Халыкара космик станциядәге космонавтлар Россия халкын Җиңү бәйрәме белән котлады. Әлеге видео «Роскосмос» телеграм-каналында чыкты.
Алар арасында Татарстаннан космонавт Сергей Рыжиков бар. Ул хезмәттәшләре Алексей Зубрицкий һәм Кирилл Песков белән ил халкына мөрәҗәгать итте.
«Бөек Ватан сугышы тәмамлануга 80 ел узды. Илебезнең Җиңүе белән төгәлләнгән ул вакыттагы коточкыч вакыйгаларның тере шаһитлары калмады диярлек. Бабаларыбызның бөек җиңүе турында истәлекне саклау – безнең изге бурычыбыз», – диде ул.
Космонавтлар ««Георгий тасмасы» акциясен башлап җибәрде. Җиңү көне белән!» – диелә әлеге постта.
