Казан (Идел буе) федераль университетының IT-лицей укучысы Анна Седова Кытайда халыкара математика олимпиадасында алтын медаль яулады. “Татар-информ” мәгълүмат агентлыгы хәбәрчесе дөньякүләм дәрәҗәдә уңышка ирешкән укучы белән танышты.

Казанда 30 августта “Дубравная” метро станциясе ачылды. Ул - башкаладагы 11нче станция. Башка метро станцияләренең атамалары ике дәүләт телендә булса да (мәсәлән, "Козья слобода" - "Кәҗә бистәсе", "Площадь Тукая" - "Тукай мәйданы"), “Дубравная” метро станциясенең татар телле атамасы юк. Сүз уңаеннан, быел 29 август көнне Татарстанның Дәүләт Киңәшчесе Минтимер Шәймиев: "Әйдәгез, урамнарның барлык исемнәрен ике телдә языйк. Алайса гел яртылаш. Әйдәгез, бу мәсьәләдә нокта куйыйк", - дип өндәде. “Татар-информ” мәгълүмат агентлыгы хәбәрчесе "Дубравная" станциясенә татарча исем бирелмәүнең сәбәбен ачыклады.

Беренче карашка, җырчы тәмәке тартмаска тиеш кебек - тәмәке тавышны бетерә бит ул! Әмма чынбарлык киресен исбатлый - җырчылар тәмәкене бик тә ярата бугай. Берәр концертта сәхнә артында торсаң, җырчыларның тәмәкене үз итүләрен аңлап аласың. “Татар-информ” хәбәрчесе җырчылар, белгечләр, гади кешеләр белән тәмәке турында сөйләште.

Халык үзенең тарихын онытырга тиеш түгел дип еш әйтәбез. Ә татарлар арасында беренче Олимпия чемпионы булган татар егете, СССР командасын унынчы урыннан беренче урынга чыгарган Ринат Сафин турында яшь буын белми дә диярлек. Исән булса, Ринат Сафинга 29 августта 78 яшь тулыр иде. "Татар-информ" спорт йолдызының туган авылында булып, аның турында мәгълүмат туплады.

14 августта, ягъни бүген, сәгать 16.00 Казан Кремленең “Манеж” күргәзмәләр залында “Татар-информ” мәгълүмат агентлыгы фотокорреспонденты Рамил Галинең “Тимер кешеләр” (“Железные люди”) күргәзмәсе ачыла. Без Рамил Галидан күргәзмәнең үзенчәлекләре турында сөйләвен үтендек.

Сорауга Татарстан Республикасы буенча Эчке эшләр министрлыгының җинаятьчеләрне эзләү идарәсенең автомототранспорт урлап китү һәм урлау эшләре бүлеге башлыгы, полиция подполковнигы Җәвит Гасанов җавап бирә.

Күпчелек кешенең бакчасында стандарт җыелма: кишер, кыяр, помидор, чөгендер һәм суган. Ә менә җиңел үзләштерелә торган, файдалы һәм витаминлы кәбестәне бар кеше дә үстерми. Бу яшелчәне үстерүнең отышлы һәм уңайсыз якларын белү өчен “Татар-информ” хәбәрчесе кәбестәләргә бай авылда - Оля Якедә булып кайтты.

Көрәшче Булат Мусин җырчы Фирдүс Тямаевның #синҗүләрминҗүләр флешмобында катнашты. Нигә көрәшче шундый стильдә бию башкара?

Татар эстрадасы җырчысы Римма Никитина Инстаграм аккаунтына хыянәт итүләр кешене көчлерәк итә, бумеранг кире кайта дип язып калдырган фото куйган. “Татар-информ” мәгълүмат агентлыгы хәбәрчесе җырчыдан бу хакта сорашты.

Кыз юл уртасында үз машинасыннан бию башкарырга чыга.

Татарстанда уракка төштеләр. Игенчеләр әйткәнчә, Комбайнчылар әйтмешли, вакытында башларга, вакытында бетерергә кирәк. “Татар-информ” мәгълүмат агентлыгы хәбәрчесе Апас районында урып җыю эшләрен күзәтеп, комбайнчылар белән сөйләшеп кайтты.

