Эсселек, тузан, колак тондыргыч тавыш, йокы режимы бозылу һәм башка авырлыклар алдында туктап кала торганнардан түгел Данил Фәтхуллин. Бүген ул Татарстанның Хезмәт геройлары иҗтимагый оешмасында тора.

... Әле тагын кыстыбургер, балыктыбый, татлыбый, вегантыбый... “Түбәтәй” татар хәләл тиз туклану челтәренә нигез салучыларның берсе Солтан Сафинның Казанда ресторан ачу хыялы тормышка ашты. Әлегә колакка ят атамалы милли ризыкларны "Түбәтәй" ресторанында авыз итәргә була.

Яман шеш кадәр үк мәкерле чир бармы икән ул?! Соңгы стадиясенә кадәр рак үзен белгертмәскә мөмкин. Аналык муентыгында яман шешне вакытында ачыклап дәвалау өчен хатын-кыз профилактик тикшеренүләргә йөрергә тиеш. Баксаң, яман шеш хасил итә ала торган кайбер факторларны булдырмый да калып була икән. К

Баласының озаклап дәрес хәзерләвеннән, темага тиз генә төшенә алмавыннан, кушканнарны эшләмәвеннән гарык булган әти-әниләрне очратырга туры килә. Ә зур хата эшләвебезне, соңрак шуның ачы җимешләрен татырга мөмкинлегебезне абайламыйбыз да.

Татар теле мәктәпләрдә ничек укытылачак? Соңгы айларда халыкны шушы мәсьәлә борчый. Бу атнада Дәүләт Советы сессиясендә сорауга җавап табылды, дип әйтергә була.

Комбайнчылар арасында үткәрелгән республикакүләм бәйге Актаныш һәм Балтач районнарының оста игенчеләргә бик бай булуын күрсәтте. Әлеге ике районнан 20 шәр комбайнчы бөртекле культураларны урып-җыюда югары күрсәткечләргә иреште.

Килде ярминкә даулап, килде ярминкә шаулап, бәхет, муллыклар яулап. Сентябрьдән декабрь ахырларынача шәһәр халкы көзге сый-хөрмәткә кинәнә. Быел көзге ярминкәләр 23 нче декабрьгә кадәр оештырылачак дип вәгъдә ителә.

Икмәк җиңел генә килми. Басуда соңгы башакларны урган вакытта ук, игенчеләр инде яңа уңыш турында уйлана. Җир юмарт, тик ул гаять зур тырышлык кертүне сорый. Быел Җир соңга калып уянуына, җылы җитмәүгә дә бирешмәде игенче. Тир түгеп башкарган хезмәтенең әҗерен күрә ул бүген. Игенчеләр сараенда иң оста комбайнчылар хөрмәтләнде. Татарстанның Премьер-министр урынбасары – авыл хуҗалыгы һәм азык-төлек министры Марат Әхмәтов югары нәтиҗәләр күрсәткән иң-иң тырыш 200 комбайнчыны бүләкләде. Авыл хезмәтчәннәре диплом һәм 100 мең сум күләмендә премиягә лаек булды.

Сызланусыз яшәү, рәхәтләнеп бер авырлыксыз хәрәкәтләнә алу үзе зур бәхет. Кайберәүләргә урыныннан тиз генә кузгалып китү, менү-төшү, җил-җил генә йөрү бик газаплы. Шушы михнәтләрне кешегә мәкерле ревматизм чирләре китерә. Ревматик авыруларның ни дәрәҗәдә куркыныч булуы, чиргә бирешмәс өчен кисәтү чаралары турында Казанның 7 нче шәһәр хастаханәсенең ревматология үзәге җитәкчесе, югары дәрәҗәле табиб ревматолог, Татарстанның атказанган табибы Равия Мухина сөйләде.

