Бүген – Бөек Ватан сугышында Җиңүнең 80 еллыгы. Казанда узган бәйрәм чараларына «Интертат» күзәтүе.

Илнең һәр почмагындагы шикелле, Бөек Ватан сугышында Җиңүнең 80 еллык юбилее Казанда иртүк башланып китте. Иң башта Татарстан Республикасы Рәисе Рөстәм Миңнеханов, ТР Беренче Президенты Минтимер Шәймиев Җиңү паркында булсалар, аннары Казан гарнизоны гаскәрләренең тантаналы узуы булган Меңьеллык мәйданына «Җиңү» автомобилендә юл тоттылар.

Һәр зур әйбер бәләкәй кисәкләрдән тора. Зур тарих та бәләкәй вакыйгалардан җыела. Бу язмада – зур тарих өчен бәләкәй, ә бер гаилә өчен зур вакыйга. 80 елдан артык вакыт узганнан соң, сугышта хәбәрсез югалган бабагыз турында хәбәр килсә нишләр идегез?