Түрәләр тормышыннан бер мизгелне күрсәткән түрә хатынны эшеннән куарга телиләр

Башкортстанның Роспотребнадзор җитәкчесе Анна Казак үзенең аккаунтында авиакомпаниядә бизнес-класста нәрсә тәкъдим иткәннәрен күрсәткән. Хәзер шуның өчен аны эшеннән кумакчы булалар.

Анна Казак S7 авиакомпаниясенең бизнес-классын: япмалар, мендәрләр, аяк киемнәре күрсәтә. Видеодан аңлашылганча, урыны бик иркен. Төшке ашын да күрсәтә, аны ашамавын әйтә.

Түрәнең шундый шартларда очуы социаль челтәрләрдә зур тәнкыйтькә дучар ителә. Өстәвенә, аны авиакомпанияне рекламалауда да гаеплиләр. Анна Казак үзенең ялда булуын һәм реклама белән шөгыльләнмәвен әйткән.

Анна Казакка эшеннән куу белән яный башлагач, ул рейсның соңарганын һәм шуның өчен компенсация рәвешендә бизнес-класска эләгүен әйткән. Әмма җитәкчелек моның дөресме-юкмы икәнлеген ачыклаячагын әйткән.