Булмас димә, дөнья бу! Тормышта бар да җайлы гына бармый: үзебез дә бәлагә тарыйбыз, якыннарыбызның гомерен коткарып калу өчен дә ашыгыч хезмәтләр чакыртырга туры килергә мөмкин. Мондый очракларда “112” номерына шалтыратасын һәркем белә. Әмма ярдәм тиз килеп җитсен өчен гозерне дөрес итеп аңлатырга да кирәк икән. Бу уңайдан Татарстан буенча Гражданнар оборонасы һәм гадәттән тыш хәлләр министры урынбасары Олег Степущенко киңәшләрен тәкъдим итәбез.

Профессор, техник фәннәр докторы, Татарстанның атказанган фән эшлеклесе, Россия Федерациясе югары мәктәбенең атказанган хезмәткәре Илнур Абдуллинның кичә 63 яшендә гомере өзелде. Галим тумышы белән Саба районы Сатыш авылыннан.

Кызлары булганнар белә: кыз баланың репродуктив сәламәтлеге турында тумыштан ук кайгыртырга кирәк. Шунлыктан, кечкенә чагында ук аны гинекологка күрсәтү зарур. Әмма табибка кайчан барырга? Һәм нинди очракларда? Балалар гинекологы, Республика балалар клиник хастаханәсенең гинекология бүлеге мөдире Елена Матвеева белән шул хакта сөйләшәбез.

Быел Татарстанда 5 млн тонна икмәк җыеп алдык дип сөенәбез. Шушы сан артында игенчеләрнең көндәлек фидакарь хезмәте ята. Икмәк уңгач, эше дә күп. Комбайнчылар басудан кайтып керми: көн корысында таңнан алып төнгә кадәр уракта. Әмма еллык хезмәтнең әҗере дә бар - быел игенчеләрне Казанда хөрмәтләделәр.

Казанның 79нчы мәктәбен 8нче гимназия белән кушу беренчесенә яңа сулыш өрде дип әйтергә була. Хәзер Совет районында урнашкан уку йорты – Мәгариф үзәге исемендә эшли. Биредә гимназиянең башлангыч сыйныфлары белем ала. 1-2 сыйныфлар параллеле арасыннан берәр сыйныф татар телен Валерия Мещерякова системасы буенча өйрәнә.

Уңышның күп өлеше инде бакчалардан җыеп алынды, капчык-әрҗәләргә салынып, базларга салынды. Ә аның уннан бер өлешен мохтаҗларга яисә дини, социаль оешмаларга илтергә онытмадыгызмы?

Татар җәмәгатьчелеге бүген милләтпәрвәр химия белгече, техник фәннәр докторы, профессор Азат Зыятдиновны соңгы юлга озатты. Азат Шәймулла улы химия сәнәгате өлкәсендә кайнаган, шул өлкәдә зур өлеш керткән галим генә түгел, татар милләте, теле өчен янып көйгән, татар әдәбиятын да тирәннән белгән шәхес.

Бүген татар җәмәгатьчелеге республиканың танылган химигы, күренекле җәмәгать эшлеклесе, галим Азат Зыятдиновны соңгы юлга озатты. Татарстан Фәннәр академиясендә матәм чарасы тәмамлангач, мәрхүмнең кызы Гөлнара ханым белән аралаштык.

Татарстанда урак өсте, басуларда комбайннар гөжләгән чак. Бөртеклекләрне ындыр табагына озату тәмамланып килгәндә, техник культураларны җыеп алу әле октябрьдә генә көтелә. Быелгы уңыш күрсәткечләре, авыл хуҗалыгында кайбер проблемалар хакында Татарстан Премьер-министры урынбасары – авыл хуҗалыгы һәм азык-төлек министры Марат Әхмәтов белән әңгәмә кордык.

Г. Тукай исемендәге Татар дәүләт филармониясендә Хәния Фәрхине искә алу кичәсе булды. “Истә калсын” дип исемләнгән концертта татар эстрадасы йолдызы турында якты хәтер яңартылды. Олы кызы Алия өч җыр башкарды. Кечкенә кызы Алсу белән концерт башланганчы сөйләшеп алдык.

Бүген Г. Тукай исемендәге Татар дәүләт филармониясендә Хәния Фәрхи истәлегенә “Истә калсын!” исемле концерт узды. Хәния Фәрхинең бертуган сеңлесе Фирүзә ханым кызы белән Башкортстанның Тәтешле районыннан килгән.

