Июнь азагына якынлаша, димәк, татар халкы, бигрәк тә көрәшчеләр зарыгып көтеп алган Сабантуй бәйрәмнәре дә тәмамланып килә. Узган ялларда өч мәйданда Казан Сабантуйлары гөрләде. Өч мәйданчыкта – өч батыр. «Интертат» Казан батырлары белән таныштыра.

Узган елның июлендә Казанда Җәмигъ мәчетенең эскиз проектлары халыкара конкурсы җиңүчеләрен игълан иткән иделәр. Ике җиңүченең эше лаек дип табылса да, Җәмигъ мәчете быел, гомумән, башка проект буенча, башка урында төзеләчәк. «Интертат» Казан ратушасында яңгыраган фикерләрне тәкъдим итә.

Бу ялларда татар эстрадасында күптән көтелгән ел вакыйгасы булды – Алия һәм Ришат Төхвәтуллиннарның туй мәҗлесе гөрләде. Бәйрәм ничек үткән соң? Аеруча кайсы мизгелләр кунаклар хәтеренә нык уелып калган? «Интертат» мәҗлескә күзәтү ясады, туйда булган кунаклар белән дә сөйләште.

«Татмедиа» акционерлык җәмгыяте генераль директоры Шамил Садыйков Язучылар берлегендә Яшьләр бүлеген булдырырга һәм бу эшчәнлекне Гөлүсә Закировага тапшырырга тәкъдим итте.

Кайсы юл хәрәкәте кагыйдәләрен бозу кешеләр үлеменә китерә, күпме исерек йөртүче җинаять җаваплылыгына тартылган һәм руль артында исерек йөртүче булуы турында кая хәбәр итәргә? Бу хакта «Татар-информ»да узган матбугат конференциясендә Татарстан ЮХИДИ башлыгы Рөстәм Гарипов сөйләде.