«Интертат» «Юлай юллый» дип аталган яңа проект башлый. Аның авторы – Юлай Низаев. Проект кысаларында журналист, көн кадагындагы проблемаларны ачыклап, хокуклары бозылганнарның хакларын юллап йөрер дип ниятлибез.

Татарстаннан Олег Кириллов махсус операциянең беренче көннәрендә һәлак була. Аның гомере Киев янындагы Гостомель бистәсендә өзелә. Аннан 1 ай дәвамында бернинди хәбәр булмый. Озак көтү һәм газаплы өмет – аның хатыны күпне кичерә. Ул «Татар-информ»га үз героеның нинди булуы турында сөйләде.