“Бу әбигә 100 яшь тулган, ә бу бабайга бүген 105 яшь тула!” Бу сүзләрне ишетүгә һәркем диярлек шакката. 100 яшьне тутырган кешеләрнең нинди серләре бар икән соң? Тумышы белән Мөслим районыннан булган, хәзер Казанда гомер итүче 100 яшьлек Закирә Габитова бернинди дә сер юк дип, сихри генә елмая. “Татар-информ” мәгълүмат агентлыгы хәбәрчесе Закирә ханым белән озак яшәү серләре турында сөйләште.

Татарстан Республикасының атказанган артисты, җырчы Лилия Муллагалиева Инстаграм аккаунтында язылучыларының игътибарын аеруча җәлеп иткән пост куйган. “Минем тормышымда да зур үзгәреш булды әле”, дигән ул сөенеп. Язылучылары исә Лилияне авырлы дип уйлап, “бала көтә” дигән үзенчәлекле “диагноз” да ясап куйганнар.

Интернеттагы популяр эзләвечләрнең берсе - Яндексның татар телендә реклама кабул итмәве ачыкланды. Журналист Ленар Мифтахов татар телендә эзләвеч - "поисковик" кирәк дип саный. "Татар-информ" хәбәрчесе татар телле Интернетта эшләүчеләрнең бу тәкъдимгә мөнәсәбәтләрен ачыклады һәм татар телендә мәгълүматны ничек эзләргә була дигән сорауга җавап эзләде.

Татарстан Республикасы Диния нәзарәте Казанда "Мозаффария" кызлар мәктәбе ачарга җыена. Ул шул исемдәге элекке мәдрәсә бинасында - Сара Садыйкова урамында, Зәңгәр мәчет белән янәшә булачак. Мөфтинең урынбасары Мансур хәзрәт Җәләлетдин “Татар-информ” мәгълүмат агентлыгы хәбәрчесенә мәктәпнең ни өчен кызлар мәктәбе булуы, анда кемнәр кабул ителүе һәм уку йортына булган планнары турында сөйләде.

Арча районында кичке 10 нар тирәсендә, беркемгә дә әйтмичә өйдән чыгып киткән кыз баланы бүген, 18 июльдә, 9.20 минутта исән-сау килеш таптылар. “Татар-информ” мәгълүмат агентлыгы хәбәрчесе бу хакта Арча районындагы авыл җирлеге башлыгы белән сөйләште.

Балтач районы Борбаш авылындагы су буенда, кыздырган кояш нурларына күмелеп, 11нче тапкыр мөселман балалар Сабан туе үтте. Балаларны бәхетле дә иткән, елаткан да Сабан туе булды ул.

Дөнья чемпионаты дигәч, футбол күз алдына киләме? Әйе, Татарстанда соңгы ел футбол буенча дөнья чемпионатына әзерләнеп узды, шуңа аны белмәгән кеше юк. Ә бит шул ук көннәрдә республикабыз тагын бер дөнья чемпионатын - татарча көрәш ярышларын кабул итәчәк. Хәзер көрәшчеләр бу җаваплы сынауга әзерләнә. "Татар-информ" хәбәрчесе Казанның "Ак Барс" көрәш сараенда берничә көрәшченең тренировкасын күзәтте.

Безнең һәркайсыбыз көн саен диярлек урамнарда хуҗасыз этләрне күрә. Нинди этләр сукбайлыкка чыга? Хуҗасыз калган маэмайларны нинди язмыш көтә? Сукбай хайваннарны аулаучылардан качып котылып приютка эләккән хайваннарның язмышы белән “Татар-информ” мәгълүмат агентлыгы хәбәрчесе кызыксынды.

«Татар-информ» мәгълүмат агентлыгында Татарстан Республикасының балалар хокуклары буенча вәкаләтле вәкил Гүзәл Удачина белән туры элемтә үтте. 1 июнь - балаларны халыкара яклау көнендә ул бала хокуклары, кыерсытылган балалар язмышы, ата-ана вазифалары турында сөйләде.

