Узып килүче атнада «Татмедиа» акционерлык җәмгыяте тарафыннан гамәлгә куелучы «Шәп блогер» медиамәктәбе практик дәресләр этабына старт биргән иде. «Ялкын» журналы студиясендә медиамәктәпнең тантаналы ачылышы булды. Аннан соң беренче дәрес уздырылды.

Кинорежиссер Нурания Җамалиның «Минтимер һәм аның дуслары» фильмы Казан халыкара мөселман киносы фестивалендә конкурстан тыш, «Казан премьералары» программасында күрсәтелде. Фильмны безнең хәбәрчебез дә карады.

Шушы көннәрдә Россиядә терроризмга каршы көрәштә бердәмлек көне билгеләп үтелде. 2004 елның 4 сентябренә каршы төндә Беслан шәһәренең 1нче мәктәбендә тоткыннарны азат итү буенча операция тәмамлана. Бу канлы фаҗигадә исән калганнар үз күзләре белән күргәннәрен сөйли.