Әгәр Клячкин хастаханәсендә дәваланмаса, бөек Тукаебыз апрельгә кадәр дә яши алмаган булыр иде, мөгаен. Хастаханәгә инде ул бик авыр хәлдә килеп эләккән. Устав буенча йогышлы авыруларны кабул итәргә рөхсәт булмаса да, табиб Григорий Абрамович Клячкин Габдулла Тукайны кабул иткән.

Татарстан мөфтие Камил хәзрәт Сәмигуллин Диния нәзарәтенең соңгы дүрт елгы эшенә хисап белән чыгыш ясады. VIII корылтайда аны янә мөфти итеп сайлап куйдылар.

Яз-җәйгә чыктың исә, су корбаннары турында кайгылы хәбәрләр килеп тора. Ни кызганыч, язгы ташу Алабуга районы Юраш авылында яшәгән 8 яшьлек баланың үлеменә сәбәп була.

Франция — ковид буенча Европада иң начар вазгыятьле илләрнең берсе. Анда коронавируска каршы тору буенча өченче карантин кертелде. Чикләү чаралары бер ай дәвам итәр дип көтелә. Мәктәпләр эшләмәячәк, ачык һавада чаралар чикләнәчәк, төбәкләр арасында сәфәрләр тыела.

Татарстанда өч көн Россиянең 39 төбәгеннән татар эшмәкәрләре кунак булды. Эш сәфәрләренең беренче көне секция утырышларында узса, кичә Тукай районы хуҗалыклары эшен карап кайттылар. Бүген исә пленар утырышта Татарстан Президенты Рөстәм Миңнехановтан Бөтенроссия халык санын алу алдыннан үгет-нәсихәтләр дә ишеттеләр.

Казанда 500 данә тираж белән «Эпоха татарских князей в Мещере (XV–XVII века)» китабы дөнья күрде. Мәгъсүм Акчурин, Мулланур Ишеев, Александр Абдиев язган шушы хезмәт Ш. Мәрҗани исемендәге Тарих институтында тәкъдим ителде.

Татарстанның атказанган артисты Фирдүс Тямаев бүген Ш. Мәрҗани исемендәге Тарих институтында татарларның мишәр төркеменә багышланган «Эпоха татарских князей в Мещере (XV–XVII века)» китабын тәкъдим итү чарасында катнашты. Шулай итеп, фәнни чара Тямай җырлары белән үрелеп барды.

Балалар церебраль параличка (ДЦП) китерерлек сәбәпләр белән тумасын өчен, табиблар хатын-кызны балага узган көненнән алып, 9 ай буе гел күзәтеп торырга тиеш. Республика балалар клиник хастаханәсе неврологы Эльза Әхмәдуллина шулай дип саный. Ул ДЦПга китерә торган төп ике сәбәпне атады.

Чүпрәле районы Татар Бизнәсе авылында коронавирус белән авырып тернәкләнгән, әмма сәламәтлекләре нык какшау аркасында өч кеше әле шушы арада гына гүр ияләре булган. Бер-бер артлы диярлек өч мәет. Бу хәлләр, күрәсең, эзсез узмаган. «Өйдән чыкмыйм, кибеткә дә барганым юк менә», — диде шушы авылда яшәүчеләрнең берсе.

Татарстанда фермерлык хәрәкәтенә 30 ел. Шул уңайдан, «Корстон»да матур гына бәйрәм оештырганнар. Программасы да шактый озын. Пандемиягә кадәр дә мондый тантаналы чаралар ике сәгатьтән артмый иде, гомер булмаганны бүген программа күргәзмәсе белән бергә биш сәгатькә тулды.

Бүген Г.Камал театры артистлары — Әзһәр Шакиров, Наилә Гәрәева, Мәрьям Йосыпова Казанның 18нче шәһәр хастаханәсе сырхауханәсендә коронавирустан прививка ясатты. Башта артистлар антитәнчекләрен тикшерү өчен кан анализы бирделәр. Аннары аларны терапевт кабул итте.

Кичә Зәйдә Бөек Ватан сугышында Җиңүнең 75 еллыгы хөрмәтенә куелган «Азат итүче сугышчы» һәйкәленә ут капкан. Янгын бала-чаганың шаяруы аркасында килеп чыккан. Полиция хезмәткәрләре ут төртүдә шикләнелгән дүрт яшүсмерне тапкан.

Узган 2020 елның 7 декабрендә кичке 6лар тирәсендә Кайбыч районы Колангы бистәсендә мылтык тавышы яңгырый. Вәлиуллиннар ихатасында төлкене сагалап үтерү нияте фаҗига белән тәмамлана. Төлке урынына 38 яшьлек Диләрә Вәлиуллина атып үтерелә.

Әниләренә 8 Мартка бүләк түгел, ә хәсрәт. Самара өлкәсе Курумоч бистәсендә яшәүчеләр өчен 8 Март җитте исә, бәйрәмнән бигрәк фаҗига, матәм тойгысы булачак инде хәзер. Яшьлекләре әле бөреләнеп кенә килгән җиде кеше кичә гүр иясе булды.

Татарстанның халык артисты, исеме «Мунча ташы» сүзтезмәсе белән янәшә торган Шәмси Закирга быел 11 февральдә 70 яшь тулды. «70 яшьлек Шәмси абый нинди була икән ул?» - дип, аңа шалтыратып, сөйләшеп утырасы килгәнемне әйттем. «Иртәгә үк кил», — диде Шәмси абый, ике дә уйламыйча. Миңа шул сүзе генә кирәк тә.

