Мөхәррәм аеның беренче көне җитү белән һиҗри исәп буенча 1439 ел башлана. 21 сентябрь изге мөхәррәм аеның беренче көне. Яңа ел башы, бу олуг айны олыларга теләгән мөселман кардәшләребезгә аның хикмәтләрен, фазыйләтләрен искә төшерү урынлы булыр.

Ислам диненең 5 нче баганасы булган Хаҗ гамәлен әле күптән түгел генә үтәп кайтучыларның күңел кичерешләре, тәэсирләре яңа. Бу очракны кулдан ычкындырмыйм диеп, ашыга-ашыга әзерләдем бу язмамны. Күбесенең зур юлдан соң сәламәтлеге бераз какшап торган мәле. Шулай да, вакыт табып, канатланып, сөенеп искә алды алар узган көннәрен. Күңелләр дә тулып ташыды, күзләр дә яшьләнде... Рәхмәт сезгә, хаҗилар, хыялда гына булса да безне үзегез белән бергә алган өчен!

Мәдинә шәһәрендә яшәүче татар эшмәкәре бабаларыбыздан калган җирләрдә кунакханә төзергә уйлый. Киләчәктә Татарстан хаҗиларының Согуд Гарәбстанында тукталыр урыны булырга мөмкин. Шәһәрнең иң кыйммәтле урынында – мөселманнар өчен изге саналган Пәйгамбәр мәчете каршында, беренче линиядә урнашкан!

«Урынсызга ант иткәннең 60 тамыры корыр”,- ди халык. Шулай булса да, “Валлаһи”, “Билләһи”, “Ипи тотып ант итәм”, “Коръән белән ант итәм”, - дигән сүзләр көндәлек тормышта еш ишетелә. Үз сүзенең дөреслеген раслар өчен кеше шушындый олы нәрсәләр белән ант итә. Болай эшләргә ярыймы? Антны әйтергә була, аны төгәл үтәргә дә кирәк бит. Үти алмасаң яки онытсаң,нишләргә?

Изге сәфәрдән кайтучыларның 46 кешелек беренче төркемен мөфти Камил хәзрәт Сәмигуллин үзе каршы алды. Аларның хис-кичерешләрен, хәлләрен һәм изге җирдән нинди теләкләр белән кайтуларын "Татар-информ" хәбәрчесе белеште.

“Йортыбыз ихатасына кайвакыт яулыксыз чыккалыйм. Кызым мине моның өчен шелтәли, сине чит ир-атлар күрергә мөмкин, ди. Бер хәзрәттән ишеткәнем бар, имеш, ихата ул - хатын-кызның өе, яулыксыз да йөрергә ярый. Бу хак сүзме?” - дип сорый укучыбыз. Сорауга җавапны Казанның Вахитов һәм Идел буе районнары имам-мөхтәсибе Йосыф хәзрәт Дәүләтшин бирә.

2017 елгы Хаҗ азагына якынлашты. Хаҗ сәфәрендә булган Шамил Садыйков Хаҗ сәфәренә нәтиҗәләр ясый.

Татарстан хөкүмәте Хаҗга баручыларның сәламәтлеген кайгырту өчен 12 табибны (былтыр 15 табиб иде) Изге сәфәргә юллады. Республика бу табибларның һәм хаҗиларга кирәк булырга мөмкин булган медикамент чыгымнарын да күтәрә. Табиблар әйтүенчә, былтырга караганда авыручылар саны ике тапкырга күбрәк булган, шулай итеп, хаҗилар быел ике тапкыр күбрәк авырган.

Аллаһ Тәгалә кешегә байлыгын да, малын да бирә, әмма болар – сынау өчен. Сынауны уза алырмы мөселман кешесе, малын ни рәвешле файдаланыр – монысы аның үзеннән генә тора. Мөэминнәр мохтаҗларга ярдәм иткәндә, җәмгыятьтә тигезлек, гаделлек урнаша. Шуңа да Зәкяткә хәер бирү яки кемгәдер кече күңеллелек күрсәтү дип кенә карарга кирәкми. Зәкят – мөселман кешесенең бурычы.

2017 елның 4 сентябрендә Болгар ислам академиясендә беренче уку елы башланды.

Быелгы Корбан бәйрәмен Татарстан мөселманнары Диния назәрәте аеруча киң колачлы итеп уздырды. Ислам динендә иң зур бәйрәмнәрнең берсе булган Корбан гаете яхшы әзерлек белән, югары дәрәҗәдә оештырылды, шуңа да мөселманнар гына түгел, республиканда яшәүчеләрнең барчасы да, милләтенә-диненә карамастан, аны шатлык һәм күтәренке кәеф белән бәйрәм итте.

Хаҗ кылу быел милади календарь буенча 1-4 сентябрь көннәренә туры килә.

"Теге дөньяда хатын-кыз өчен ире җавап тотачак", - дигәнне ишеткәнем бар. Бу дөрес сүзме?" - дип сорый укучыбыз. Казанның Вахитов һәм Идел буе районнары имам-мөхтәсибе Йосыф хәзрәт Дәүләтшин җавап бирә.

Кичә, Корбан бәйрәме көнендә, Татарстан мөселманнары Диния нәзарәте “Хаҗ” үзәге бинасының ишегалды әкренләп халык белән тула барды. Бирегә нәни балаларын ияртеп әниләр, төрле төркем инвалидлыкка ия кешеләр, ветераннар, очын-очка ялгау авырлык белән бирелгән өлкән яшьтәге абый-апалар килә торды. Билгеләнгән вакытка 300дән артык кеше җыелды.

