Төркиядә яшәп иҗат итүче милләттәшебез, журналист, язучы Айзирәк Гәрәева-Акчура Татарстанда нефть чыга башлауга 75 ел тулу уңаеннан үткәрелгән "Хәзинә" әдәби конкурсында "Повесть" номинациясендә җиңде. “Интертат” аның белән повестенең герое һәм татар кешесенең кадере турында сөйләште.

Ниһаять, Казанда көтеп алынган XIX халыкара “Татар җыры” эстрада фестивале үтте. Бу фестиваль турында берничә ай алдан ук зурдан кубып сөйлиләр. Эстрадада тиңнәре булмаган иң масштаблы фестиваль, “Татар җыры – 2018" тамашачының йөрәгендә нинди кызыклы мизгелләре белән истә калыр?

Бүген Казанда “Пирамида” концертлар залында XIX Халыкара “Татар җыры” эстрада фестивале узды. “Алтын Барс” сынын тапшыру тантанасында эстраданың мэтрлары Салават Фәтхетдинов белән Айдар Галимов сәхнәгә бергә чыкты. Хәл болай булды: Айдар Галимов “Халык мәхәббәте” номинациясендә җиңде, ә Салават аңа бүләк тапшырырга чыкты. Салават Фәтхетдинов үзе фестивальдә номинацияләрдә катнашмады. Сәхнәдә очрашкач, Салават белән Айдар бар халыкны көлдереп сөйләшеп алдылар. 

Әти-әнинең бәхете – сау-сәламәт балаларда. Кызлары Гүзәл белән бәхеткә күмелеп, матур гына тормыш итеп яткан Камил һәм Гөлчәчәк көтмәгәндә зур сынау алдында кала. Кызлары Гүзәлдә куркыныч авыру – баш миендә гигант зурлыктагы яман шеш табыла. Бала аяк йөрүдән туктый, сукырая, ярдәмгә мохтаҗга әйләнә. Ә дәвалау өчен тиз арада җыярга кирәкле сумма Ногмановлар гаиләсе өчен бик зур – 5 миллион...

Галиәсгар Камал исемендәге Татар дәүләт академия театрында Татарстанның һәм Башкортстанның халык артисты, данлыклы “щепкинчылар” буыны вәкиле Гөлсем Исәнгулованың 80 яшьлек юбилей кичәсе узды.

Бүген, 15 декабрьдә, Халыкара чәй көне билгеләп үтелә. Чәй - татар халкының иң яраткан эчемлеге. Шушы көн уңаеннан "Интертат" "Татар кешесенең сиксән проценты чәйдән торамы?" дигән популяр мәзәккә нигез бармы икәнен белеште. 

Бүген - "ликвидаторлар" көне. 1986 елның 26 апрелендә Чернобыль атом электростанциясендә булган авариядән килгән зыян шул елның 14 декабрендә юкка чыгарыла. Бу куркыныч эшкә меңләгән кеше җәлеп ителә, алар әле дә шул вакытта алган нурланыштан җәфа чигә. “Татар-информ” хәбәрчесе шушы авариянең нәтиҗәләрен юкка чыгаруда катнашкан ветеран белән сөйләште.

Татар матбугат чаралары Татарстанда гына түгел, чит төбәкләрдә дә нәшер ителә. Әмма аларның бүген хәле авыр: басма тиражлар һәм укучылар саны кими, татар редакцияләрендә эшләрлек кадрлар аз, хезмәт хакы түбән. Самара татарларының "Бердәмлек" газетасы баш мөхәррире Рәфгать Әһлиуллин вафатыннан соң яңгыраган фикерләр дә моны раслый. "Шундый мескен хәлгә калдык хәзер", - дип тасвирладылар редакция хәлен безнең коллегалар. "Интертат" чит төбәкләрдәге татар редакцияләрендәге проблемаларны барлады. 

Популяр җырчы Элвин Грей рекорд артыннан рекорд куя: "Казан-Арена" стадионында 9 мең тамашачы җыйган иде, инде Башкортстан башкаласында да тугыз мең кешегә концерт куйды. Әмма Уфадагы концертында, Казандагысыннан аермалы буларак, бер кызыктыргыч үзенчәлек булган: Элвин концертында Лэйна исемле кыз татар җырын башкарган. Әлбәттә, бүген һәркемне бер сорау кызыксындыра: кем ул? Элвин концертына ничек килеп эләккән? Әйтергә кирәк, Лэйна үзен бәхет кошы тоткандай хис итә. 18 яшьлек яңа йолдыз белән әңгәмә тәкъдим итәбез. 

Популяр композитор Ризван Хәкимов 60 яшьлек юбилеен бәйрәм итәргә җыена. “Интертат” танылган җырлар авторы белән шәхси тормышы, татар эстрадасы, җыр урлау һәм яшь башкаручылар турында сөйләште.