Быел 11 апрельдә Дәүләт Думасына Россия составына кергән республикаларның дәүләт телләрен укучылар һәм ата-аналар теләге белән генә укыту турында закон проекты кертелде. Закон проектын парламентарийлар Алена Аршинова, Олег Николаев, Шамсаил Саралиев, Олег Смолин, Елена Строкова һәм Борис Чернышев керткән. “Татар-информ” мәгълүмат агентлыгы хәбәрчесе әлеге закон проекты Россия составына кергән республикаларга нинди йогынты ясавын белү максатыннан төрле милләт вәкилләре белән сөйләште.

Спорт турында сөйләшүләрне күзәтсәң, бөтен кеше футбол һәм хоккей белән генә мавыга диярсең. Ник соң татар көрәше турында сөйләшүчеләр юк дәрәҗәсендә? Әллә халык татар көрәшчеләрен белмиме? “Татар-информ” танылган татар көрәшчеләрен Инстаграмда барлады. Егетләрнең уңышларын сез дә күзәтеп барыгыз!

Инстаграмда гаҗәп хәбәр таралды - "Кило ярым перәннек" турында җырлаган Нияз Җәләловның концертында гадәттән тыш вакыйга булган, аның телефонын урлаганнар, җырчы полиция участогына заявление язарга барган, имеш. Без Ниязның үзеннән бу хакта белештек.

Салават Юлаевның исемен аклау максаты белән башкорт җәмәгатьчелеге башлаган хәрәкәт ил күләмендә билгеле вакыйгага әйләнде. “Татар-информ” хәбәрчесе юморчының милли каһарманны кимсетеп әйткән чыгышына бәя бирүне сорап шәхесләргә мөрәҗәгать итте.

Татар дәүләт филармония концертлар залында җырчы әниләр «Әниләр һәм бәбиләр» концертын куйды. “Татар-информ” мәгълүмат агентлыгы хәбәрчесе проектның тарихы белән кызыксынгач, әниләрне тумаган балалар берләштергәнен ачыклады. Әтиләр дә бу проекттан читтә калмаган - аларга да юаныч табылган икән!

Кайбыч районының Борындык авылын ел саен диярлек язгы ташу сулары баса. Авыл халкы өчен бу яңалык түгел, алар “безнең өчен бу нормаль хәл, безгә шулай тиеш кебек”, диләр.

12 апрель - Космонавтика көне. 1961 елда Юрий Гагарин кешелек тарихында беренче тапкыр галәмгә оча. Россия космонавтикасы академиясендә хезмәт иткән техник фәннәр докторы, профессор Айвенго Галиев “Татар-информ” хәбәрчесенә галәми эшләре, исемен алыштырырга теләве, гаиләсеннән берүзе читтә торуы һәм эштән китү ниятләре турында сөйләде.

“Казан” милли мәдәният үзәгендә Башкортстанда яшәп иҗат итүче журналист, язучы Әнвәр Сөләймановның иҗат кичәсе узды. Гомере буе татар шәхесләрен данлаган кешенең үзен данларга бик аз кеше килгән иде. Әнвәр Сөләйманов – нечкә күңелле шәхес. Иҗат кичәсендә язучыны елау дәрәҗәсенә җиткергән күренешләр берничә тапкыр булды.

“Зәкят” фонды оештырган хәйрия концертында җырчы Мөнир Рахмаевның фонограммасы өзелеп, аның а капелла җырлаганын хәбәр иткән идек. Ул чыгыш ясаганда фонограммасы өзелүдә сәхнәдән Илназ Гариповның шоу-студиясен гаепләде. Концерт өчен җаваплы Илназ "Татар-информ"га бу инцидентны Мөнир Рахмаев тарафыннан ясалган пиар адым дип санавын әйтте.

Инстаграмда "Светофорның кызыл төсе ачуымны чыгара" дигән җыр башкарган егет тиз арада күпләргә танылды. "Татар-информ" хәбәрчесе үзенчәлекле тавыш белән мәзәк җыр башкарган тракторчы эзләп тапты. Ул - “ПМК-15” оешмасында эшләгән 37 яшьлек Марат - Элмурот Эркаев. Тракторчы егет үзенең яраткан эше һәм җырлары турында сөйләде.