Бүген бөтен дөньяда мөселманнарның иң зур бәйрәме – Корбан гаете билгеләп үтелә. Бу бәйрәм Ураза гаете тәмамлангач 70 көн узуга, Зөлхиҗҗә аеның унынчы көнендә үткәрелә. Быел ул 1 сентябрьгә туры килде.

1 нче сентябрьдә мөселман өммәте Корбан гаетен бәйрәм итә. Быел ул Белем көне белән туры килде. Мәчетләрдә бәйрәм чаралары вакыты мәктәпләрдәге тантаналар вакыты белән чагышмаслык итеп җайлаштырылган.

1 сентябрьдә дөньядагы барча мөселманнар ислам динендә бөек бер бәйрәм булган Корбан гаетен уздырачак. Күпләр бу көнне корбан чалуның бөтен мәгънәсе корбанга китерелгән хайванда дип саный. Әмма Коръән Шәрифтә әйтелгән: “Чалган корбаннарыгызның ите дә, каны да Аллаһка барып ирешмәс, бары тик ихлас тәкъвалыгыгыз ирешер”.

Быел Согуд Гарәбстанының изге Мәккә җирендә Татарстаннан 1700 мөселман Хәнәфи мәзһәбе буенча хаҗ кыла. Хәзерге вакытта Мәккәдә һава температурасы 40 градустан югары...

Бүген без Казаннан көн саен уннарча һәм йөзләрчә мөселман кешесенең Согуд Гарәбстанына юл тотуын күрәбез. Аларның максаты - сөекле Пәйгамбәребез Мөхәммәд салләллаһү галәйһи вә сәлләм туып үскән һәм Ислам динебез тарала башлаган җирләргә бару.

«ДУМ РТ ХАДЖ»ның медицина бүлеге белгече, 15 тапкыр хаҗга барган Рамил Хисамов быелгы хаҗның үзенчәлекләре, хаҗиларга медицина ярдәме ничек күрсәтелүе, изге сәфәрдә сәламәтлекне саклау өчен нәрсәләргә игътибар итәргә кирәклеге турында сөйләде.

23 август – Ислам календаре буенча зөлхиҗҗә ае башланган көн. Зөлхиҗҗә – хаҗ ае, сугышлар һәм һәртөрле кан коюлар тыелган 4 изге айның берсе.

“Үлемне еш искә төшерегез”. Остазлар, дин галимнәре безне шулай өйрәтә. Исламда соңгы юл, мәет озатуның шәригать кануннары бар. Алар гасырлар дәвамында берникадәр яңалык белән үрелсә дә, зур үзгәрешсез генә формалаша килгәннәр. Мәгәр, соңгы елларда әйләнә-тирә халыклар йогынтысында татарга да шундый чит-ят йолалар керә башлады. Аеруча сагайтканы – мәетне озатканда кул чабып калу.

Аның белән сөйләшеп утырганда адәм баласында булган ихтыяр көченә, яшәү дәртенә карап сокланасың. Тормышында сынаулары күп булса да, кешедә менә шушы сыйфат булганда, ул барыбер җиңеп чыга, югалмый. Ахыр чиктә, үткән юлына карап үзе дә шакката икән.

Мөэмин-мөселманнарның олуг бәйрәмнәреннән саналган Корбан гаетенә дә санаулы көннәр генә калып бара. Быел Корбан бәйрәме җомга көнгә, Белем көненә туры килә. Быел Казанның 24 мәчетендә һәм бер махсус хайван сую комплексында борынгыдан килгән дини йоланы үтәргә мөмкин булачак.

Аллаһы Тәгалә Үзенең рәхмәте белән шундый вакытларны билгеләде ки, ул вакыт аралыгында гыйбадәт кылган өчен савап берничә мәртәбәләр артык була. Җомга намазы һәм гает намазлары нәкъ менә шундый вакытлардан.

Корбан чалу – кешеләр өчен Аллаһ тарафыннан билгеләнгән, пәйгамбәрләр кылган һәм мөселманнарга кушып калдырылган изге гыйбадәтләрнең берсе.

Йөкле хатын-кыз хаҗ кылырга бара аламы? Бу гамәл аңа рөхсәт ителәме? Әлеге сорауга Россия мөселманнары Диния нәзарәте рәисенең беренче урынбасары Рушан Аббасов җавап бирде.

12 августта Татарстаннан беренче төркем мөселманнар Хаҗга юл тотты. 49 кешедән торган делегациядә Казан, Әлмәт, Түбән Кама, Уфа, Чувашия республикасыннан килгән мөселманнар бар. Әйтергә кирәк, әлеге төркем Согуд Гарәбстанына Татарстаннан гына түгел, Россиядән чыгучы беренче карлыгачлар.

Әлеге сорауга Татарстанның Кукмара районы имам-мөхтәсибе Рәдиф хәзрәт Тимергалиев җавап бирә.

Намаз исламның икенче баганасы санала. Мөселман кешесе көн саен биш вакыт намаз (иртәнге, өйлә, икенде, ахшам, ястү) укый. Намаз ялгыз гына да, күмәкләшеп тә укыла. Җомга намазын мәчеттә уку мәслихәт.