечә хатын-кыз журналистларны үзенә кунакка җыйды. Очрашу барышында көнүзәк мөһим мәсьәләләр турында сораулар да, шәхси тормышка кагылышлылары да яңгырады. 

Март кояшы күңелләрне җилкендереп, урамга тарта. Кояшлы бер көн - 2 март Лениногорск районы Тимәш авылында кеше гомере өзелүгә сәбәпче була. Рәйсә Шәрәпованың гомере түбәдән шуып төшкән кар өеме астында өзелә.

14 яшьлек Алинәнең (исеме үзгәртелгән) интегүләренә тиздән нокта куелыр дип ышанасы килә. Тумыштан килгән тайпылыштан котылу өчен кызчык зур дәвалану юлына аяк баскан. Операциянең беренчесе артта калды, бераздан аңа тагын бер операция кичерергә туры киләчәк.

Виктория Козлова, Любовь Архипова, Наташа Прусакова, Виктория Агашина... Алексеевск районында яшәгән шушы дүрт яшь кыз 15 февраль көнне коточкыч фаҗига корбаннары була. Дүрт мәетне бер зиратта янәшә, бер чардуган эчендә җирлиләр. 

Татар җәмәгатьчелеге татар журналистикасында күренекле шәхесләрнең берсе Венера Ихсанова белән бәхилләште. Аны Казанның Декабристлар урамындагы 115 нче йорттан озаттылар. Венера Ихсанова озак еллар дәвамында "Яшь ленинчы" газетасы һәм "Азат хатын" журналының баш мөхәррире булып эшләгән. Ул кичә Казанның 7 нче хастаханәсендә 86 нчы яшендә дөнья куйган. 

7 февраль көнне Әлмәттә 13 һәм 17 яшьлек үсмер малайларның мунчада ис тиюдән дөнья куюы турында хәбәрне ишеткәч, тәннәр чемердәп куйды. Шулай булмый ни, инде буй җитеп, кул арасына керә башлаган ике бөркетен – газизләрен бер көндә мәңгелеккә югалткан һәм җир куенына салган әти-әнигә ничек чыдамак кирәк ди?! Бала хәсрәтеннән дә читене юк дип әйтүләре юкка түгел. Равил белән Шамилнең әтиләре Рамил Шаһиевның кайгы йотып йөргән көннәре булса да, ул “Интертат”ка эчен бушатып, вакыйганың ничегрәк булганы турында сөйләде.

26 гыйнвар көнне Аксубайда бала тудыру йорты вакытлыча ябылган. Акушер-гинеколог Алсу Ключникова-Гапсәләпованың үлеме белән бәйле рәвештә, шушы чарага барганнар. Бәбиләү вакыты җиткән хатын-кызлар бүген Чистай, я Нурлатка барырга мәҗбүр. Проблемалы очракларда Республика клиник хастаханәсенең Перинаталь үзәгенә озаталар. “Интертат” читкә барып бәбиләргә мәҗбүр булган гүзәл затлар белән аралашты, вәзгыятьнең кайчан үзгәрәчәген ачыкларга тырышты.

Транспорт өчен газ ягулыгына бәя алдагы ике елда артмаска мөмкин. Бу хакта "Татар-информ" агентлыгында матбугат конференциясендә билгеле булды. 

Бәла аяк астында, диләр. Чирмешән районы Әмир авылы имамы намазга киткән җиреннән уңышсыз егылып төшеп, хастаханәгә эләгә. Башкаларга кар төшә күрмәсен дип, мәчеткә керү юлында ясалган козерыктан кар төшерәм дип менгән җиреннән баскычтан аягы таеп китә. Үз туган көнендә – 1 февральдә шундый бәхетсезлеккә тарый. Бүген 1941 елгы Люцир хаҗи Зыятдинов Әлмәт хастаханәсендә табиблар кулында.

Бүген Башкортстанның атказанган артисты Әнвәр Нургалиевның хатынының әтисе Рәзиф Әхмәтҗановның 67 яшьтә гомере өзелгән. Бу хакта җырчы “Интертат” хәбәрчесенә үзе әйтте. 

Бүген илдә экологик вазгыятьне яхшырту бурычы куела. Бу хакта Россия Федерациясе Президенты Владимир Путинның “Май” указында да әйтелә. Татарстан бу юнәлештә ничегрәк эшли? 2018 ел нәтиҗәләре нинди? “Экология” илкүләм проекты кысаларында нинди эшләр көтелә? Бу хакта “Татар-информ” агентлыгы студиясендә Татарстанның экология һәм табигать ресурслары министры урынбасары, ТР табигатьне саклау Баш дәүләт инспекторы Фаяз Шакиров белән әңгәмә кордык.

