Байкал аръягы краенда 2 балалы гаилә янып үлгән. Бу турыда коткаручыларга сылтама белән «Вести» каналы хәбәр итте.
Фаҗига Таулы Зерентуй авылында 2 фатирлы йортта була. 7 сентябрьдә кич белән биредә янгын чыга.
Ут 4 кешенең гомерен ала, шуларның икесе – балалар. 3 мәетне янгын шаһитлары коткаручылар килгәнче алып чыга. Алар хатын һәм 2 бала була. Гаилә башлыгы мәетен янгын сүндергән вакытта коткаручылар таба.
Веранда янып беткән, 70 квадрат метр мәйданда фатирга зыян килгән. Янгын сәбәпләре ачыклана. Прокуратура тикшерү башлаган, диелә хәбәрдә.