Спортчы булу өчен көчле булу җитә дип уйлыйсызмы? Ялгышасыз! Спортта җиңү өчен татар телен белергә һәм акыллы булырга да кирәк икән. “Татар-информ” мәгълүмат агентлыгы хәбәрчесе мавыктыргыч, әмма шоу ясамый торган спорт төре - фехтование остасы Наилә Гыйләҗева белән сөйләшеп кайткач, шундый нәтиҗәгә килде. 

Халыкара “Татар җыры” эстрада фестивале 22 декабрьдә “Пирамида” концертлар залында быел унтугызынчы тапкыр узачак. Татар эстрадасы җырчыларының иҗатына нәтиҗә ясый торган фестиваль тамашачыларны ниләр белән шаккаттырачак? “Интертат” фестивальгә багышланган пресс-конференциядә яңгыраган иң кызыклы фикерләрне тәкъдим итә.

Шәһәр һавасыннан туйган кешегә теләсә каядыр барып бер-ике көн булса да ял итү – үзе бер бәйрәм. Әмма аңа акча кирәк. Чит илгә барырга мөмкинлеге булмаган кеше өчен Болгардагы кунакханә  бик отышлы кебек. 2018 елның соңгы көнендә ачылачак курорт спа-отеленә журналистлар өчен пресс-тур оештырылды. Биш йолдызлы Kol Gali Resort SPA курорт спа-отеле – “Интертат” күзлегеннән.

Г.Тукай исемендәге Арча педагогика көллияте – танылган шәхесләр тәрбияләп чыгаруы белән дан тоткан урта һөнәри белем бирү уку йорты. “Татар-информ” мәгълүмат агентлыгы хәбәрчесе көллиятнең бүгенге хәле белән танышып кайтты. 

Күпләр сәүдә-күңел ачу үзәкләреннән башка, гаилә белән рәхәтләнеп ял итәрлек бер урын да белми. Мәктәп балаларының көзге каникулларында аларга күңелле дә, файдалы да булсын дисәгез, без тәкъдим иткән маршрут буенча сәяхәт итеп, татарның бөек шәхесләре турында мәгълүмат туплагыз, Казанның татар халкы өчен мөһим булган урыннарыннан йөреп чыгыгыз. 

Айдар һәм Гөлгенә Хәбибрахмановлар гаиләсенә көнләшеп караучылар булгандыр, мөгаен. Дөрестән дә, көнләшмәслек идеме соң аларның тормышы?! Сау-сәламәт 7 бала, зур һәм бай хуҗалык, шул исәптән 10 сыер һәм 7 үгез, кыйммәтле зур машина... Балаларының бәхетләрен күреп яшәгән, рәхәтләнеп күп итеп мал асраган Хәбибрахмановлар гаиләсенең бүгенге көнкүреше – көндәлек тормыш өчен көрәшү. Төпчек балалары Саматта – яман шеш. Бу куркыныч авыруның Саматтагы төреннән дәваланган бер бала да юк...

Күптән түгел көрәш буенча үткән Татарстан чемпионатына үз районнарына дан китерерлек көрәшчеләргә бай Әгерҗедән бер спортчы да килмәде. Без моның сәбәпләрен ачыкладык.

"Татар-информ" хәбәрчесе Нурлат мәгариф хезмәткәрләренең территориаль профсоюз оешмасы рәисе Фәридә Сәгыйрованың Хәния Фәрхи белән таныш булуын ачыклады. Фәридә ханым халык җырчысы белән бәйле булган истәлекләрен сөйләде.

Җырчы Ландыш Нигъмәтҗановага Татарстан Президенты Рөстәм Миңнеханов карары белән музыка сәнгатен үстерүгә өлеш керткән өчен “Татарстан Республикасының атказанган артисты” исеме бирелде. Җырчы бу хакта үзенең Инстаграм аккаунтында хәбәр итте. “Интертат” хәбәрчесенә Ландыш Нигъмәтҗанова хис-тойгыларын һәм фикерләрен сөйләде.

Без китүгә полиция хезмәткәрләре дә килгән икән, ди рэпер.

Элвин Грей һәм Татарстанның атказанган артисты Гүзәл Уразова арасындагы низаг турында ишетмәгән кеше юктыр. Гүзәл Уразованың иң якын кешесе - ире, җырчы Илдар Хәкимов әлегә кадәр хатынын яклап рәсми мөрәҗәгатьләр әйтмәде. "Интертат" моның сәбәбен ачыкларга теләде. "Бака ботын кыстырган кебек, тыгылмыйм", диде җырчы. Әмма "Татар-информ" хәбәрчесенә үз фикерен белдерде. 

