28 июньдә Татарстанда алмашынучан-болытлы, явым-төшемнәрсез һава торышы була. Көньяк-көнбатыштан уртача, көндез урыны белән көчле җил. Төнлә һава температурасы +7..+12˚, көнбатыш районнарда +15˚, көндез +23..+28˚ градус.
Үсүче ай, ай Чаян йолдызлыгында.
Яшелчәләргә, агач-куакларга, җиләк куакларына ашламалар сибәргә кирәк. Туфракны сугару, йомшарту, компостлау өчен уңай вакыт. Күпьеллык чәчәкләрне вегетатив юл белән үрчетеп, утыртырга була. Бүлмә гөлләрен күчереп утырту өчен уңай көн.