«93 яшь булса да, 193 булса да, инәй – инәй булып кала, җибәрәсе бер дә килми икән аларны. Безнең өчен куанып, тормышыбызны күреп, белеп китте. Сөенеп ятадыр дип уйлыйбыз», – ди әниләре Тәкълимә апа турында төпчек улы Рафил Фәтхетдинов.

Җәмәгать эшлеклесе, ТР Милли музеенда генераль директор урынбасары булып эшләүче Ленария Мөслимова кияүгә чыкты. «Интертат» кәләшне әлеге куанычлы вакыйга белән котлады.

Татарстан Хезмәт министрлыгы коллегиясе утырышында туучылар санының кимүе, 2025 елда «Гаилә» илкүләм проекты буенча яңа социаль ярдәм чаралары, югары хезмәт хаклары һәм мәшгульлек фонында күп балалы гаиләләр саны арту турында сүз барды.

Бу дөньяда ил кайгысына үз хәсрәтенә кебек караган затлар бар. Сабаның Тенеки авылында яшәүче Фидаил Хисамиев, махсус хәрби операция өчен, инде 1 елдан артык окоп шәмнәре ясый.

Актанышның Пучы авылында яшәүче 85 яшьлек Флүн абый картлыгын 14 эте, 3 мәчесе белән бүлешә. Йортында уңайлыклар һәм җиһазлар булмаудан тыш, шуның кадәр җан иясе тотканга, чисталык ягы да аксый. Этләр асраганга, күрше-күлән белән дә дуслыгы беткән.

Ел башындагы җепшеклек эзсез үтмәде: ни кызганыч, хәсрәтле булды. Гомер-гомергә шул бер юлдан чаңгыда йөргән Рөстәм Әүбакиров (Рустем Бакир тәхәллүсе белән билгеле) бу юлы өенә кире кайтмады. Зур исемнәр, танылу артыннан кумаган, әмма якыннары аның турында бик сөйлисе килгән шагыйрь турында сүзем.

Яңа ел яллары тәмамланса да, «кышкы ялларда кая барырга» дигән сорау һәрвакыт актуаль булып кала. «Интертат» шугалаклар, чаңгыда һәм тюбингта шуу өчен таулар һәм башка «иң кышкы» ял итү урыннарын туплады.

Бүген Татарстанда аварияләр белән вазгыятькә багышланган матбугат конференциясе узды. Биредә журналистыбыз Юлай Низаев та катнашты. Матбугат вәкилләре белән очрашу барышында көнүзәк мәсьәләләргә җаваплар яңгырады.

Чаллыда дәүләт һәм шәхси картлар йортларына ихтыяҗ арткан. Экспертлар фикеренчә, ихтыяҗ алга таба да артачак, ә урыннарга инде хәзер үк кытлык. Чаллыдагы гадәти фатирда урнашкан 9 карт яшәгән пансионатта булган вакыйганы бөтен ил ишетте. 5 катлы йорттагы приютны ашыгыч рәвештә күчерделәр, бу вакыйга картларны карауны оештыру проблемасын күрсәтте.

Яңа елда Татарстанда иминият һәм социаль пенсияләр ничек үзгәрәчәк, һәм пенсионерның яшәү минимумы күләме күпме булачак? РФ Социаль фондының Татарстан буенча бүлеге идарәчесе Эдуард Вафин «Татар-информ» мәгълүмат агентлыгына биргән интервьюсында шул хакта сөйләде.

Казанда ватрушкада шуганда һәлак булган кызның дус кызын – 22 яшьлек Эвелина Якупованы тоткарладылар. Бүген аңа чикләү чарасы билгеләнде.

Лос-Анджелеста яшәүче татар җырчысы Гөлназ Батталова, инде дүртенче көн рәттән дөрләүче көчле янгыннар аркасында, эвакуацияләнергә мәҗбүр булган. «Интертат» Гөлназ белән элемтәгә кереп, җырчының хәлләрен һәм андагы вазгыятьне белеште.