Мул уңышның бәрәкәте – гошер сәдакасында. Йөрәкләре мәрхәмәт белән тулы кешеләр бакчаларыннан җыеп алган уңыштан гарип-горабаларга, күп балалы һәм аз керемле гаиләләргә, картлар йортларына, мәдрәсәләргә шул уңайдан өлеш чыгара. “Татар-информ” мәгълүмат агентлыгы хәбәрчесе дә, “Зәкят” хәйрия фондының гошер сәдакасын тарату чарасында катнашып, рухи яктан баеп кайтты.

4-7 октябрь көнне Зәйдә билбау көрәше буенча Россия беренчелеге өчен чемпионатта карачәй һәм калмык көрәшчеләре арасында сугыш чыкты. “Татар-информ” мәгълүмат агентлыгы хәбәрчесе конфликтның сәбәпләрен белү максатыннан ызгышның шаһитләре һәм көрәш буенча белгечләр белән сөйләште. Көрәшчеләр арасында мондый сугышларның гадәти хәл булуын, хәтта кайбер бәйгеләрдә тәртипне ОМОН саклаганын ачыкладык.

Җырчы Илназ Гарипов “Мактау тактасы” проектында катнашкан. Ул тискәре комментарийларга җавап кайтарган видеосын Инстаграмына куйган. Видеода җырчыга кем һәм нәрсә язганы күренә. “Татар-информ” мәгълүмат агентлыгы хәбәрчесе Илназ Гарипов белән аның “төрле фикерле” язылучылары турында сөйләште.

Ислам дине буенча, ир-атка гаиләсен тәэмин итү бурычы куелган. Кайбер муллалар, хатын-кыз, гаилә тынычлыгы өчен, берничек тә иреннән күбрәк акча эшли алмый дип саный. Хатын-кызларга бизнес төзергә ярыймы икән соң? Акча мәсьәләсенә килеп терәлгәч, ир белән мөнәсәбәтләр үзгәрерме? Мөслимәләрнең бу һәм башка сорауларына “Гаилә” мәчете имам-хатыйбы Рөстәм хәзрәт Хәйруллин җавап бирә.

17 яшьлек Марсель Ахунов шимбә, 22 сентябрьдә кичке алтылар тирәсендә өйдән чыгып киткән һәм кире кайтмаган. Китәр алдыннан егет барлык дусларына рәхмәт һәм ярату сүзләре язып җибәргән. Дусты белән очрашуын башка көнгә күчереп, үзе белән бары тик паспортын гына алып киткән егеткә әнисе Эльвира “Интертат” аша мөрәҗәгать итә.  PS. Бу мөрәҗәгать 24 сентябрьдә 11 сәгатьтә чыккан иде. 18.00 сәгать тирәсендә Интертатка малайның табылуы хакында яздылар. 

ТНВ каналы үзенең яңа сериалын “Көтелмәгән кунак” комедиясен тәкъдим итте. Сериалның продюсеры – ресторан хуҗабикәсе булганга күрәсең, тәкъдим итү кичәсе шул ресторанда узды. Кичәдә булган "Татар-информ" хәбәрчесе Дания Нуруллинаның ни өчен фильмда төшәргә теләмәгәне, ә Фәнис Җиһаншаның нигә бабай булырга теләгәне, гомумән, Нурания Җамалиның тамашачыны ничек көлдерергә җыенганы турында белеште.

Әти-әнинең бәхете - сау-сәламәт балаларда. Балалары белән бәхеткә күмелеп, матур гына тормыш итеп яткан Азат һәм Алинә көтмәгәндә генә зур сынау алдында кала. Кызлары Аделинада куркыныч авыру – кандагы яман шеш табыла. Татарстанда бу авыруның Аделинадагы төре белән авырган башка бер бала да юк... Курчак сыман искитмәле гүзәл кызга күз тидергәннәрме әллә? Нәселләре белән сәламәт гаилә таң калган. Бала аягына баса алмый, тиз арада җыярга кирәкле сумма бик зур - 30 миллион...

Казанның Яңа Татар бистәсе зираты XVIII гасырның урталарында бистә белән бер үк вакытта барлыкка килгән. Ислам динен кабул итүгә 1000 ел исемендәге Казан югары мөселман мәдрәсәсе директоры Ильяс хәзрәт Җиһаншин шушы зиратның юл күрсәткечен төзегән. Хәзрәт “Татар-информ” мәгълүмат агентлыгы хәбәрчесенә зиратның татар халкы өчен никадәр әһәмиятле икәнен сөйләде.

Бүген танылган тел галиме, Татарстан Фәннәр академиясе академигы, КФУның шәрәфле профессоры, филология фәннәре докторы Рүзәл Йосыповның 80 яшьлек юбилее. “Татар-информ” мәгълүмат агентлыгы хәбәрчесе, танылган тел галимен олы юбилее белән котлап, аның белән татар теле, татар мохите һәм татар дөньясы турында сөйләште.