Татарстан Президенты 8 Март — Халыкара хатын-кызлар бәйрәме алдыннан журналистлар белән очрашты. Рөстәм Миңнеханов җавапларындагы төп ун теманы тәкъдим итәбез.

Бүген Татарстанда коррупциягә каршы тору эшен координацияләү буенча комиссия утырышында берничә түрәгә Татарстан Президенты Рөстәм Миңнеханов каршында кызарырга туры килде. Тиктомалга түгел, үз өлкәләрендә һәм җирлекләрендә кыңгыр эшләре өчен. Без капчыкта ятмый дигәннәре дөрес инде ул…

Туганыңның үлеме — бер кайгы, хаталы хәбәр аркасында нахак сүзләр ишетү — икенче кайгы. Балык Бистәсе районындагы коточкыч юл һәлакәтендә дүрт кешенең гомере өзелә, тик кайсы машинада кем булуын бутап язылган хәбәр таратыла. Бу хакта «Татар-информ»га якын туганын югалткан журналист Данил Сәфәров сөйләде.

Татарстанның нәселле терлек асраучы хуҗалыкларына сөткә, мал алуга субсидия бирү буенча яңа кагыйдәләр керә. Бу хакта Баш ветеринария идарәсенең коллегия утырышында сүз булган иде.

Шушы кышта Татарстанда тулы бер гаиләне диярлек алып киткән фаҗигаләрнең икенчеседер бу. Әле күптән түгел Югары Осландагы янгында дүрт кеше үлеме турындагы хәбәр тетрәндергән булса, 14 февральдә Баулы районында дүрт кешелек гаилә һәлакәткә очрап, ике баласы белән бер ата кешенең гомере өзелүеннән чәчләр үрә торды.

Ата-аналарга мәктәпләрдә туган телләрен өйрәтү тәҗрибәсен тарату, татарчага өйрәнү турында социаль реклама, баннерлар кирәклеге, татарча бәйгеләр уздыру… Шушы мәсьәләләр Татарстан Дәүләт Советының «Мәрхәмәт-Милосердие» хатын-кыз-депутатлар берләшмәсенең күчмә утырышында күтәрелде.

Бөтендөнья татар конгрессында Милли шураның чираттагы утырышы узды. Халык санын алу алдыннан оештырылган җиде эшче төркем башлаган эшләре турында белешмә белән уртаклашты. Утырышта шулай ук конгресс җитәкчелеген татарлар күпләп яшәгән төбәкләргә күбрәк игътибар бирергә өндәделәр.

Узган 2020 елда Татарстанда ВИЧ диагнозы белән бәбиләгән 177 хатын-кызның барысының да балалары сәламәт туган. Республикада бу беренче тапкыр. Казанда яшәүче 41 яшьлек Эльмира Николаева (исем-фамилиясе үзгәртелде) белән танышып сөйләштек. 20 ел наркотиклы тормыштан соң, бүген ул ике сәламәт бала анасы.

Пешекчеләрнең хезмәт хаклары түбән, эш сәгатьләре күп, азык-төлек блоклары таушалган, балаларга ашханәдә урын җитми, ризыклары суына, биргәнен ашап бетермиләр — мәктәп ашханәләрендә проблемалар буа буарлык.

Татарстанның Авыл хуҗалыгы һәм азык-төлек министрлыгы узган елгы эшчәнлегенә йомгак ясады. Кемнәр алгы сафта, кемнәргә «кызыл» зона яный, хәл итәсе нинди мәсьәләләр бар - болар хакында коллегия утырышында сүз барды.

Спас районы Бураково авыл җирлегендә күчмә сырхауханә эшли башлады. Халыкны башта төрле юнәлештәге табиблар карый, аннары коронавирустан прививкага җибәрәләр.

Гыйнвар ахырында Казандагы батут үзәгендә туган көн бәйрәме ничек тәмамланган? Сый-хөрмәт, сикерү, йөгерү, күтәренке кәефне, ни кызганыч, икенче көнне хастаханә алмаштырган. Бәйрәмдә имгәнү, зарлану, елашулар булмаса да, Гыйлемхановлар гаиләсе һәм аларның дуслары өчен йомшак сикерткечләрдә күңел ачу эзсез узмаган.

«Татмедиа» агентлыгы 2020 елгы эшчәнлегенә йомгак ясады. Басма матбугатка, телевидение, радио, социаль челтәрләр эшенә кыскача күзәтү ясалды. Коллегия утырышы коры чыгышлар рәвешендә генә булмасын өчен, аудиторияне җанландырып җибәрергә сораштырулар да үткәрелде.

Юл газабы — гүр газабы… 29 гыйнвар, җомга кичендә М-5 трассасының 878нче километрында Сызрань — Репьевка — Красносельск рейсы буенча кайтып баручы Citroen микроавтобусы куркыныч юл һәлакәтенә очрады. Унике кешенең гомере өзелде. Корбаннар арасында Ульяновск өлкәсеннән 52 яшьлек Фәйрүзә Янгазова да бар.

Сабые үсеп, әзме-күпме мөстәкыйль тормышка әзер булсын дип, Самара өлкәсендә яшәүче Мария Әгълиуллина бөтен көчен улының сәламәтлегенә багышлый. Әлегә Ильяс терәлмичә утырып та тора алмый, аягына да басмый, бары тик идәндә шуышып йөрергә мәҗбүр.