“Ана капиталы” элегрәк өч ел үтмичә кулланып булмаслык акча кебек тоелса да, 2018 елда кертелгән үзгәрешләр нигезендә ул кулга тотып карый ала торганрак акчага әйләнде кебек. Баланың өч яше тулганын көтмичә, сертификат ярдәмендә балалар бакчасы өчен түләү мөмкинлеге туды. Ана капиталыннан ай саен акча алып бару мөмкинлеге бар. 2019 елда ана капиталын куллану юнәлешләре турында “Татар-информ” агентлыгында Россия Пенсия фондының Татарстан буенча идарәчесе урынбасары Асия Вәлиуллина һәм социаль түләүләр бүлеге башлыгы Гөлсинә Сабировалар сөйләде.

Әниләр телендә “бала авырудан да читене юк” дигән сүз бар. Тиз дәваланып, узып китә торган гына чир булса ярый да, озакка сузылган, газаплы авырулары да бихисап бит. Баласының тилмерүеннән йөрәге парә-парә килсә дә, көчле рухлы әти-әниләр бирешми. Газизен сихәтләндереп аякка бастыруның төрле чараларын эзли. Арча районы Утар Аты авылында яшәүче Миңнуллиннар шундыйлардан. Уллары Адилне дәвалар өчен алар Һиндстанга да очарга әзер. 

Арча районының Байкал һәм Шурабаш авылларында шагыйрь, прозаик, драматург, тәнкыйтьче, публицист һәм җәмәгать эшлеклесе Габделгазиз Монасыйпов тууына 130 ел тулу хөрмәтенә әдәби кичәләр булып узды. Габдулла Тукайның Казандагы әдәби музее җитәкчелеге чакыруы буенча, бу чараларда “Татар-информ” да катнашты. 

2018 ел татарлар өчен нинди төп яңалыклар белән тарихка кереп калыр? Узып баручы елга нокта куеп, шул казанышларны барлап чыктык.

Татарстанның Дәүләт Советы Рәисе урынбасары Римма Ратникова Журналистлар берлеге рәисе вазифасына яңадан сайланмаска карар кылган. Үзеннән бу вәкаләтләрне төшерү нияте хакында ул җомга көнне берлекнең президиум утырышында хәбәр итте. Римма Ратникова берлек белән 24 ел җитәкчелек итте. 2019 елның 24 гыйнварында Журналистлар берлегенең XIX съезды узачак. Анда яңа рәис сайлап куелачак. Президиум исеменнән съездга Илшат Әминов кандидатурасы тәкъдим ителәчәк. 

Сарман районындагы ата-аналар балалар бакчасы өчен вакытында түләмәсә, тәрбиячеләр акчаны азрак ала. "Бакча өчен түләүдә тоткарлыклар" критерие тәрбиячеләрнең хезмәтен бәяләүдә исәпкә алына. Балаларның бакчага көн саен йөрү-йөрмәве дә тәрбияченең алган акчасында чагыла. Тәрбиячеләр "әлеге критерийларның хезмәт хакына тәэсир итүе хокукый яктан дөресме" дигән сорау белән "Татар-информ"га мөрәҗәгать итте. 

Декабрь азагында бар да бәйрәм ыгы-зыгысында кайный. Яшел чыршы тирәсендә әйлән-бәйлән уйнау, класс белән җыелып мәдәни чараларга баруны бигрәк тә нәни укучылар түземсезлек белән көтеп ала. Шигырь, җыр белән шаккаттырып, Кыш бабайдан бүләк тә аласы бар бит. Шул вакытта бәйрәмгә күмәкләшеп баруга комачаулаган сәбәпләр дә булуы ачыклана. Ата-аналар моны дини сәбәпләр белән бәйле дип аңлата. Чыршыга мәдхия җырлау, Кыш бабайдан нидер сорау гөнаһ санала, диләр. 

Яшерен-батырын түгел, кайберәүләрнең җентекләп кул юуга исләре китми. Салфетка белән генә сөртәләр дә, "әй, чиста инде ул кул, әле күптән түгел генә юган идем" дип тынычланалар. Әмма кулны чиста тоту өчен аны сабын белән юу мәҗбүри. Казанның 18 нче шәһәр сырхауханәсе инфекционисты Ләйсән Әхмәтова шундый киңәш бирә. Пычрак кулдан безгә нинди авырулар йогарга мөмкин? Табиб белән шул хакта сөйләштек. 