Татарстанда беренче эш атнасы аномаль җылылыктан, кар һәм яңгырлардан башланды. Һава торышы начар булу сәбәпле, Шарм-эль-Шейхтан очучы самолетны запас аэродромга озаттылар, М-5 трассасында хәрәкәтне чикләделәр, кар чистарту техникасының эшен көчәйттеләр. Һава торышының ни өчен «акылдан язганын» «Татар-информ» метеорологлардан белде.

Махсус операция зонасыннан кайтучыларның күбесе посттравматик стресс белән очраша. Психологлар сүзләренчә, бу – нормаль хәл. Нәрсә ул посттравматик стресс, квалификацияле ярдәмне кайда алырга мөмкин һәм ни өчен белгечкә мөрәҗәгать итәргә оят түгел – бу хакта «Татар-информ»га Бехтерев исемендәге РКПБ психиатры сөйләде.

Быел 3 гыйнварда Казанда чаңгыда шуарга чыгып киткән җиреннән хәбәрсез югалган шагыйрь, КФУ нәшриятында корректор булып эшләгән Рөстәм Әүбакировның үлеме турында хәбәр килеп иреште.

Ел саен 5 гыйнвар көнне Кукмараның Комсомол мәйданында «Кукмара итекләре» халык иҗаты фестиваль-ярминкәсе оештырыла. Быелгысының үзенчәлеге – бөтенроссия дәрәҗәсендә булуы һәм 10нчы тапкыр узуы. «Кукмара итекләре» бәйрәменең юбилеен «Интертат» хәбәрчесе дә карап кайтты.

Яшь гаилә – Успановлар, махсус хәрби операциянең беренче көннәреннән үк ил сагында булган Марсель һәм аның тормыш иптәше Әнисә белән таныштырабыз.

Россиядә яңа машиналар сатып алу өчтән бер өлешкә диярлек кимегән. «Челнинские известия» мондый кискен аска тәгәрәүнең сәбәбе нәрсәдә икәнен ачыкларга тырышкан.

Тукай районы Иске Абдул авылында яшәүче Минһаҗевлар гаиләсе өчен 2025 ел кайгы белән башлана. Бер гаилә генә түгел, бөтен авыл югалту кичерә. 2 гыйнварда Иске Абдул батыр улын Данир Минһаҗевны соңгы юлга озатты.

Декабрьдә Татарстанда берьюлы берничә зур юл объекты ачылды, шул исәптән яңа түләүле магистральләр төзелеп бетте. Киләчәктә республикада түләүле юллар төзелеше дәвам ителәчәген дә кире какмыйлар. ТР Хөкүмәте Йортында узган брифингта түләүле трассаларның өстенлеге, киләчәктә аларын дөрес куллану юллары һәм бүгенге кулланыш турында фикер алыштылар.

«Татмедиа» акционерлык җәмгыяте генераль директоры Шамил Садыйковның «Күңел» радиосы баш мөхәррире Лилия Мәхмүтова белән әңгәмәсен тәкъдим итәбез.

Яңа ел ялларында Татарстанда ничек актив ял итәргә? Яңа ел каникуллары - яңа туристик урыннар ачу өчен бик яхшы вакыт. «Татар-информ» бу көннәрдә барып була торган республиканың төрле районнарындагы урыннар исемлеген төзеде.

Безнең илдәге күпчелек гаиләләр өчен Яңа ел – гаилә бәйрәме. Кыш бабай килә, телевизордан президент чыгышын карыйлар, пилмән пешерәләр, табында мандарин, оливье булырга тиеш, дип кабул ителгән. Чыршы бизәлә, гирляндалар эленә. Ә башка илләрдә Яңа еллар ничек уза? Нейрожурналист Яхъя Фәгыймов башка илләрдәге Яңа ел традицияләре белән таныштыра.

Көнчыгыш календаре буенча якынлашып килүче Яңа 2025 ел – яшел агач Елан елы. Елан елы нинди булырга вәгъдә итә, бәйрәмне нинди төсләрдә һәм нинди бүләкләр белән каршы алу яхшырак, киләсе елдан ниләр көтәргә, бәйрәм табынына нинди ризыклар куярга?