Истә калсын! – шушы исем астында оештырылган концерт Хәния Фәрхинең шушы җырыннан өзек белән ачылды һәм шулай тәмамланды да. Шаккатмалы, исән чагында куйган соңгы концертында үзе үк, үләсен сизенгәндәй, “истә калсын шушы мизгелләр” дип җырлаган булган.

Бүген Г. Тукай исемендәге Татар дәүләт филармониясендә Татарстанның һәм Башкортстанның халык артисты Хәния Фәрхи истәлегенә концерт узды. "Интертат" концерттан фоторепортаж тәкъдим итә.

Балалар бакчасында хәләл тукландыруга каршы имза җыюны ничек аңларга? Казанның Идел буе районы 144 нче балалар бакчасында хәләл тукландыру мәсьәләсе инде бер ел һаман хәл ителми. Хәмидовлар гаиләсе инде бер елдан бирле балаларын хәләл ризык белән тәэмин итүгә ирешә алмый.

1 нче сентябрьдә мөселман өммәте Корбан гаетен бәйрәм итә. Быел ул Белем көне белән туры килде. Мәчетләрдә бәйрәм чаралары вакыты мәктәпләрдәге тантаналар вакыты белән чагышмаслык итеп җайлаштырылган.

Бүген Казанда Зур Кызыл урамы, 65 нче йорт адресы буенча Татарстанның күренекле дәүләт эшлеклеләре Фикрәт Табиев һәм Гомәр Усмановка мемориаль такталар ачылды. Фикрәт Табеевны хәзерге вакытта Сингапур җитәкчесе Ли Куан Ю белән дә чагыштыралар: нәкъ шушы шәхес җитәкче булган чорда КАМАЗ, "Нижнекамскнефтехим", КАПО, "Казаньоргсинтез" төзелә. Аны Чаллы һәм Түбән Каманы төзеп чыккан кеше дип тә әйтергә була.

Татарстанда ел саен 30 августта Республика көне билгеләп үтелә. Шәһәр-районнарда бәйрәм чаралары башланды.

Үз аягыңда йөрү, дөньяны үз күзләрең белән күреп өйрәнүнең зур бәхет булуы турында онытып, күңелләр кайчак әллә нинди “югары” бәхеткә ымсына. Бар әгъзабыз да җитеш, дүрт саныбыз да төгәл булуы иң зур бәхет булуын онытып та җибәрәбез. Шушы бәхеттән мәхрүм булган кешеләр, аеруча балалар, аларның ачы язмышы, михнәтләре турында ишеткәч кенә, ярсу күңел йөгәнләнә дә куя.

18 нче августта Түбән Камада Химиклар урамындагы сауна бассейнында батып үлгән 7 яшьлек малайның әнисен эзлиләр. Россия Федерациясе Тикшерү комитетының Татарстан буенча идарәсе баланың үлеме буенча 109 нчы маддәнеең 1 нче часте (Саксызлык нәтиҗәсендә үлемгә китерү) маддәсе нигезендә җинаять эше кузгатылганын хәбәр иткән иде.

Йолдыз атылганда теләп өлгерә алсаң, күңел түрендәге иң эчкерсез хыяллар чынга аша дигән ышану бар. Бу күренеш август аенда аеруча еш күзәтелә. “Хыял утлары” Җиргә атылу сәбәбен “Татар-информ” хәбәрчесенә Казан (Идел буе) федераль университетының В.П.Энгельгардт исемендәге Астрономия обсерваториясе доценты Алмаз Галиев аңлатты.

21-22 август көннәрен ЮНЕСКО генераль директоры Ирина Бокова Татарстанда үткәрде. Визитының төп максаты – Зөя утрау-шәһәрендәге Успение соборы һәм монастырен Бөтендөнья мирас исемлегенә кертүне раслаучы таныклык тапшыру. "Интертат" бу сәфәрнең Татарстан Республикасы өчен нинди нәтиҗәләргә китерүенә күзәтү ясады.