Авыл халкының тормыш сыйфатын арттыруга йөз тоткан программаларның әһәмияте зур. Шулар арасында фельдшер-акушерлык пунктлары (ФАП) төзү, төзекләндерүгә багышланган киңкүләм программа игътибарга лаек. 2018 елда бу юнәлештә нинди эшләр башкарылган? Киләсе 2019 елга планнар ничегрәк? Бу хакта Татарстанның төзелеш, архитектура һәм торак-коммуналь хуҗалык министры урынбасары Илшат Гыймаев белән әңгәмә кордык. 

Автозаправка станцияләрендә һәм нефтебазаларда мотор ягулыкларын тикшерү буенча 29 октябрьдән 26 ноябрьгә кадәр махсус айлык үткәрелгән. Татарстандагы 912 АЗСның 368сеннән ягулык үрнәкләре алынган. 658 пробаның 28 ендә (13 очракта сыйфатсыз бензин, 15ендә сыйфатсыз дизель ягулыгы) ягулыкның сыйфатсыз булуын ачыклаганнар. Бу хакта ТР Министрлар Кабинетында узган брифингта “Ягулык-энергетика ресурсларын рациональ куллану идарәсе” җитәкчесе Роберт Гыйләҗиев хәбәр итте. ГОСТ таләпләренә җавап бирмәгән ягулык сатучы АЗСлар түбәндәгеләр. Аларда ДТ TANECO һәм «Евро» дизель ягулыклары һәм бензин составында күкерт күләме яки вспышка температурасы, сумала концентрациясе, ягулыкның тыгызлыгы ГОСТ нормаларыннан тайпылган. 

Бүген алимент буенча бурычларны кайтару көнүзәк мәсьәләләрнең берсенә әйләнде. Татарстан Президенты Рөстәм Миңнеханов та алимент акчаларын түләттерү буенча эшче төркем булдырырга кушкан иде. Без бу проблема турында сөйләшү өчен, “Татар-информ” агентлыгына Суд приставлары федераль хезмәте Татарстан буенча идарәсенең башкарма производствоны оештыру бүлеге башлыгы урынбасары Илзия Исламованы чакырдык.

Ни кызганыч, ел азагында аеруча көтелмәгән үлем-китемнәр турында хәбәрләр еш ишетелә. Татар җәмәгатьчелеге тагын бер талантлы улын югалтты. Мәкерле яман чир 61 яшендә күпкырлы шәхес Рөстәм Зәкуанны арабыздан алып китте. 

Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясе (кыскача ТР Дәүләт алкоголь инспекциясе) моңа аңлатма бирә.

25 яшендә клиник үлем кичергән Казан кызы Екатерина Нетужилина өченче тапкыр әни булды. Гәрчә өченче мәртәбә бала табу үзе өчен куркыныч булса да, ул шушы адымга җөрьәт иткән. Хәер, якты дөньяга туарга дип Ходайдан яратылган җан тумый калмый. Курку белмәс, тормышка гашыйк Катя гомере кыл өстендә булган мизгелләрне күңелендә яңартып, “Интертат”ка сөйләде.

Шәһәр һәм район белән идарә итү җиңелләрдән түгелдер, мөгаен. Үз җирлегеңдә дистәләгән республикакүләм программаны тормышка ашырырга кирәк, акчасын, эшчесен, җаен табу зарур. Атлаган саен кагыйдәләр, таләпләр үзгәреп тора. Башкалардан калышмау өчен гыйлемле булуың шарт. Татарстан район-шәһәрләренең бүгенге башлыклары кайда гыйлем эстәгән? "Глава" булу өчен кайда укырга кирәк? “Интертат” шуны ачыкларга тырышты. 

Россиянең 48 халыкара аэропортына атаклы шәхесләр исеме бирү буенча финал тавыш бирү көннәре. “Казан” халыкара аэропортына финалдагы өч шәхеснең исемен бирү өчен үз тавышын 41 932 кеше калдырган. Авиаконструктор Андрей Туполев өчен 9670 кеше, бөек шагыйрь Габдулла Тукайга – 27755, шагыйрь, Советлар Союзы Герое Муса Җәлил өчен 4507 кеше тавыш биргән.